The Original 2004 Roman Martyrology in Latin
 including diacritical marks

PRÆNOTANDA

I

DE SANCTlTATE IN ECONOMIA SALÚTIS

De universali vocátione hóminum ad sanctitátem

1. Deus Pater universos hómines ad divínam imáginem conditos (cf. Gn 1, 26-27) salvos fieri vult et ad agnitionem veritátis venire (cf. 1 Tim 2, 4), quæ Dóminus Iesus Christus est, via hóminum ad Patrem (cf. Jo 14, 6). Omnes, proinde, in primis christifidéles cuiuscumque status vel ordinis, ad vitæ Christiánæ plenitúdinem et caritátis perfectionem vocáti sunt, qua sanctitáte in Societáte quoque terréna humanior vivéndi modus promovetur.¹

2. Quinimmo Deus Pater, ómnia in Christo instaurans (cf. Eph 1, 10), voluntátem suam manifestávit, hóminum scílicet sanctificationem (cf. 1 Thess 4, 3); quæ per Christum, cum Christo et in Christo,²  magis magisque in dies, ad maiórem glóriam unius et indivisæ Trinitátis atque ad uberiorem Ecclésiæ sanctitátem in vita christifidélium augescit.³

3. Ipse vero, cum sit Sanctus (cf. 1 Pt 1, 16), ut omnes unum in Christo Iesu fiant, eos eripuit de potestáte tenebrarum et tránstulit in regnum Fílii dilectionis suæ (cf. Io 11, 51-52) ac sociat in sanctitáte sua et virtúte Sancti Spíritus, in laudem glóriæ grátiæ suæ (d. Eph 1, 6.12).

De sanctitáte in Christi mystério

4. Magister et exémplar Dóminus Jesus Christus, Dei Fílius, qui cum Patre et Spíritu « solus sanctus » celebrátur,⁴ et omnis sanctitátis fons est et virtútum origo, sanctitátem vitæ, cum ipse auctor et consummator eius exstet, ómnibus et singulis discípulis prædicávit: «Estóte ergo vos perfecti sicut et Pater vester cæléstis perfectus est» (Mt 5, 48). ⁵ In ipso Patris mysterio, quod Christus est, christifidéles Spíritus Sanctus in baptísmate confirmat et eos ad propósitum certámen impellit, ut immarcescíbilem corónam glóriæ (cf. 2 Tim 4, 7-8; 1 Cor 9, 25; Apoc 2, 10) in

communione ómnium Sanctórum consequantur.⁶ Christifidéles ipsi in Christo Iesu, iuxta eiúsdem monitum: «Si quis vult post me venire, abneget semetípsum et tollat crucem suam et sequatur me» (Mt 16, 24; cf. Mc 8, 34; Jo 12, 26), imitátores eiúsdem Salvatóris esse nituntur, ita ut, fíde, spe, caritáte  súffulti, per fratres iam in Christo viventes ad mystéria salútis implenda convérsationes inveniant, ipsórum insígni incitentur exémplo et pia intercessione perpetuo commendentur.⁷

De sanctitáte in Ecclésiæ vita

5. Deus Pater autem Sanctórum conféssióne mirábili Ecclésiam suam nova semper virtúte fecundat et fidélibus certissima præbet suæ dilectionis indicia.⁸

Christus Dóminus quoque Ecclésiam tamquam sponsam suam diligit, pro qua seipsum trádidit, ut illam sanctificaret (cf. Eph 5, 25-26), eámque sibi útpote Corpus suum coniúnxit atque sanctitátis dono cumulávit ad glóriam Dei.⁹

Spíritus Sanctus idem Christi corpus ánimat, ut ab ipso accipiat sanctitátem, cum ipso regnum veritátis et vitæ, regnum scílicet sanctitátis et grátiæ, regnum iustítiæ, amoris et pacis¹⁰ clarificet; in ipso omnes fidéles a servitute corruptionis in libertátem glóriæ filiórum Dei (cf. Rom 8, 21) constituuntur.

6. Proinde Ecclésia sancta simul et semper purificanda est,¹¹ ad quam tamen in Christo vocáti sunt omnes et in qua, per grátiam Dei omnipotentis, Sanctórum consortia gaudeant, donec eorúndem gloriósa in Christo communio in fine témporum consummetur.Ipsa Ecclésia, Sanctórum Mater, sédulo semper curat, ut christifidéles vocátionem ad sanctitátem foveant et ad ipsam perveniant. Præsértim in adiúnctis huius témporis novæ evangelizatiónis, maximi momenti est ut totum pastorále iter in ipsa sanctitáte collocetur, quæ intellegi oportet non quidem uti via extraordinaria aliquorum tantum, sed ut inténtio ómnium christifidélium ad vitæ Christiánæ plenitudinem. et cartatis perfectionem.¹²

II

DE SANCTÓRUM MEMÓRIA SEU VÉNERATIONE

De Christi vita: Memória in Sanctórum vita

7. Clemenfissimus Pater, qui per Fílium dilectionis suæ, sicut cónditor géneris est humani, ita Benígnissimus reformator,¹³ Sancto Spíritu adiuvánte, Sanctórum convérsatione exémplum, communione consortium, intercessione subsídium unicuíque christifídeli largitur.¹⁴  

 

8. Ecclésia autem Trínitatem confitetur mirabilem in Sanctis ipsis, qui vivam Salvatóris in mundo præsentiam atque germanam Ecclésiæ ipsíus naturam ómnibus homínibus patefaciunt, útpote Imágines divínæ sanctitátis, ex qua illa exoriuntur Sanctórum ópera, quæ simul et Christi mirabilium sunt manifestátio.¹⁵

 

 9. Omnis enim Sanctórum liturgica commemorátio in Ecclésiæ vita exhibita suapte natúra tendit ad Christum ac terminatur in eo, qui est «coróna Sanctórum ómnium »,¹⁶ et per ipsum, Spíritu Sancto comitánte, ad Patrem, qui est mirábilis in Sanctis suis et in ipsis magnificatur (cf. 2 Thess 1, 10).¹⁷       

 

10. Sanctórum quidem vita per témporis decursum quasi continuatio seu Memória Christi vitæ et in Hoc sáeculo elucet, resurrectionis ipsíus glóriam demonstrans,¹⁸ et in cæléstium glória atque veluti Stella a stella differens in claritate (cf. 1 Cor 15, 40-41) christifidélibus proponitur: «ómnia prætereunt, Sanctórum glória durat in Christo, qui cuncta novat dum pennanet ipse ».¹⁹   

 

11. Proinde eádem Memória liturgica Sanctórum innititur, non tantum ut exémpla eórum ómnibus fidélibus proponantur imitanda, sed magis adhuc ut totíus Ecclésiæ unio in Spíritu roboretur (cf. Eph 4, 1-6). Nam sicut christiána inter viatores communio propinquius nos ad Christum adducit, ita consortium cum Sanctis nos Christo coniun. git, a qua tamquam e fonte et cápite omnis grátia et ipsíus Populi Dei ²⁰ vita promanant.

12. Qua de causa, dies tránsitus Sanctórum ex hac vita ad ætérnum consortium fulcitur Christi vita, videlicet eius Paschali Mysterio, et merito nominatur et «dies natális » eórum est, de more in sacra litúrgia commémoratus.

De Sanctórum cultu

13. Ecclésia viatorum inde a primævis vitæ suæ tempóribus Apostolos et mártyres Christi celebrávit, qui sui sánguinis effusione, ad imitatiónem Salvatóris patientis super Crucem, in spe resurrectionis suprémum fídei et caritátis testimónium dederunt (cf. Apoc 22, 14).21

14. Exinde Sancti iuxta genuinam tradítionem in Ecclésia coluntur,²² quæ peculiári et fíliali christifidélium veneratióni commendat Beátam Maríam semper Virginem, Dei Matrem, quam Christus hóminum ómnium Matrem constítuit, atque verum et authenticum promovet cultum aliorum Sanctórum.²³

15. Cultu publico eos tantum Dei servos venerári licet, qui auctoritáte Ecclésiæ in album Sanctórum vel Beatórum relati sunt.²⁴ Eorum reliquire authenticæ necnon effigies in véneratióne habentur, prout cultus Sanctórum in Ecclésia mirabilia quidem Christi in servis eius prædicat et fidélibus opportuna præbet exémpla imitanda.²⁵

16. Quoad sanctos Archangelos Michælem, Gabrielem et RapHaclem, Angelos Custódes atque innúmeras turbas Angelorum, qui coram Deo omnipotenti astant, ut die ac nocte serviant ei vultus Dei glóriam incessánter contemplantes,²⁶ quorumque nomina ab eo tantum cognoscuntur, ipsis tantummodo tribuatur cultus, qui libris liturgicis vel genuina Ecclésiæ tradítione admittitur.

De Sanctórum communione in Litúrgia exercita

17. In sacra Litúrgia divínæ maiestátis laudem socia exsultatione Ecclésia tota concelebrat.²⁷ Universi enim qui Christi sunt, Spíritum eius habéntes, in unam Ecclésiam coalescunt et ínvicem cobrerent in ipso (cf. Eph 4, 16).

18. Ex eo deducitur quod cælites intimius cum Christo uniuntur, totam Ecclésiam in sanctitáte firmius consolidant, cultum, quem ipsa hic in terris Deo exhibet, nobilitant ac multiplíciter ad ampliorem eius redificationem contribuunt.²⁸ Quos imitantes fídeles, dum in itínere ad Patrem Christi vestígia sequuntur, semper, ut ínvicem adiuvent, enituntur. Eorum vitam in Christo contemplantes, lucem quærunt étiam ad mystéria Dei investiganda. Nam in vita Sanctórum, qui, humanitátis nostræ consortes, ad imáginem tamen Christi perfectius transformantur (cf. 2 Cor 3, 18), Deus præsentiam vultumque suum homínibus vivide manifestat. In eis ipse nos alloquitur signumque nobis præbet Regni sui.²⁹ Quod speciáli modo apparet in illis sanctis, qui peculiaribus donis Spíritus Sancti præditis non tantum vitæ, sed doctrínæ quoque excellentia eluxerunt. Hoc autem non unice considerandum est de sciéntia theologica, sed étiam de «sciéntia amoris » illa, quæ ab illumination Spíritus Sancti derivatur per experientiam mysteriorum Dei.³⁰

19. Sanctórum intercessione, in Christo reterno et summo sacerdóte (cf. Heb 3, 1; 4, 14; 5, 10; 7, 26; 9, 11), mediatore Dei et hóminum (cf. 1 Tim 2, 5), in Ecclésia communio magis magisque in dies augescit, cum liturgica celebratio perágitur. Quod præsértim fit in Eucharístiæ celebranda, ubi præcipua ratióne grátias agendo univérsa iungitur Ecclésia cum cælítibus communicans Memóriamque venerans ómnium Sanctórum,³¹ et in Litúrgiæ Horárum celebratione, in qua laus Sanctíssimæ Trinitátis per Sanctos eius numquam cessat.

 

III

DE MARTYROLOGIO ROMANO

De Martyrologii indole naturaque liturgica

20. Sæculorum decursu, inter líbros pro liturgicis celebratiónibus ad cultum Sanctissimæ Trínitati digne, ut decet, tribuendum computatum est Martyrologium, cuius natúra liturgica gradatim in dies eluxit.

21. Relátiones inter antiquíssima Calendaria liturgica et Martyrologium, aptis additis indicationibus practicis mutuórum inter eádem nexuum ac divinorum mysteriorum celebrationum, sensim auxerunt usque ad hodiernam indolem, ubi finis et usus præcípue liturgici patent.

De Martyrologii instauratióne

22. Sæculis procedentibus, Martyrológium plúries renovatum est ac nuperrime eiúsdem instauratio ex decréto Sacrosancti Ecumenici Concílii Vaticani II, simúlque promulgatio aliorum liturgicorum librorum instauratorum, urget, ut ipsum Martyrologium, debita historica investigatione præmissa, cum áliis Ritus Románi libris dénuo apte congruat.

23. Elenchus tamen Sanctórum necnon Beatórum in Martyrologio, cum eos rEspíciat Sanctos et Beatos, de quibus supra, n.¹⁵, ex inveterata et usitata tradítione a mense ianuario usque ad decembrem, sicut in Calendario Romano, civilis anni cursui respondet, licet mínime anni liturgici cursum parvi pendére curet.

De necessitudine Martyrologii cum áliis liturgicis libris

24. Celebratio liturgica prout manifestátio et actualizatio amoris Ecclésiæ pro Sponso Iesu Christo, cuius totum mystérium anno progrediente explicat et recolit, étiam cultum Sanctórum refert. Sancti enim, per multiformem Dei grátiam, ad perfectionem provecti atque ætérnam iam adepti salútem Deo in cælis laudem perféctam decantant et pro christifidélibus præsertim, verum pro ómnibus quoque hominibus, intercedunt. Proinde Christi mystérium et cultus Sanctórum ita mutuo coalescunt, ut in Ecclésiæ litúrgia relátiones adsint inter Martyrológium et álios líbros liturgicos pro Christi mysterii celebratione, in qua et Sancti inveniuntur.

25. Qua de causa, Ecclésia, ne Sanctórum festivitates celebratiónibus ipsa mystéria salútis recolentibus prævaleant, cum elencho Sanctórum Beatórumque et normas litúrgicas præbet, quarum virtúte statutis diébus eórum Memóriæ celebrári queunt.³²

26. Compertum enim est, præter sollemnitates vel festa Sanctórum necnon Memórias obligátorias, in feriis, quæ admittunt celebratiónem Memóriæ ad libitum, iusta de causa celebrári posse, eódem gradu, officium et Missam alicúius Sancti inscripti eo die in hoe Martyrologio Romano aut in Proprio Martyrologii, id est in Appendice propria Martyrologii Románi rite approbáta.³³

 

De Sanctórum Beatórumque elencho in Martyrologio

 

27. Martyrologio Romano, quod liber liturgicus censendum, propósitum est nec exhaustivum præbére elenchum ómnium Sanctórum ac Beatórum, nec prolixa ipsórum elogia, e quibus vel tractátus asceticæ redificationis vel historia Ecclésiæ útpote Sanctórum Famíliæ et gentis sanctæ ex divína acquisitione (cf. 1 Pet 2, 9; 1 Thess 5, 9-10; 2 Thess 2, 13) erui deducique possint.

28. Martyrológium vero elenchum refert Memóriarum imprimis quidem Beátæ Maríæ Vírginis, Dei Genitricis, dein Angelorum et demum christifídélium, qui in cultu Ecclésiæ sive universalis sive particularis ac religiósæ cuiuslibet Famíliæ hodiernis tempóribus adsunt, non vero integrum catalogum ómnium, qui beátissima atque ætérna Dei visione gaudent. ³⁴

29. Quas ob causas, Martyrológium Románum Sanctos refert in Calendario Romano inscriptos, cum momentum universale præ se ferant in univérsa Ecclésia Ritus Románi, necnon plures, sed non omnes, ex his, qui Ecclésiæ cuique particulári vel religiósæ Famíliæ commendati sunt et liturgico quovis gradu commémorati. Status hic particularis seu localis commémorationum Sanctórum antiquiorum ac Beatórum ómnium a Media Ætáte usque ad hodierna témpora asterisco (*) indicatur iuxta numerum, qui ordinem chronologicum Sanctórum ac Beatórum in die designat.

De celebratióne Sanctórum vel Beatórum

30. Sicut supra, n. 26, relatum est, Missa vel étiam Officium alicúius Sancti in Martyrologio Romano aut in Proprio Martyrologii rite approbato inscripti celebrári potest, iusta de causa, die· quo nomen eius inseritur, in feriis, quibus celebratio Memóriæ ad libitum admittitur.³⁵

31. Huiusmodi celebratio alicúius Beáti in Martyrologio aut in Proprio Martyrologii rite approbato inscripti dioecesi, nationi seu ampliori dicioni aut Famíliæ religiósæ reservetur, quibus ab Apóstolica Sede concessa est.³⁶

32. Oportet ut quævis dioecesis vel Família religiósa suum Calendaríum Proprium habeat³⁷ ac singulæ vero Conferentire Episcopórum conficiant Calendaria Propria suæ quæque nationis vel, una cum áliis Conferentiis, Calendaríum amplioris dicionis, quæ ómnia cum Martyrologio Romano debite congruenda sunt et Sedi Apóstolicæ approbanda seu confirmanda.

33. Si vero dies natális alicúius Sancti vel Beáti in Martyrologio indicatus alia celebratióne superioris gradus quotánnis impeditur, Sanctus vel Beátus iste commemorari potest in Calendariis Propriis die libero proximo vel, si casus fert, die alia ratióne ipsi proprio, ut, exempli grátia, die inventionis, elevationis aut transLátionis corporis, vel étiam die canonizationis aut beátificationis, qui tamen de more minus convéniens censendus est.³⁸ Quod si fuerit, in lectione Martyrologii loco suo una álterave e formulis infra, p. 30, n. 12, propositis adhibeatur.

34. Quivis Sanctus in Martyrologio Romano inscriptus eligi potest ut títulus ecclesire. Si vero de Beáto agatur, ab Apóstolica Sede indultum pétere oportet,³⁹ nisi Beátus ipse in Calendario diocesis vel nationis iam rite inscriptus sit.⁴⁰

De lectione Martyrologii

35. Elogia Sanctórum alicúius diéi semper præcedenti die leguntur.

36. Lectio Martyrologii laudabiliter fit in choro, sed étiam extra chorum peragi potest.

37. In Martyrologio legéndo servetur ordo, qui infra invénitur.

V

DE PROPRIIS MARTYROLOGII

38. Unicuique diocesi, nationi vel Famíliæ religiósæ  exarare licet Proprium Martyrologii seu Appendicem Martyrologii, in qua Sancti et Beáti enuntientur in Calendario Proprio inscripti, qui a Martyrologio Romano absint vel divérso die celebrentur vel alio gradu celebrationis peragantur vel quorum elógium opportune aliquantulum amplificare visum est. Huiusmodi Proprium ad Congregatiónem de Cultu Divíno et Disciplina Sacramentorum transmittatur ad recognitionem et approbationem seu confirmationem obtinendam.

39. Quæ tamen amplificata elogia ne mere ad modum géneris litterarii «Vitæ » vel «Legendæ» componantur, sed, quantum fieri potest, victóriam paschálem Christi in servis suis patefáciant et distinctivam grátiam unicuíque tributam fidélibus exhibeant.⁴¹ Fídes insuper historica semper stricte servetur,⁴² nec admittantur elementa homiletica seu «ædificationis ». Ne elogia insuper quadragínta fere verba excedant.

VI

DE APTATIONIBUS QUÆ CONFERENTIIS EPISCOPÓRUM COMPETUNT

40. Conferentiarum Episcopórum est versiones in linguas vulgares Martyrologii Románi comparare, integritáte et fídelitáte adamússim servatis attentisque géneris litterarii notis peculiaribus.

41. Convenit ut in Martyrologio edendo elogia cuiúsvis diei, quæ totíus nationis vel dicionis ex concessione Sanctæ Sedis censenda sunt propria, primo loco ponantur post elogia, quæ ad celebrationes pertinent in Calendario Generali inscriptas, et eisdem imprimantur typis. Illa vero elogia, quæ regiónis vel diocesis sunt propria, in Appendice particulári locum semper habeant. Textus autem cuiuscumque editionis Conferentiæ Episcopórum ad normam iuris approbandus est et Sedi Apóstoliare recognoscendus. Quod valet, mutatis mutandis, pro quavis Família religiósa.

42. In editionibus parandis, omnino distinguendum est inter versions Martyrologii Románi, quæ integræ esse debent, et colléctions partiales, quæ, ex Martyrologio Romano ad usum pastorálem excerptæ, ad usum liturgicum ne destinentur

_________________

⁴¹ Cf. Conc. Œc. VATIC. II, Constitutio de sacra Liturgia Sacrosanctum Concilium, n. 92.

⁴² Ibidem, n. 111.

DE PRONUNTIATIONE LUNJE

AD LIBITUM PERAGENDA

    Quamvis ubíque terrárum calendAríum solare cognitum et vulgatum habeatur, opportunum tamen visum est enuntiandi diem iuxta calendAríum lunare consuetúdinem servare, quæ vero ad lectionem liturgicam Martyrologii ad libitum fieri potest.

    Momentum computationis diéi lunaris elucet ex eo quod, máxima Sollémnitas Paschális, cum præcedenti Quadragésima et subsequenti témpore paschali, a plenilunio mensis aprílis pendeat. Ídeoque in hac typica editione Martyrologii computatio lunaris asservátur, ut peculiaris nexus 'inter pópulum Antiqui et Novi Frederis, étiam in mystério paschali celebrando, eniteat. Ceterum, computatio lunaris ab Ecclésiis Orientálibus et a plúrimis non christiánis religionibus et culturis in univérso orbe custoditur.

    In hoc Martyrologio dispositæ supra notitias Sanctórum trigínta exstant litteræ, quot sunt numeri ex quibus cyclus epactarum lunæ a chronographis compositus est, quæ singulis diébus totíus anni, convénienti computo peracto, indicant quota luna sit pronuntianda; singula littera ad convénientem præterea remittit numerum ipsi subiacentem in seriem trigínta vel undetrigínta notarum ordinatum, qui singulas designat dies mensis lunaris. Usus huiusmodi ordinum litterárum numerorumque lunre reperiendre commodatorum a convénientibus tabulis témporariis rectus est, in quibus unicuíque anno proprius numerus aureus respondet, qui positionern curæntis anni indicat intra cyclum lunarem undevigínti annorum in his computationibus adhibitum, necnon epacta, seu discrimen undecim diérum occúrrens inter finem anni lunaris et initíum anni solaris, et littera Martyrologii postrémo huic supradictæ epactæ íntime ac facile connexa, quemádmodum appositus osténdit prospectus:

    Quæ ómnia elementa computationi lunæ necessaria quoad spatium témporis inter annum 2004 et 2033, in tabella témporaria infra⁴³ reperiuntur.Ad pronuntiándum, itaque, diem lunationis singulis diébus uniuscuiusque anni, noto número aureo, sumenda est epacta et mox littera ei respondens, quæ detecta in tabellis requationis in Martyrologio super notitias Sanctórum positis numerum diéi lunaris ei respondentem ostendet, nempe quota sit luna pronuntianda singulis diébus totíus anni usque ad ultimam diem decembris. Exemplum: Anno 2005, numerus aureus curæns est ¹¹, cui respondet epacta XIX et littera Martyrologii «u», quæ toto eo anno inquirenda est in tabellis requationis in Martyrologio; quibus consultis, diéi Primæ seu kaléndis ianuárii litterre «u » respondebit numerus 20, qui est luna pronuntianda; et diéi secundæ seu quarto nonas Augústi numerus 26.

     Quibus autem annis numerus aureus 1 currit, a kaléndis ianuárii luna semper pronuntianda est una die minor quam in Martyrologio adnotatur usque ad finem illíus lunationis. Exemplum: Anno 2204, quo numerus aureus curæns est 1, respondet epacta XXVII et littera Martyrologii «M», quæ toto eo anno inquirenda est in tabellis requationis; quibus consultis, die prima seu kaléndis ianuárii litterre «M» respondere videbitur numerus seu dies lunationis 29, in cuius locum tamen 28 est luna pronuntianda; quo modo prosequéndum est usque tantum ad diem secundam seu quartum nonas ianuárii, cum luna erit 29 (etsi numerus 30 notetur), dum vero diéi tertire seu Tértio nonas ianuárii Régulariter respondebit luna 1. Huie normæ modo derogatur quotiescumque dicto número aureo 1 respondebit littera Martyrologii «P» maiuscula, sub qua semper luna pronuntianda erit ut numerus in tabellis requationis indicat, nempe quemádmodum et in áliis annis fieri solet.

    Si quis annus forte in epactam vigesimam quintam incidit, cui duplex littera «F» maiuscula respondet alia nigro alia rubro colore notata, dies lunationis cernenda est prout numerus aureus sit e prioribus undecim vel a 12 usque ad 19. Exemplum: Anno 2011 numerus aureus 17 correspondet epactæ XXV et scílicet litterre Martyrologii «F». Die décima tértia seu idibus aprílis illíus anni sub littera «F» vária indicatur luna, quæ tamen, cum numerus aureus sit maior quam 12 inclusive, pronuntianda est quemádmodum sub epacta nigra, nempe 10. Vertente autem anno 2303, cui numerus aureus 9 respondet et ipsa epacta XXV, iísdem idibus aprílis, cum numerus aureus minor sit quam 11 inclusive, pronuntianda est dies lunationis sub littera Martyrologii «F» rubro colore exarata, nempe 9.

     Tabella témporaria modo valet ad annum usque 2199; alire vero construi possunt auxílio peculiAríum tabularum Perpétuarum requationis cycli epactarum, e quibus pro áliquot annis desumi possunt, noto número aureo, ⁴⁴ epacta ⁴⁵ et littera Martyrologii unicuíque anno respondentes. Quæ novæ tabellæ, instar subsequentis speciminis depromptæ, vicissim tantum ad tempus usque mutationis cycli epactarum valent. Exemplum: Ab anno 2200, cui numerus aureus 16 respondet, a quo appositum spécimen initíum capit, usque modo ad annum 2299 componi potest proposita tabula, ubi ómnia recolliguntur necessaria elementa ad inquirendum quota luna tantum in illo témporis spátio pronuntianda sit.

TABELLA LITTERARUM MARTYROLOGII

RESPONDENTIUM AUREIS NUMERIS ET EPACTIS

AB INITIO ANNI 2200 USQUE AD FINEM ANNI 2299

 

    Anno 2248, ergo, cui numerus aureus est 7, respondebit epacta IV et scílicet littera Martyrologii «d » minuscula, a qua, sicut supra dictum est, dies lunationis singulis diébus illíus anni reperitur.

______________________

 ⁴⁴ Computata parte integra in ratione inter annum, cuius interest elementa invenire, et 19, numerus aureus evincitur subtrahendo de illo eodem anno, addito uno, supradictam partemintegram undevicies multiplicatam.

⁴⁵ Computata summa, qure ex multiplicatione efficitur inter numerum aureum anni, cuiusinterest epactam invenire, et 11, abhinc usque ad annum 2099 epacta evincitur: a) si huiusmultiplicationis summa maior est quam tredecim, unum addenda reliquo quotientis integri,qui ex illa eadem summa fit, deducto tredecim, in triginta divisa; b) si vero minor est quam tredecim, unum addenda summre supradictre multiplicationis, addito triginta et tredecim deducto (seu, scilicet, summre multiplicationis duodeviginti addenda). Ab anno 2100 usque ad 2199, loco numerorum tredecim et unius, numeri respective quattuordecim et duo erunt adhibendi.

TABELLA TÉMPORARIA

EPACTARUM ET LITTERARUM MARTYROLOGII

ORDO

LECTIONIS MARTYROLOGII

I

ORDO LECTIONIS MARTYROLOGII

INTRA LITÚRGIAM HORARUM

1. In choro lectio fit de more ad Laudes matutinas, post oratiónem conclusivam Horæ. Lector absolute incipit a diei insequentis mentione. Lectio concluditur his verbis:

℣. Pretiósa in conspéctu Dómini.        
℟. Mors Sanctórum eius.

2. Deinde sequi potest una ex lectionibus brevibus infra propositis, pp. 41-60, quam lector concludit acclamans:   
℣. Verbum Dómini.        
℟. Deo grátias.

3. Post lectionem sacerdos vel diaconus, qui celebrationi præest, unam dicit ex orationibus infra propositis, pp. 63-68. Item facit laicus, qui, absente ministro ordinato, celebrationem moderatur.

4. Deínde fit benedíctio et dimissio, iuxta has formulas:   

 

Dóminus nos benedicát   
et ab omni malo deféndat          
et ad vitam perdúcat ætérnam.

Et fidélium ánimæ
per Misericórdiam Dei    
requiéscant in pace.

℟. Amen.

℣. Ite in pace.

℟. Deo grátias.

5. Si autem Hoc mínime oportere videtur, nihil obstat quominus Martyrologii lectio ad quamlibet Horam Minórem simili modo peragatur.

6. Ad Horam Minórem lectio fit statim post oratiónem conclusivam, ut supra proponitur. In fine versiculus additur Pretiósa , dénique acclamatio Benedicamus Dómino et responsum modo consueto vel ut supra, n. 4.

7. In lectione elogiorum peragenda nuntiatur primo loco, si casus fert, celebratio mobilis, formulis adhíbitis quæ infra, pp. 35-37, ponuntur. Die tamen Resurrectionis Dómini, ántequam elogia diéi sequentis legantur, præponatur Memória Domínicæ Paschális.

8. Feria V Hebdomadæ sanctæ, Feria VI in Pássio ne Dómini et Sábbato sancto, lectio Martyrologii omnino excludatur, elogiis Sanctórum hac vice omissis.

9. In vigilia Nativitátis Dómini, post enuntiatum diem vicesimum quintum mensis decembris, annuntiatio sollemnis Nativitátis cantatur modo peculiari, ut infra, pp. 71-74.

10. In Martyrologio proclamando, indicatio diéi lunaris ad libitum fit post diéi enuntiationem, quómodo infra, pp. 23-26, describitur.

11. Elogia Sanctórum vel Beatórum asterisco indicáta tantum in direcesibus vel in famíliis religiósis leguntur, quibus cultus huius Sancti vel Beáti concessus est.

12. Si qua Memória in alium diem transferri vel reponi contigerit, in fine correspondentis elogii addatur mentio diéi translati aut repositi:

 

Pro innuendo die translato:        ipsíus autem Memória (Hoc anno) apud
nos fiet die ...

Pro innuendo die reposito:         Sancti N., cuius dies natális recensetur die ...

II

ORDO LECTIONIS MARTYROLOGII

EXTRA LITÚRGIAM HORARUM

13. Adunato cretu sive in choro sive in capitulo sive ad mensam, lector absolute incipit a mentione diéi insequentis, singulorum Sanctórum et Beatórum proclamat elogia et lectionem concludit dicens:

℣. Pretiósa in conspéctu Dómini.

℟. Mors Sanctórum eius.

 

14. Deínde sequi potest una ex lectionibus brevibus infra propositis, pp. 41-60, quam lector concludit acclamans:

℣. Verbum Dómini.

℟. Deo grátias.

15. Post lectionem sacérdos vel diáconus, qui celebrationi præest, <licit unam ex oratiónibus infra propositis, pp. 63-68. Item facit laicus, qui, absente ministro ordinato, celebratiónem moderatur.

 

16. Post oratiónem ritus concluditur Benedíctione et dimissione, iuxta has formulas:

Dóminus nos benedicát
et ab omni malo defendát
et ad vitam perdúcat ætérnam.

Et fidélium ánimæ
per misericórdiam Dei
requiéscant in pace.

℟.. Amen.

℣. Ite in pace.

℟. Deo grátias.

 

17. Quoad modum elogia cum additionibus legendi, adhibeantur quæ supra, nn. 49, exponuntur.

PRO CELEBRATIÓNIBUS MOBILIBUS

ELOGIA

PRO CELEBRATIÓNIBUS MOBILIBUS

Celebrationes mobiles, cum suæ natúræ ratióne singulis annis mutentur, in mensium dierumque decursu adscribi nequeunt; quaprópter Hoc in loco positæ sunt, ut unaquæque earum, post indicationem diéi ac mensis, immediate præponatur elogiis Martyrologii illíus diei, qua eo anno celebranda est.

1. Dóminica I Advéntus

Dóminica prima Advéntus Dómini nostri Iesu Christi, quo témpore primus Dei Fílii advéntus inter hómines recólitur ac simul secúndus eius advéntus in fine témporum exspectatur.

2. Dominica quæ occurrit infra octavam Nativitatis Domini vel, ea deficiente, die 29 decembris

Festum Sanctæ Famíliæ Iesu, Maríæ et Ioseph, ex qua christiánis famíliis sanctíssima proponúntur exémpla et opportúna invocántur auxilia.

3. Dóminica quæ occúrrit post diem 6 ianuárii

Festum Baptísmatis Dómini nostri Iesu Christi, in quo diléctus Dei Fílius mirabíliter decláratur, aquæ sanctificántur, purificátur homo, orbis terrárum exsúltat.

4. Feria IV Cínerum

Dies Cínerum et initíum sacratíssimæ Quadragésimæ: ecce advéniunt dies preniténtire ad rediménda peccáta, ad salvándas ánimas; ecce tempus acceptábile, quo ad montem sanctum Páschatis ascénditur.

5. Dominica I Quadragesimæ

Domínica prima in Quadragésima, qua, Dómino nostro Iesu Christo exémplum præbénte, exóritur venerábile sacraméntum ánnuæ observatiónis quadragesimális.

 

6. Dominica in Palmis de Passio ne Domini

Domínica in Palmis de Passióne Dómini, quando Dóminus noster Iesus Christus, iuxta Zacharíæ prophetíam, sedens super pullum asináe, Hierosólymam intrávit, cui turba cum ramis palmárum óbviam venit.

7. Feria V Hebdomadæ, feria VI in Passio ne Dómini et Sabbato sancto Lectio Martyrologii omittitur.

8. Dóminica Paschæ in Resurrectione Dómini

Hac die, quam fecit Dóminus, sollémnitas sollemnitátum et Pascha nostrum: Resurréctio Salvatóris nostri Iesu Christi secúndum carnem.

Deínde pronuntiatur mentio diéi sequentis ac mensis, et leguntur elogia diei sequentis.

9. In Ascensione Domini ⁴⁶

Sollémnitas Ascensiónis Dómini nostri Iesu Christi, quando quadragésimo post resurrectiónem die coram discípulis elevátus est in cælum, ad déxteram Patris sedens, donec véniat in glória iudicáre vivos et mórtuos.

10. Dominica Pentecostes

Dies Pentecóstes, qua conlúditur sacrum quinquagínta diérum Paschæ ac commemorántur, simul cum effusióne Spíritus Sancti in discípulos Hierosólymis, primórdia Ecclésiæ atque inítium apostólicæ missiónis ad omnes tribus, linguas, pópulos et natiónes.

11. Dominica post Pentecosten

Sollémnitas sacratíssimæ et indivíduæ Trinitátis, qua unum Deum in Trinitáte et Trinitátem in unitáte confitémur ac venerámur.

 

12. Feria V vel Dóminica post Sanctíssimam Trínitatem ⁴⁷ 

Sollémnitas sanctíssimi Córporis et Sánguinis Christi, quibus sacris alimóniis ipse remédium immortálitatis et pignus resurrectiónis præbet.

13. Feria VI post Dóminicam II post Pentecosten

Sollémnitas sacratíssimi Cordis Iesu, qui, mitis et húmilis corde, in cruce exaltátus, fons vitæ et dilectiónis factus est, ex quo háuriant gentes univérsæ.

14. Sábbato post sollemnitátem sacratissimi Cordis Iesu

Memória Immaculáti Cordis beatáe Maríe Vírginis, in quo ipsa, Memóriam mysteriórum salútis in Fílio suo effectórum consérvans, eórum perfectiónem in Christo ardénter exspectávit.

15. Dóminica última «per annum»: Dómini nostri Iesu Christi universorum Regis

 Sollémnitas Dómini nostri Iesu Christi, universórum Regis. Ipsi soli impérium, glória et maiéstas in infiníta saécula saéculórum.

 ________________________

46 Ubi sollemnitas Ascensionis Domini non est de præcepto servanda, assignatur, tamquam diei proprio, dominicæ VII Paschæ.

⁴⁷ Ubi sollemnitas sanctissimi Corporis et Sanguinis Christi non est de præcepto servanda, assignatur, tamquam diei proprio, dominicæ post Ss.mam Trinitatem.

LECTIONES BREVES

LECTIONES BREVES

I

PROPRIUM DE TEMPORE

1. Tempore Advéntus                                                                            Is 33, 2-3.5-6

Dómine, miserére nostri, te enim exspectávimus; esto bráchium nostrum in mane et salus nostra in témpore tribulátionis. A voce fragóris fugérunt pópuli, ab exaltatióne tua dispérsæ sunt gentes. Sublímis est Dóminus, quóniam hábitat in excélso; implet Sion iudício et iustítia. Et erit fírmitas in tempóribus tuis; divítiæ salútis sapiéntia et sciéntia: timor Dómini ipse est thesáurus eius.

Verbum Dómini.
℟. Deo grátias.

2. In Nativitate Dómini                                                                       Rom 1, 1-3.5-6

Paulus servus Christi Iesu, vocátus apóstolus, segregátus in Evangélium Dei, quad ante promíserat per prophétas suos in Scriptúris Sanctis de Fílio suo, qui factus est ex séminæ David secúndum carnem. Per quem accépimus grátiam et apostolátum ad oboeditiónem fídei in ómnibus géntibus pro nómine eius, in quibus estis et vos vocáti Iesu Christi, Dómini nostri.

Verbum Dómini.
℟. Deo grátias.

3. In Nativitate Dómini et per Octavam                                                  Hebr 1, 8-12

Thronus tuus, Deus, in sáeculum sáeculi et virga æquitátis virga regni tui. Dilexísti iustítiam et odísti iniquitátem, proptérea unxit te Deus, Deus tuus, óleo exsultatiónis præ particípibus tuis. Tu in princípio, Dómine, terram fundásti et ópera mánuum tuarum sunt cæli. Ipsi períbunt, tu autem pérmanes; et omnes ut vestiméntum veteráscent et velut amíctum invólves eos, sicut vestiméntum et mutabúntur. Tu autem idem es et anni tui non defícient.

Verbum Dómini.
℟. Deo grátias.

Die 26 decembris:

4. In festo sancti Stephani, protomartyris                                     Act 7, 55-56.59-60

Cum esset Stéphanus plenus Spíritu Sancto, inténdens in cælum, vidit glóriam Dei et Iesum stantem a dextris Dei et ait: «Ecce vídeo cælos apértos et Fílium hóminis a dextris stantem Dei». Et lapidábant Stéphanum invocántem et dicéntem: «Dómiræ Iesu, súscipe spíritum meum». Pósitis autem génibus clamávit voce magna: «Dómine, ne státuas illis hoc peccátum»; et, cum hoc dixísset, obdormívit.

Verbum Dómini.
℟. Deo grátias.

Die 27 decembris:

5. In festo sancti Ioannis, Apostoli et Evangelistæ                                 Eccli 15, 1-5

Qui timet Deum, faciet hæc et, qui cóntinens est legis, apprehéndet illam; et obviábit illi quasi mater honorificáta et quasi múlier a virginitáte suscípiet illum. Cibábit illum panem vitæ et intelléctus et aqua sapiéntiæ salutáris potábit illum et firmábitur in illa et non flectétur et confídet in illam et non confundetéur; et exaltábit illum præ próximis suis et in médio ecclésiæ apériet os eius et adimplébit illum spíritu sapiéntiæ et intelléctus et stola glóriæ véstiet illum.

Verbum Dómini.
℟ Deo grátias.

Die 28 decembris:

6. In festo sanctorum Innocentium, martyrum                           Apoc 14, 4-5; 22, 14

Hi empti sunt ex homínibus primítiæ  Deo et Agno; et in ore ipsórum non est invéntum mendácium: sine mácula enim sunt ante thronum Dei. Beáti, qui lavant stolas suas, ut sit potéstas eórum super lignum vitæ et per portas intrent in civitátem.

Verbum Dómini.
℟. Deo grátias.

Die Dominica infra octavam Nativitatis Domini:

7. In festo sancta: Família: Iesu, María et Joseph                                    Phil 2, 5-8

Hoc sentíte in vobis, quod et in Christo Iesu: qui cum in forma Dei esset, non rapínam arbitrátus est esse se æquálem Deo, sed semetípsum exinanívit formam servi accipíens, in similitúdinem hóminum factus; et hábitu invéntus ut homo, humiliávit semetípsum, factus oboediens usque ad mortem, mortem autem crucis.

Verbum Dómini.
℟ Deo grátias.

8. In vigilia Epiphania: Domini                                                                 Gal 4, 4-7

Ubi venit plenitúdo témporis, misit Deus Fílium suum, factum ex mulíere, factum sub lege, ut eos, qui sub lege erant, redímeret, ut adoptiónem filiórum reciperémus. Quóniam autem estis fílii, misit Deus Spíritum Fílii sui in corda nostra clamántem: «Abba, Pater! » Itaque iam nones servus, sed fílius; quod si fílius, et heres per Deum.

Verbum Dómini.
℟ Deo grátias.

9. In Epiphania Domini                                                                          Is 60, 1.3.6

Surge, illumináre, Ierúsalem, quia venit lumen tuum et glória Dómini super te orta est. Et ambulábunt gentes in lúminæ tuo et reges in splendóre ortus tui. Inundátio camelórum opériet te, dromedárii Mádian et Epha; omnes de Saba vénient, aurum et tus deferéntes et laudem Dómino annuntiántes.

Verbum Dómini.
℟. Deo grátias.

10. Per Quadragesimam                                                                            Is 55, 6-7

Quáerite Dóminum, dum inveníri potest; invocáte eum, dum prope est. Derelínquat ímpius viam suam et vir iníquus cogitatiónes suas; et revertátur ad Dóminum, et miserébitur eius, et ad Deum nostrum, quóniam multus est ad ignoscéndum.

Verbum Dómini.
℟. Deo grátias.

Vel:                                                                                                             Bar 5, 5-7

Surge, Ierúsalem, et sta in excélso et circúmspice ad oriéntem et vide congregátos fílios tuos a solis ortu usque ad occásum verbo Sancti, gaudéntes in Memória Dei. Exiérunt enim abs te pédites abdúcti ab inimícis; indúcet autem illos ad te portátos cum glória sicut thronum regni; constítuit enim Deus humiliáre omnem montem excélsum et rupes perénnes et conválles implére ad æqualitátem térræ, ut ingrediátur Isræl in securitáte glóriæ Dei.

Verbum Dómini.
℟. Deo grátias.

11. Dominica de Palmis in Passio ne Dómini ac feria II, III et IV Hebdomadæ Sanctæ                                                                                                          Is 50, 5-7

Dóminus Deus apéruit mihi aurem; ego autem non rebellávi, retrórsum non ábii. Dorsum meum dedi percutiéntibus et genas meas velléntibus, fáciem meam non avérti ab increpatiónibus et sputis. Dóminus Deus auxiliátor meus; ídeo non sum confúsus, ídeo pósui fáciem meam ut petram duríssimam et scio quóniam non confúndar

Verbum Dómini.
℟. Deo grátias.

12. Feria V Hebdomadæ sanctæ, feria VI in Passio ne Dómini et Sabbato sancto Lectio Martyrologii omittitur.

13. Dóminica Paschæ in Resurrectione Dómini et per Octavam          Col 3, 1-4

Si conresurrexístis Christo, quæ sursum sunt, quáerite, ubi Christus est in déxtera Dei sedens; quæ sursum sunt, sápite, non quæ supra terram. Mórtui enim estis et vita vestra abscóndita est cum Christo in Deo! Cum Christus apparúerit, vita vestra, tunc et vos apparébitis cum ipso in gloria.

Verbum Dómini.
℟. Deo grátias.

14. Per tempus paschale usque ad Vigiliam Ascensionis Domini inclusive

1 Cor 15, 13-14.16-17.20

Si resurréctio mortuórum non est, neque Christus suscitátus est! Si autem Christus non suscitátus est, inánis est ergo prædicátio nostra, inánis est et fídes vestra. Nam si mórtui non resúrgunt, neque Christus resurréxit; quod si Christus non resurréxit, stulta est fídes vestra, adhuc estis in peccátis vestris. Nunc autem Christus resurréxit a mórtuis, primítiæ dormiéntium.

Verbum Dómini.
℟. Deo grátias.

Vel:                                                                                                       Act 13, 30-33

Deus suscitávit eum a mórtuis; qui visus est per dies multos his, qui simul ascénderant cum eo de Galiláea in Ierúsalem, qui nunc sunt testes eius ad plebem. Et nos vobis evangelizámus eam, quæ ad patres promíssio facta est, quóniam hanc Deus adimplévit fíliis eórum, nobis resúscitans Iesum, sicut et in Psalmo secúndo scriptum est: «Fílius meus es tu; ego hódie génui te ».

Verbum Dómini.
℟. Deo grátias.

15. In Ascensione Domini et diébus sequentibus usque ad vigiliam Pentecostes

  Act 1, 9-11

Vidéntibus illis, Iesus elevátus est et nubes suscépit eum ab óculis eórum. Cumque intueréntur in cælum, eúnte illo, ecce duo viri astitérunt iuxta illos in véstibus albis, qui et dixérunt: «Viri Galiláei, quid statis aspiciéntes in cælum? Hic Iesus, qui assúmptus est a vobis in cælum, sic véniet, quemádmodum vidístis eum eúntem in cælum».

Verbum Dómini.
℟. Deo grátias.

16. Dominica Pentecostes                                                                           Act 2, 2-4

Factus est repénte de cælo sonus tamquam advénientis Spíritus veheméntis et replévit totam domum, ubi erant sedéntes. Et apparuérunt illis dispertítæ linguæ tamquam ignis sedítque supra síngulos eórum; et repléti sunt omnes Spíritu Sancto et coepérunt loqui áliis linguis, prout Spíritus dabat elóqui illis.

Verbum Dómini.
℟. Deo. grátias.

17. Dóminica post Pentecosten: Sanctissimæ Trinitatis                             1 lo 5, 5-8

Quis est qui vincit mundum, nisi qui credit quóniam Iesus est Fílius Dei? Hie est, qui venit per aquam et sánguinem, Iesus Christus; non in aqua solum sed in aqua et in sánguine. Et Spíritus est, qui testificátur quóniam Spíritus est véritas. Quia tres sunt, qui testificántur: Spíritus et aqua et sánguis; et hi tres in unum sunt.

Verbum Dómini.
℟. Deo grátias.

18. Feria V vel Dóminica post Ss. mam Trinitatem: SS. mi Corporis et Sanguinis Christi                                                                                          1 Cor 11, 26-27

Quotiescúmque manducábitis panem hunc et cálicem bibétis, mortem Dómini annuntiátis, donec véniat. Itaque quicúmque manducáverit panem hunc vel bíberit cálicem Dómini indígne, reus erit córporis et sánguinis Dómini.

Verbum Dómini.
℟. Deo grátias.

19. Feria VI post Dóminicam II post Pentecosten: Sacratíssimi Cordis Iesu                                                                                                                  Eph 3, 14.16-19

Huius rei grátia flecto génua mea ad Patrem, ut det vobis secúndum divítias glóriæ suæ virtúte corroborári per Spíritum eius in interiórem hóminem, habitáre Christum per fídem in córdibus vestris, in caritáte radicáti et fundáti, ut valeátis comprehéndere cum ómnibus Sanctis, quæ sit latitúdo et longitúdo et sublímitas et profúndum, scire étiam supereminéntem sciéntiæ caritátem Christi, ut impleámini in omnem plenitúdinem Dei.

Verbum Dómini.
℟. Deo grátias.

20. Dóminica última «per annum»: Dómini nostri Iesu Christi universorum

Régis                                                                                                 Cf. Col 1, 16-20

Ómnia per ipsum et in ipsum creáta sunt et ipse est ante ómnia et ómnia in ipso constant. Et ipse est caput córporis Ecclésiæ; qui est princípium, primogénitus ex mórtuis, ut sit in ómnibus ipse primátum tenens, quia in ipso complácuit omnem plenitúdinem habitáre et per eum reconciliáre ómnia in ipsum, pacíficans per sánguinem crucis eius, sive quæ in terris sive quæ in cælis sunt, in Christo Iesu, Dómino nostro.

Verbum Dómini.
℟. Deo grátias.

21. In Domínicis et feriis «per annum»                                    2 Thess 2, 15-17; 3, 5

Itaque, fratres, state et tenéte traditiónes, quas didicístis sive per sermónem sive per epístulam nostram. Ipse autem Dóminus noster Iesus Christus et Deus Pater noster, qui diléxit nos et dedit consolátionem ætérnam et spem bonam in grátia, consolétur corda vestra et confírmet in omni ópere et sermóne bono. Dóminus autem dírigat corda vestra in caritátem Dei et patiéntiam Christi.

Verbum Dómini.
℟. Deo grátias.

Vel:                                                                                                    Rom·11, 16-18

Quod si primítiæ sanctæ sunt, et massa; et si radix sancta, et rami. Quod si áliqui ex ramis fracti sunt, tu autem, cum oleáster esses, insértus es in illis et consócius radícis pinguédinis olívæ factus es, noli gloriári advérsus ramos; quad si gloriáris, non tu rádicem portas, sed radix te.

Verbum Dómini.
℟. Deo grátias.

Vel:                                                                                                  Eccli 44, 2.13-15

Multam glóriam fecit Dóminus, magnificéntiam suam a sáeculo. Usque in ætérnum manet semen eórum et glória eórum non derelinquétur. Córpora ipsórum in pace sepúlta sunt et nomen eórum vivit in generatiónem et generatiónem; sapiéntiam ipsórum narrent pópuli et laudem eórum núntiet Ecclésia.

Verbum Dómini.
℟. Deo grátias.

Vel: lac 5, 8-11

Patiéntes estóte et vos, confirmáte corda vestra, quóniam advéntus Dómini appropinquávit. Nolíte ingemíscere, fratres, in alterútrum, ut non iudicémini. Ecce iudex ante iánuam assístit. Exémplum accípite, fratres, labóris et patiéntiæ prophétas, qui locúti sunt in nómine Dómini. Ecce beátificamus eos, qui sustinuéunt; sufferéntiam Iob audístis et finem Dómini vidístis, quóniam miséricors est Dóminus et miserátor.

Verbum Dómini.

℟. Deo grátias.

Vel:                                                                                                     1 Thess 2, 9-12

Mémores estis, fratres, labóris nostri et fatigatiónis; nocte et die óperantes, ne quem vestrum gravarémus, prædicávimus in vobis Evangélium Dei. Vos testes estis et Deus quam sancte et iuste et sine queréla vobis, qui credidístis, fúimus; sicut scitis quáliter unumquémque vestrum, tamquam pater fílios suos, deprecántes vos et consolántes testíficati sumus, ut ambularétis digne Deo, qui vocat vos in suum regnum et glóriam.

Verbum Dómini.
℟. Deo grátias.

Vel:                                                                                                           Sap 18, 1-3

Sanctis tuis máxima erat lux; et horum quidem vocem illi audiébant, sed figúram non vídebant, et, quia non et ipsi eádem passi erant, magnificábant; quóniam autem, qui ante læsi erant, non lædébant, grátias agébant et, quod eos ante distulíssent, donum petébant. Propter quod ignis ardéntem colúmnam, ducem ignótæ viæ, et solem sine læsúra gloriósæ peregrínationis præstítisti.

Verbum Dómini.

℟. Deo grátias.

Vel:                                                                                                     Eccli 34, 14-20

Spíritus timéntium Dóminum vivet et in respéctu illíus benedicétur. Spes enim illórum in salvántem illos et óculi Dei in diligéntes se. Qui timet Dóminum, nihil trepidábit et non pavébit, quóniam ipse est spes eius. Timéntis Dóminum beáta est ánima eius. Ad quem réspicit? Et quis est fortitúdo eius? Oculi Dómini supertiméntes eum: protéctor poténtiæ, firmaméntum virtútis, tégimen ardóris et umbráculum meridiáni, custódia offensiónis et adiutórium casus, exáltans ánimam et illúminans óculos, dans sanitátem vitæ et benedíctionem.

Verbum Dómini.
℟. Deo grátias.

II

PROPRIUM SANCTÓRUM

Die 3 ianuárii:

22. Sanctíssimi Nóminis Iesu                                                                  Col 3, 16-17

Verbum Christi hábitet in vobis abundánter, in omni sapiéntia docéntes et commonéntes vosuætípsos psalmis, hymnis, cánticis spiritálibus, in grátia cantántes in córdibus vestris Deo; et omne quodcúmque fácistis in verbo aut in ópere, ómnia in nómine Dómini Iesu grátias agéntes Deo Patri per ipsum.

Verbum Dómini.
℟. Deo grátias.

Die 25 ianuárii:

23. In Convérsione sancti Pauli, Apóstoli                                              Act 9, 19-22

Fuit cum discípulis, qui erant Damásci, per dies áliquot et contínuo in synagógis predicábat Iesum, quóniam hic est Fílius Dei. Stupébant autem omnes, qui audiébant et dicébant: «Nonne hie est, qui expugnábat in Ierúsalem eos, qui invocábant nomen istud, et huc ad hoc vénerat, ut vinctos illos dúceret ad príncipes sacerdótum?». Saulus autem magis convalescébat et confundébat Iudáeos, qui habitábant Damásci, affirmans quóniam hic est Christus.

Verbum Dómini.
℟. Deo grátias.

Die 2 februárii:

24. In Præsentatióne Dómini                                                                    Ex 13, 2.13

Sanctífica mihi omne primogénitum, quad áperit vulvam in fíliis Isræl, tam de homínibus quam de iuméntis: mea sunt enim ómnia. Omne autem primogénitum hóminis de fíliis tuis prétio rédimes.

Verbum Dómini.
℟. Deo grátias.

Die 19 mártii: 25.

In sollemnitate sancti Joseph, Sponsi beátæ Maríæ Vírginis                     Sap 10, 9-12

Sapiéntia hos, qui eam óbservant, a labóribus liberávit. hæc prófugum iræ fratris iustum dedúxit per vias rectas et osténdit illi regnum Dei et dedit illi sciéntiam Sanctórum; honestávit illum in labóribus et complévit labóres illíus. In avarítia circumvénientium illum áffuit illi et honéstum fecit illum. Custodívit illum ab inimícis et ab insidiántibus tutávit illum; et post certámen forte bravíum dedit illi, ut sciret quóniam ómnium poténtior est píetas.

Verbum Dómini.

℟. Deo grátias.

Die 25 mártii:

26. In sollemnitate Annuntiatiónis Dómini                                                    Is Il,1-3

Egrédietur virga de stirpe Iesse et flos de rádice eius ascéndet; et requiéscet super eum Spíritus Dómini: spíritus sapiéntiæ et intelléctus, Spíritus consílii et fortitúdinis, Spíritus sciéntiæ et timóris Dómini; et delíciæ eius in timóre Dómini.

Verbum Dómini.
℟. Deo grátias.

Die 24 iunii:

27. In Nativitáte sancti Ioánnis Baptísta                                                        Is 49, 7

Hæc dicit Dóminus, redémptor Isræl, Sanctus eius, ad contémptum in ánima, ad abominátum in gente, ad servum dominórum: Reges vidébunt et consúrgent, príncipes quoque et adorábunt propter Dóminum, quia fidélis est, Sanctum Isræl, qui elégit te.

Verbum Dómini.
℟. Deo grátias.

Die 29 iunii:

28. In sollemnitate sanctórum Petri et Pauli, apostolorum                       Act 12, 5-7

Et Petrus quidem servabátur in cárcere; orátio autem fíebat sine intermissióne ab Ecclésia ad Deum pro eo. Cum autem prodúcturus eum esset Heródes, in ipsa nocte erat Petrus dórmiens inter duos mílites vinctus caténis duábus et custódes ante óstium custodiébant cárcerem. Et ecce ángelus Dómini ástitit et lumen refúlsit in habitáculo; percússo autem látere Petri, suscitávit eum dicens: «Surge velóciter! ». Et cecidérunt caténæ de mánibus eius.

Verbum Dómini.

℟. Deo grátias.

Die 6 augusti:

29. In Transfiguratióne Dómini                                                    Apoc 21, 10-11.23

Sústulit me in spíritu super montem magnum et altum et osténdit mihi civitátem sanctam Ierúsalem descendéntem de cælo a Deo, habéntem claritátem Dei; lumen eius símile lápidi pretiosíssimo, tamquam lápidi iáspidi, in modum crystálli. Et cívitas non eget sole neque luna, ut lúceant ei; nam cláritas Dei illuminávit eam et lucérna eius est Agnus.

Verbum Dómini.

℟. Deo grátias.

Die 15 augusti:

30. In Assumptióne beátæ Maríæ Vírginis                                            Iudt 15, 9-10

Tu exaltátio Ierúsalem, tu glória magna Isræl, tu laus magna géneris nostri! Fecísti ómnia hæc in manu tua, fecísti bona cum Isræl et complácuit in illis Deus. Benedícta esto tu, múlier, apud Deum omnipoténtem in ætérnum tempus. Et dixit omnis pópulus: «Fiat, fiat! ».

Verbum Dómini.
℟. Deo grátias.

Die 8 septémbris:

31. In Nativitáte beátæ Maríæ Vírginis                                                Gen 17, 16.19

Benedicam ei et ex illa quoque dabo tibi fílium. Benedictúrus sum eam erítque in natiónes; reges pópulorum oriéntur ex ea. Constítuam pactum meum illi in foedus sempitérnum et sémini eius post eum.

Verbum Dómini.

℟. Deo grátias.

Die 14 septémbris:

32. In Exaltatione sanctæ Crucis                                                            Phil 2, 8-11

Christus humiliávit semetípsum factus oboediens usque ad mortem, mortem autem crucis. Propter quod et Deus illum exaltávit et donávit illi nomen, quod est super omne nomen, ut in nómine Iesu omne genu flectátur cæléstium et terréstrium et infernórum, et omnis lingua confiteátur: Dóminus Iesus Christus! in glóriam Dei Patris.

Verbum Dómini.

℟. Deo grátias.

Die 15 septémbris:

33. In Memória beátæ Maríæ Vírginis Perdoléntis          Lam 2, 18; 3, 19-23

Clamet cor tuum ad Dóminum super muros fíliæ Sion; deduc quasi torréntem lácrimas per diem et noctem. Non des réquiem tibi neque táceat pupílla óculi tui. Recordáre paupertátis et peregrínationis meæ, absínthii et fellis. Memória memor est et tabéscit in me ánima mea. Hæc récolam in corde meo, ídeo sperábo. Misericórdiæ Dómini, quia non sumus consúmpti, quia non defecérunt miseratiónes eius. Novæ sunt omni mane, magna est fídes tua.

Verbum Dómini.

℟. Deo grátias.

Die 29 septémbris:

34. In festo sanctórum Michaélis, Gabriélis et RapHaclis, archangelorum

       Apoc 12, 7-10

Et factum est proelium in cælo, Míchæl et ángeli eius, ut proeliaréntur cum dracóne. Et draco pugnávit et ángeli eius et non váluit, neque locus invéntus est eórum ámplius in cælo. Et proiéctus est draco ille magnus, serpens antiquus, qui vocátur Diabolus et Satanas, qui sedúcit univérsum orbem; proiéctus est in terram et ángeli eius cum illo proiécti sunt. Et audívi vocem magnam in cælo dicéntem: «Nunc facta est salus et virtus et regnum Dei nostri et potéstas Christi eius, quia proiéctus est accusátor fratrum nostrórum, qui accusábat illos ante conspéctum Dei nostri die ac nocte ».

Verbum Dómini.

℟. Deo grátias.

Die 1 novembris:

35. In sollemnitate ómnium Sanctórum                                          Apoc 7, 12.14-15

Benedíctio et glória et sapiéntia et grátiarum áctio et honor et virtus et fortitúdo Deo nostro in sáecula sáeculorum. Amen. Hi sunt, qui véniunt de tribulátione magna et lavérunt stolas suas et dealbavérunt eas in sánguine Agni. ldeo sunt ante thronum Dei et sérviunt ei die ac nocte in templo eius; et, qui sedet in throno, habitábit super illos.

Verbum Dómini.

℟. Deo grátias.

Die 8 decembris:

36. In Conceptióne Immaculáta beátæ Maríæ Vírginis                      Apoc 12, 1.5-6

Signum magnum appáruit in cælo: múlier amícta sole et luna sub pédibus eius et super caput eius coróna stellarum duódecim. Et péperit Fílium másculum, qui rectúrus est omnes gentes in virga férrea; et raptus est fílius ad Deum et ad thronum eius. Et múlier fugit in desértum, ubi habet locum parátum a Deo, ut ibi pascant illam diébus mille ducéntis sexagínta.

Verbum Dómini.

℟. Deo grátias.
 

III

COMMUNIA

37. In Dedicatione Ecclésiæ eiúsque Anniversario                    Apoc 21, 4-5

Abstérget Deus omnem lácrimam ab óculis eórum et mors ultra non erit, neque luctus neque clamor neque dolor erit ultra, quia prima abiérunt. Et dixit, qui sedébat super throno: «Ecce nova fácio ómnia ». Et dicit: «Scribe: hæc verba fidélia sunt et vera ».

Verbum Dómini.

℟. Deo grátias.

38. In celebratiónibus beátæ Maríæ Vírginis                                       ludt 13, 18-19

Benedícta tu es, fília, a Deo excélso præ ómnibus múlieribus, quæ sunt super terram. Et benedíctus Dóminus Deus noster, qui creávit cælum et terram, qui diréxit te in vulnus cápitis príncipis inimicórum nostrórum. Quóniam non discédet laus tua a corde hóminum memorántium virtútis Dei usque in sempitérnum.

Verbum Dómini.

℟. Deo grátias.

39. In celebratiónibus sanctórum Apostolórum et Evangelistarum extra

tempus paschale                                                                                   Rom 10, 14.17

Quómodo invocábunt, in quem non credidérunt? Aut quómodo credent ei, quem non audiérunt? Quómodo autem áudient sine prædicánte? Ergo fídes ex audítu, audítus autem per verbum Christi.

Verbum Dómini.

℟. Deo grátias.

40. In celebratiónibus sanctórum Apostolórum et Evangelistarum témpore

paschali                                                                                                   Act 5, 41-42

Et illi quidem ibant gaudéntes a conspéctu concílii, quóniam digni hábiti sunt pro nómine contuméliam pati; et omni die in templo et circa domos non cessábant docéntes et evangelizántes Christum, Iesum.

Verbum Dómini.

℟. Deo grátias

41. In celebratiónibus plurimárum sanctórum mártyrum extra tempus

paschale                                                                                                     Sap 3, 7 -9

Fulgébunt iusti et tamquam scintíllæ in arundinéto discúrrent; iudicábunt natiónes et dominabúntur pópulis et regnábit Dóminus illórum in perpétuum. Qui confídunt in illo, intéllegent veritátem et fidéles in dilectióne acquiéscent illi, quóniam grátia et misericórdia est Sanctis eius et visitátio eléctis eius.

Verbum Dómini.

℟. Deo grátias.

42. In celebratiónibus plurimárum sanctárum vírginum et mártyrum

extra tempus paschale                                                                        2 Cor 4, 1 7-18

Id enim, quod in prasénti est, leve tribulátionis nostræ supra modum in sublimitátem ætérnum glóriæ pondus óperatur nobis, non contemplántibus nobis, quæ vidéntur, sed quæ non vidéntur; quæ enim vidéntur, temporália sunt, quæ autem non vidéntur, ætérna sunt.

Verbum Dómini.

℟. Deo grátias.

43. In celebratiónibus unius sancti mártyris extra tempus paschale     Eccli 3 9, 6-8

Iustus cor suum tradet ad vigilándum dilúculo ad Dóminum, qui fecit illum, et in conspéctu Altíssimi deprecábitur. Apériet os suum in oratióne et pro delíctis suis deprecábitur. Si enim Dóminus magnus volúerit, spíritu intellegéntiæ replébitur.

Verbum Dómini.

℟. Deo grátias.

44. In celebratiónibus unius sancti mártyris extra tempus paschale

          Eccli 51, 8-9.11-12

Appropinquávit usque ad mortem ánima mea et vita mea appropínquans erat in inférno   deórsum. Memorátus autem sum misericórdiæ tuæ, Dómine, et óperationis tuæ, quæ a sáeculo est, quóniam éruis sustinéntes te, Dómine, et líberas eos de mánibus iniquórum.

Verbum Dómini.

℟. Deo grátias.

45. In celebratiónibus unius sanctæ Vírginis et mártyris extra tempus

paschale                                                                                        Eccli 51, 13-14

Exaltávi de terra supplicatiónem meam et pro morte defluénte deprecátus sum. Invocávi Dóminum: Pater meus es tu, ne derelínquas me in die tribulátionis meæ et in témpore superbórum sine adiutório.

Verbum Dómini.

℟. Deo grátias.

46. In celebratiónibus plurimórum sanctórum mártyrum témpore paschali

2 Cor 4, 11.13-14

Semper nos, qui vívimus, in mortem trádimur propter Iesum, ut et vita Iesu manifestétur in carne nostra mortáli. Habéntes autem eúndem spíritum fídei, sicut scriptum est: “Crédidi, propter quad locútus sum” et nos crédimus, propter quod et lóquimur, sciéntes quóniam, qui suscitávit Dóminum Iesum, et nos cum Iesu suscitábit et constítuet vobíscum.

Verbum Dómini.

℟. Deo grátias

.

47. In celebratiónibus unius sancti mártyris témpore paschali

       Rom 8, 28-29

Scimus quóniam diligéntibus Deum ómnia coóperantur in bonum, his, qui secúndum propósitum vocáti sunt. Nam, quos præscívit, et prædestinávit confórmes fieri imáginis Fílii eius, ut sit ipse primogénitus in multis frátribus.

Verbum Dómini.

℟. Deo grátias.

48. In celebratiónibus plurimárum sane ta rum mártyrum témpore paschali

          Hebr 12, 1-2

Ídeoque et nos tantam habéntes circumpósitam nobis nubem téstium, deponéntes omne pondus et circúmstans nos peccátum, per patiéntiam currámus propósitum nobis certámen, aspiciéntes in ducem fídei et consummatórem Iesum, qui pro gáudio sibi propósito sustínuit crucem, confusióne contémpta, atque in déxtera throni Dei sedet.

Verbum Dómini.

℟. Deo grátias.

49. In celebratiónibus unius sanctæ mártyris témpore paschali

         Eccli 51, 8-9 .11-12

Appropinquávit usque ad mortem ánima mea et vita mea appropínquans erat in inférno deórsum. Memorátus autem sum misericórdiæ tuæ, Dómine, et óperationis tuæ, quæ a sáeculo est, quóniam éruis sustinéntes te, Dómine, et líberas eos de mánibus iniquórum.

Verbum Dómini.

℟. Deo grátias.

50. In celebratiónibus plurimórum sanctórum pastorum                        Hebr 13, 17

Oboedíte præpósitis vestris et subiacéte eis; ipsi enim pervígilant pro ánimabus vestris quasi ratiónem redditúri, ut cum gáudio hoc fáciant et non geméntes: hoc enim non éxpedit vobis.

Verbum Dómini.

℟. Deo grátias.

51. In celebratiónibus unius sancti pastóris                                       Eccli 45, 19-21

Factum est illi in testaméntum ætérnum et sémini eius sicut dies cæli: ministráre illi et fungi sacerdótio et benedícere pópulum suum in nómine eius. Ipsum elégit ab omni vivénte offérre sacrifícium Deo, incénsum et ádipes et incéndere bonum odórem et memóriale et placáre pro pópulo suo. Et dedit illi in præcéptis suis potestátem, in testaméntis iudiciórum: docére Iacob testimónia et in lege sua lucem dare Isræl.

Verbum Dómini.

℟. Deo grátias.

52. In celebratiónibus Doctorum Ecclésiæ                                            Eccli 3 9, 1-3

Qui accómmodat ánimam suam ad timórem Dei et in lege Altíssimi meditátur, sapiéntiam ómnium antiquórum exquíret et in prophetíis vacábit. Narratiónem virórum nominatórum conservábit et in versútias parabolárum simul introíbit. Occúlta proverbiórum exquíret et in abscónditis parabolárum convérsabitur.

Verbum Dómini.

℟. Deo grátias.

53. In celebratiónibus plurimórum Sanctórum                                     Eccli 2, 11-13

Réspicite, fílii, generatiónes antiquas et videte: quis speravit in Dómino et confúsus est? aut quis permánsit in mandatis eius et derelíctus est? aut quis invocávit eum et despexit illum? Quóniam pius et miséricors est Dóminus et remittet in die tribulátionis peccáta et protéctor est ómnibus exquirentibus se in veritate.

Verbum Dómini.

℟. Deo grátias.

54. In celebratiónibus unius Sancti                                                       Eccli 2, 18-20

Qui timent Dóminum, non erunt incredíbiles verbo illíus; et, qui díligunt illum, conservábunt viam illíus. Qui timent Dóminum, inquírent quæ beneplácita sunt ei; et, qui díligunt eum, replebúntur lege ipsíus. Qui timent Dóminum, præparábunt corda sua et in conspéctu illíus sanctificábunt ánimassuas.

Verbum Dómini.

℟. Deo grátias.

55. In celebratiónibus plurimárum sanctárum vírginum                     1 Cor 7, 34.35

Múlier innúpta et virgo cógitat, quæ Dómini sunt, ut sit sancta et córpore et spíritu. Porro hoc ad utilitátem vestram dico, non ut láqueum vobis iníciam, sed ad id, quod honéstum est, et ut assídue cum Dómino sitis sine distractióne.

Verbum Dómini.

℟. Deo grátias.

56. In celebratiónibus unius sanctæ Vírginis                                    Sap 4, 1-2

Mélius est absque líberis esse cum virtúte; immortálitas est enim in memória illíus, quóniam et apud Deum nota est et apud hómines. Cum práesens est, imitántur illam; et desíderant eam, cum se edúxerit; et in perpétuum coronáta triúmphat, incoinquinatórum certáminum práemium vincens.

Verbum Dómini.

℟. Deo grátias.
 

57. In celebratiónibus plurimárum sanctárum mulíerum                       1 Tim 5, 5-7

Quæ vere vídua est et desoláta, sperat in Deum et instat obsecratiónibus et oratiónibus nocte ac die; nam, quæ in delíciis est vivens, mórtua est. Et hæc práecipe, ut irreprehensíbiles sint.

Verbum Dómini.

℟. Deo grátias.

58. In celebratiónibus unius sanctæ múlieris                                     Prov 31, 29-31

Multæ fíliæ fórtiter operátæ sunt, tu supergréssa es univérsas. Fallax grátia et vana est pulchritúdo; múlier timens Dóminum, ipsa laudábitur. Date ei de fructu mánuum suárum et laudent eam in portis ópera eius.

Verbum Dómini.

℟. Deo grátias.

ORATIONES

ORATIONES

Sancta María et omnes Sancti

intercedant pro nobis ad Dóminum,

ut nos mereamur ab eo adiuvari et salvári,

qui vivit et regnat in sáecula sáeculorum.

Vel dicit ad libitum unam ex oratiónibus, quæ sequuntur:

1. Exáudi, Dómine, pópulum cum Sanctórum tuórum

tibi patrocínio supplicántem,

ut temporális vitæ nos tríbuas pace gaudére

et ætérnæ reperíre subsídium.

Per Christum.

2. Fratérna nos, Dómine, Sanctórum tuórum coróna lætíficet,

quæ et fídei nostræ práebeat incitaménta virtútum

et multíplici nos suffrágio consolétur.

Per Christum.

3. Da nobis, quǽsumus, Dómine,

ut cum tuórum Sanctórum memória

perpétua eorúndem tuitióne lætémur.

Per Christum.

4. Dómiræ Deus noster,

multíplica super nos grátiam tuam

et, quorum celebrámus gloriósa certámina,

tríbue súbsequi in sancta professióne victóriam.

Per Christum.

5. Benedicímus, Dómine, misericórdias tuas,

qui nos incessabíliter Sanctórum tuórum

sinis commemoratióne fovéri, supplíciter exorántes,

ut, quorum memóriam gérimus, patrocínia sentiámus.

Per Christum.

6. Pacem tuam, Dómine, nostris illábere pectóribus

et, qui Sanctos tuos in cæléstem aulam suscepísti,

nobis quoque caritátis stúdium,

eórum méritis suffragántibus,

largíri iúbeas in ætérnum.

Per Christum.

7. Omnípotens sempitérne Deus, qui inter innúmera benefícia

Sanctórum tuórum nos exémplis præcípue consoláris,

præsta, quǽsumus,

ut ad cæléstis óperis institúta

et recordátio beáta nos íncitet

et orátio iustórum digna perdúcat.

Per Christum.

8. Deus, qui nos Sanctórum tuórum

et Memória lætíficas

et imitatióne súscitas ad proféctum,

præsta, ut quos venerámur obséquio,

étiam piæ convérsatiónis sequámur exémplo.

Per Christum.

9. Fidéles tuos, Dómine, cælésti visitatióne circúmda

et méntibus eórum rorem tuæ benedíctiónis infúnde,

ut, Sanctórum précibus súffulti,

tuam perfectiónis grátiam réferant.

Per Christum.

10. Da nobis, omnípotens Deus, in Sanctórum tuórum

te semper commemoratióne laudáre,

quia refovére curábis,

quos in honóre tuo perseveráre concésseris.

Per Christum.

11. Præsta fámulis tuis, Dómine,

abundántiam protectionis et grátiæ

et, Sanctórum tuórum intercessione,

da salútem mentis et corporis,

da contínuæ sanctitátis augmenta

et tibi semper fac esse devotos.

Per Christum.

12. Adesto, Dómine, plebi tuæ,

quæ in Sanctis tuis te mirabilem proclamat,

et in tua misericórdia confidénti

opem tuæ largitatis impende.

Per Christum.

13. Esto, quǽsumus, Dómine, propitius plebi tuæ

Sanctórum tuórum vestígiis inhærére enitenti,

ut, de die in diem, quæ tibi non placent réspuens,

tuórum potius repleatur dilectionibus mandatórum.

Per Christum.

14. Grátias tibi, Omnípotens Deus,

de Sanctórum victoria referentes,

clementiam tuam supplices imploramus,

ut, eórum sustentati suffragiis,

in tuis semper láudibus exsultemus.

Per Christum.

15. Advéniat, quǽsumus, Dómine,

misericórdia sperata supplicibus

et Sanctórum précibus cæléstis munificéntia tribuatur,

qua et recte poscenda cognoscant

et postulata percipiant.

Per Christum.

16. Præsta, Dómine, quǽsumus,

ut, sicut Sanctórum tuórum

nos natalícia celebranda non deserunt,

ita iúgiter suffragiis comitentur.

Per Christum.

17. Da nobis, Omnípotens et miséricors Deus,

ut Sanctórum tuórum natalícia commemorantes,

quorum prædicámus triumphos,

eórum fídem veraciter imitemur.

Per Christum.

18. Misericórdiam tuam petimus et rogamus, Deus,

qui Sanctis tuis glóriam in Christo tribuisti,

ut et nos semper Benedíctione reficias,

per quam placitúros tibi

in ætérnum effícias coherédes.

Per Christum.

19. Ad humilitátis nostræ preces,

Dómine, placatus intende

et beátitudinem cæléstem nobis concede,

quos tantis Sanctórum præsídiis múnire dignáris.

Per Christum.

20. Præsta nobis, quǽsumus, Omnípotens Deus,

Sanctórum tuórum assiduam intercessionem,

ut, grátia Christi óperante,

eórum quoque assequi mereamur exempla.

Per Christum.

21. Custodi, Dómine, fidéles tuos

Christum in suis Sanctis victorem agnoscentes

et, ut eisdem perpétuam Misericórdiam largiaris,

tuo semper nomini fac devotos.

Per Christum.

22. Fámulis tuis, quǽsumus, Dómine, adesto,

et super eos grátiam tuam multiplica,

ut, Sanctórum suffragium sentientes,

ad eórum exémpla assequenda impellantur.

Per Christum.

23. Ecclésiæ tuæ, Dómine, vocem placatus admitte,

ut, Christum in tot Sanctis gloriósum contemplans,

regnum indefésse annúntiet cælorum.

Per Christum.

24. Omnípotens sempitérne Deus,

qui in Sanctis tuis semper es ubíque mirábilis,

quǽsumus clementiam tuam,

ut, sicut illis eminéntem glóriam contulisti,

sic ad consequendas misericórdias tuas

eórum nos facias précibus adiuvari.

Per Christum.

25. Sancti tui, quǽsumus, Dómine,

iúgiter  nobis a te

et veniam postulent et proféctum.

Per Christum.

26. Præsta nobis, Dómine, Misericórdiam tuam

Sanctórum tuórum suffragiis imploratam

et, quos intercessores nostros esse tribuisti,

fac eos et maiestatem tuam iúgiter exorare

et salutaria impetrare pro nobis.

Per Christum.

27. Adesto, Dómine, pópulo tuo

cum Sanctórum patrocínio supplicanti,

ut, quod propria fidúcia non præsumit,

suffragantium méritis consequatur.

Per Christum.

28. Grátias agimus, Dómine,

multiplicatis circa nos miseratiónibus tuis,

qui et paschali Christi mystério nos salvas

et Sanctórum tuórum deprecatione susténtas.

Per Christum.

29. Veritas dominii tui universalis, Deus,

quam Sancti tui in ærumnis agnoverunt,

splendeat in corde Ecclésiæ peregrínæ

et fac, ut fidéles tui, quæ sursum sunt sapientes,

secura tibi serviant libertate.

Per Christum.

30. Da auxilium, Dómine, quǽsumus,

maiestati tuæ potestátique subiéctis

et, quidquid suis méritis non præsumunt,

Sanctórum tuórum précibus consequantur.

Per Christum.

31. Memento, Dómine, quǽsumus, condicionis humánæ,

ut Sancti tui pro nobis

et clementiam tuam semper exorent

et incessabíliter audiantur.

Per Christum.

32. Sanctórum tuorum, Dómine, précibus adiuvemur

et, quod possibilitas nostra non obtinet,

eórum nobis postulátione donetur.

Per Christum.

33. Omnípotens sempitérne Deus,

qui Sanctórum tuórum nos intercessione custodis,

præsta, ut, quorum fovemur meritis,

proficiamus piæ conféssionis exemplis.

Per Christum.

34. Prætende nobis, Dómine, Misericórdiam tuam,

et Sanctos tuos, quorum nos Fecísti patrociniis adiuvari,

tríbue maiestatem tuam iúgiter exorare pro nobis.

Per Christum.

35. Porrige, quǽsumus, dexteram, Dómine, pópulo deprecanti

et, cui tribuis Sanctórum intercessione sustentari,

præbe grátiæ tuæ auxilium,

ut, te ductore confídens, et mala cuncta declinet

et ómnia, quæ bona sunt, apprehendat.

Per Christum.

36. Sanctórum tuórum intercessionibus, quǽsumus, Dómine,

grátia tua nos semper protegat

et christifidélibus viventibus atque defúnctis

Misericórdiam tuam ubíque prætende.

Per Christum.

____________________
 

¹ Cf. CONCILIUM ECMENICUM VATICANUM II, Const. dogm. de Ecclésia Lumen géntium, n. 40.

² Cf. MISSALE ROMANUM, doxologia Precum euchArísticarum.

³ Cf. CONC. EC. VATIC. II, Const. dogm. de Ecclésia Lumen géntium, n. 47.

⁴ Cf. MISSALE ROMANUM, hymnus Gloria in excelsis.

⁵ Cf. CONC. EC. VATIC. II, Const. dogm. de Ecclésia Lumen géntium, n. 40; ORIGENES,

CommentAríum in Romános 7, 7(PG14, 1122B); Ps.-MAGARIUS, De Oratione, 11 (PG 34, 861AB); S. THOMAS AQUINAS, Summa Theol. II-II, 9, 184, a. 3.

⁶ Cf. MISSALE ROMANUM, Præfatio I de Sanctis.

⁷ Cf. MISSALE ROMANUM, Præfatio II de Sanctis.

⁸ Ibídem.

⁹ Cf. CONC. EC. VATIC. II, Const. dogm. de Ecclésia Lumen géntium, n. 39.

¹⁰ Cf. MISSALE ROMANUM, Præfatio de Christo universorum Rege.

^11. Cf. MISSALE ROMANUM, Ordo Missæ: Professio fídei ; CONC. EC. VATIC. II, Const. dogm. de Ecclésia Lumen géntium, n. 8.

¹² Cf. IOÁNNES PAULUS II, Ep. Ap., Novo Millennia ineunte, diéi 6 ianuárii 2001, n. 30: AAS 93 (2001) p. 267.

¹³ Cf. MISSALE ROMANUM, Præfatio commúnis III.

¹⁴ Cf. MISSALE ROMANUM, Præfatio I de Sanctis.

¹⁵ Cf. CONC. EC. VATIC. II, Const. de sacra Litúrgia Sacrosanctum Concilium, n. 111.

¹⁶ Cf. LITÚRGIA HORARUM, Preces in sollemnitate Omnium Sanctórum.

¹⁷ Cf. CONC Ec. VATIC. II, Const. dogm. de Ecclésia Lumen géntium, n. 50.

¹⁸ Cf. IOÁNNES PAULUS II, Ep. Ap., Dies Dómini, diéi 31 maii 1998, n. 78: AAS 90 (1998) p. 761.

¹⁹ Cf. S. PAULÍNUS NOLANUS, Carmina, XIV, 3-4: CSEL 30, 67.

²⁰ Cf. PIUS PP. XII, Litt. Encycl. Mediator Dei: AAS 39 (1947) pp. 581-582.

²¹ Cf. CONC. EC. VATIC. II, Const. dogm. de Ecclésia Lumen géntium, n. 50.

²² Cf. CONC. EC. VATIC. II, Const. de sacra Litúrgia Sacrosanctum Concilium, n. 111.

²³ Cf. CODEX IURIS CANONICI, can. 1186.

²⁴ Ibídem, can. 1187.

²⁵ Cf. CONC. EC. VATIC. II, Const. de sacra Litúrgia Sacrosanctum Concilium, n. 111; cf. étiam CODEX IURIS CANONICI, cann. 1188-1190.

²⁶ Cf. MISSALE ROMANUM, Prex EuchArística IV, Præfatio.

²⁷ Cf. MISSALE ROMANUM, Præfationes, passim.

²⁸ Cf. 1 Cor 12, 12-27; CONC. EC VATIC. II, Const. dogm. de Ecclésia Lumen géntium, n. 49.
²⁹ Cf. CONC. EC. VATIC. II, Const. dogm. de Ecclésia Lumen géntium, n. 50.

³⁰ Cf. Ioánnes PAULUS II, Litt. Ap., Divíni amoris sciéntia: Sancta Terésia a Iesu Infante et a Sacro Vultu Doctor Ecclesire universalis renuntiatur, n. 7: AAS 90 (1998) p. 936; et CONC. EC. V ATIC. II, Const. dogm. de divína revelátione Dei Verbum, n. 8.

³¹ Cf. MISSALE ROMANUM, Prex EuchArística I seu Canon Romanus, Communicantes.

³² Cf. CONC. EC. VATIC. II, Const. de sacra Litúrgia Sacrosanctum Concilium, n. 11

³³ Cf. Institutio genera/is de Litúrgia Horarum, nn. 244, 234-239; S. CONGREGATIO PRO CULTU DIVINO, lnstr. De Calendaria particularia, nn. 8-10: AAS 62 (1970) pp. 653-654.

³⁴ Cf. Institutio genera/is Missalis Románi, n. 316.

³⁵ Cf. Institutio generális Missalis Románi, n. 316; Institutio generális de Litúrgia Horarum, n. 244.

³⁶ Cf. S. CONGREGATIO PRO CULTU DIVINO, Instr. Calendaria particularia, nn. 8-9: AAS 62 (1970) pp. 653-654.

³⁷ Normæ Universales de Anno liturgico et de Calendario, nn. 48-55; S. CONGREGATIO PRO CULTU DIVINO, Instr. Calendaria particularia, diéi 24 iunii 1970, nn. 1-9, 12: AAS 62 (1970), pp. 651-654.

³⁸ Cf. S. CONGREGATIO PRO CULTU DIVINO, lnstr. Calendaria particularia, n. 21: AAS 62 (1970) p. 656.

³⁹ Cf. S. CONGREGATIO PRO CULTU DIVINO, Instr. Calendaria particularia, n. 34: AAS 62 (1970) p. 65 9; Pontificale Roman um, Ordo Dedicationis Ecclésiæ et altaris, editio typica, 1977, caput II, n. 4.

⁴⁰ CONGREGATIO PRO CULTU DIVÍNO ET DISCIPLINA SACRAMENTORUM, Notificatio de dedication aut Benedíctione Ecclésiæ in honórem alicúius Beáti, diéi 29 novémbris 1998: Notitiæ 34 (1998) p. 664.

⁴¹ Cf. CONC. EC. VATIC. II, Constitutio de sacra Litúrgia Sacrosanctum Concilium, n. 92.
⁴² Ibídem, n. 111.

⁴³ Vide p. 26.

⁴⁴ Computata parte íntegra in ratióne inter annum, cuius interest elementa inveniæ, et 1 9, numerus aureus evincitur subtrabendo de illo eódem anno, addito uno, supradictam partem íntegram undevicies multiplicatam.

⁴⁵ Computata summa, quæ ex multiplicatione efficitur inter numerum aureum anni, cuius interest epactam invenire, et 11, abhinc usque ad annum 2099 epacta evincitur: a) si huius multiplicationis summa maior est quam tredecim, unum addenda reliquo quotientis integri, qui ex illa eádem summa fit, deducto tredecim, in trigínta divisa; b) si vero minor est quam tredecim, unum addenda summæ supradictæ multiplicationis, addito trigínta et tredècim deduct (seu, scílicet, summæ multiplicationis duodevigínti addenda). Ab anno 2100 usque ad 2199, loco numerorum tredècim et unius, numeri respective quattuórdecim et duo erunt adhibendi.

⁴⁶ Ubi sollémnitas Ascensionis Dómini non est de præcépto servanda, assignatur, tamquam diéi proprio, Domínicæ VII Paschæ.

⁴⁷ Ubi sollémnitas sanctissimi Córporis et Sánguinis Christi non est de præcépto servanda, assignatur, tamquam diéi proprio, Domínicæ post Ss.mam Trínitatem.

CANTUS MARTYROLOGII

CANTUS MARTYROLOGII

Elogium Martyrologii

Martyrológium de more cantatur Hoc modo:

Elogium

In Nativitáte Dómini

Textus cum cantu

Reliqua elogia huius diéi cantantur in tono consueto.

MARTYROLOGIUM

ROMANUM

Die 1 ianuárii
Kaléndis ianuárii. Luna:

2. Meliténe in Arménia, sancti Polyéucti, mártyris, qui, miles edícto Décii imperatóris diis sacrificáre coáctus, simulácra fregit, quaprópter multa passus est torménta, demum decollátus et ipso sánguine suo effúso baptizátus.

3. Nicomedíæ in Bithýnia, pássio sancti Luciáni, Antiochénæ Ecclésiæ presbýteri et mártyris, qui, doctrína et eloquéntia clarus, ante tribúnal addúctus ad contínuas interrogátiónes torméntis adiúnctas se christiánum intrépide confitebátur.

4*. Passáviæ in Norico, commemorátio sancti Valentíni, epíscopi Ráetiæ.

5. Pápiæ in Ligúria, sancti Crispíni, epíscopi.

6*. Curiæ Rhætórum apud Helvétios, sancti Valentíniani, epíscopi, qui paupéribus ópibus subvénit, pro captívis prétium solvit et nudis vestes lárgiter donávit.

7*. Solemníaci apud Lemóvicum in Aquitánia, sancti Tillónis, qui, discípulus sancti Elígii, faber et mónachus fuit.

8*. Constantinópoli, sancti Cyri, epíscopi, qui, mónachus in Paphlagónia, ad sedem Constantinópolitanam evéctus est, qua póstea eiéctus in exsílio óbiit.

9*. Cenómani in Gállia, sancti Alderíci, epíscopi, qui ad Dei atque Sanctórum cultum omni stúdio se cóntulit.

10. In silva apud Ringstádium in Dánia, sancti Canúti, cognoménto Lavard, mártyris, qui, dux Slesvicénsis, iustus et prudens principátum ténuit et pietátem fovit, ab hóstibus auctoritátis suæ ínvidis interféctus.

11*. Panórmi in Sicília, tránsitus beáti Mattháei Guiméra, epíscopi Agrigentíni, ex Ordine Minórum, Sanctíssimi Nóminis Iesu cultóris et assertóris.

12*. Suzútæ in Iapónia, beáti Ambrósii Fernández, mártyris, qui quæstu et lucro ductus in Oriéntem ábiit, sed in Societátem Iesu religiósus póstea admíssus, multis Privátiónibus afflíctus in cárcere pro Christo óbiit.

13. In vico An Bái in Tunquíno, sancti Ioséphi Tuân, mártyris, qui, paterfamílias et agrícola, cum ante crucem, quam calcáre iussus erat, genufléxus orávit, decollátus est sub imperatóre Tu Dúc.

14*. Leódii in Bélgio, beátæ Maríæ Terésiæ (Ioánnæ) Haze, vírginis, quæ ad servítium debílium et Páuperum Congregatiónem Filiárum a Cruce cóndidit.

Die 8 ianuárii
Sexto Idus ianuárii. Luna:
 

1. Hierápoli in Phrýgia, sancti Apollináris, epíscopi, qui sub Marco Aurélio imperatóre doctrína et sanctitáte flóruit.

2. In Líbya, Sanctórum mártyrum Theóphili, diáconi, et Helládii, qui primo laniáti ac téstulis peracútis compúncti, demum in ignem coniécti esse dicúntur.

3. Bellóvaci in Gállia Bélgica, Sanctórum Luciáni, Maximiáni et Iuliáni, mártyrum.

4. Metis item in Bélgica, sancti Patiéntis, epíscopi.

5. In Nórico Ripénsi, sancti Severíni, presbýteri et mónachi, qui, post Attilæ mortem, Hunnórum príncipis, in hanc Provínciam véniens, pópulos inérmes deféndit, feróces mansuefécit, infidéles convértit, monastéria cóndidit et religióne incúltos instrúxit.

6. Pápiæ in Ligúria, sancti Máximi, epíscopi.

7*. In monastério Chozíbæ in Palæstína, sancti Geórgii, mónachi et eremítæ, qui, tota hebdómada reclúsus, domínica die cum frátribus orábat, quos in spiritálibus audiébat omnibúsque suadébat.

8*. In regióne Aberdonénsi Scótiæ, sancti Nathaláni, epíscopi, caritáte erga páuperes insígnis.

9. Ratísbonæ in Bavária, sancti Erhárdi, qui, génere scotus, stúdio Evangélii propagándi flagrans, hanc regiónem petívit, ubi múnere episcopáli functus est.

10*. Morséllæ in Brabántia, sanctæ Gúdilæ, vírginis, quæ in domo sua caritáti et oratióni se cóntulit.

11*. Cassíliæ in Hibérnia, sancti Albérti, epíscopi, angli natióne diúque pro Christo peregríni.

12. Venétiis, sancti Lauréntíi Giustiniani, epíscopi, qui hanc Ecclésiam doctrína ætérnæ sapiéntiæ illustrávit.

13*. Novi Castri ad Tinam flumen in Anglia, beáti Eduárdi Waterson, presbýteri et mártyris, qui, sub Elísabeth regína Prima cápite damnátus quod sacérdos Angliam petivísset, patíbulo suspénsus est.

Die 9 ianuárii
Quinto Idus ianuárii. Luna:
 

1. Ancónæ in Picéno Itáliæ, sancti Marcéllini, epíscopi, qui urbem illam, ut sanctus Gregórius papa Magnus scribit, divína virtúte ab incéndio liberávit

2*. Cantuáriæ in Anglia, sancti Hadriáni, abbátis, qui, in Africa natus, Neápoli Campániæ Angliam pervénit et, lítteris sacris simul et sæculáribus luculénter instrúctus, discipulórum turmam salutári sciéntia erudívit.

3*. In Scótia, sancti Feláni, abbátis monastérii Sancti Andréæ, qui, disciplínæ austeritáte præclárus, in solitúdine vitam exégit.

4*. In monte Olýmpo in Bithýnia, sancti Eustrátii, cognoménto Thaumatúrgi, abbátis monastérii Abgári.

5*. Thenesíaci in pago Pictaviénsi Aquitániæ, sancti Honoráti de Busentíaco, qui, armentórum negotiátor, pecúnia sua páuperes dotábat et a fúribus, quos increpáverat, necátus est.

6*. Certaldi in Etrúria, beátæ Iúliæ della Rena, e Tértio Ordine Sancti Augustíni, quæ angústa in cella prope ecclésiam reclúsa soli Deo vixit.

7*. Ancónæ in Picéno Itáliæ, beáti Antónii Fatáti, epíscopi, qui prudéntem et æquánimun in ómnibus missiónibus a Pontifícbus Románis ipsi credítis, austérum in se, largum vero in páuperes se práebuit.

8*. Nancéii in Gállia, beátæ Maríæ Terésiæ a Iesu (Aléxiæ) Le Clerc, vírginis, quæ cum sancto Petro Fourier, Congregatiónem Canonissárum Regulárium Nostræ Dóminæ, sub Régula sancti Augustíni, ad instituéndas puéllas excitávit.

9. Seuli in Coréa, sanctárum mártyrum Agathæ Yi, vírginis, cuius et paréntes martýrio coronáti sunt, et Terésiæ Kim, víduæ, quæ in cárcere pro Christo íctibus percússæ, demum iugulátæ sunt.

10*. Prope Monáchium Bavariáe in Germánia intra castra deténtiónis Dacháni, beatórum Ioséphi Pawlowski et Casimíri Grelewski, presbýterorum et mártyrum, qui, témpore belli, e Polónia invása a persecutóribus fídei deportáti, per suspéndii cruciátum martýrium complevérunt.

Die 10 ianuárii
Quarto Idus ianuárii. Luna:

1. Romæ in coemetério Callísti via Appia, sancti Miltíadis, papæ, qui, ex Africa oriúndus, pacem Ecclésiæ a Constantíno imperatóre rédditam expértus est, sed a sectatóribus Donáti ácriter vexátus ad comparándam concórdiam prudénter incúbuit.

2. In Thebáide, sancti Pauli, eremítæ, monásticæ vitæ inde ab exórdiis cultóris.

3. Nyssæ in Cappadócia, sancti Gregórii, epíscopi, sancti Basílii Magni fratris, qui, vita et doctrína præclárus, ob rectæ fídei confessiónem sub Valénte imperatóre ariáno e civitáte sua pulsus est.

4. Hierosólymæ, sancti Ioánnis, epíscopi, qui, témpore controvérsiæ de orthódoxa doctrína, magnópere pro Cathólica fíde et pace Ecclésiæ óperam dedit.

5*. Deæ Vocontiórum in pago Gálliæ Viennénsi, sancti Petrónii, epíscopi, qui prius monásticam vitam in ínsula Lirinénsi dúxerat.

6. Constantinópoli, sancti Marciáni, presbýteri, in ecclésiis ornándis et indigéntibus sublevándis séduli.

7*. Lemóvici in Aquitánia, sancti Valérii, qui solitáriam vitam elégit.

8*. Meliténe in Arménia, sancti Domitiani, epíscopi, qui pro conversióne Persárum multum conténdit.

9. Romæ apud sanctum Petrum, deposítio sancti Agathónis, papæ, qui contra monothelitárum erróres íntegram servávit fídem et unitátem Ecclésiæ sýnodis promóvit.

10*. In pago Vivariénsi ad Rhódanum in Gállia, sancti Arcóntii, epíscopi.

11. In monastério Cusanensi ad Pyrerneos saltus, sancti Petri Urseoli, qui, ex Venétiarum duce mónachus efféctus, pietáte et austeritáte cláruit atque in erémo prope monastérium vitam degit.

12*. In monastério Cavénsi in Campánia, beáti Benincásæ, abbátis, qui centum mónachos in Sicíliam destinávit ad Montis Regális coenóbium nuper exstrúctum, ut illud replérent.

13. Biturígis in Aquitánia, sancti Guliélmi, epíscopi, qui, desidério solitúdinis meditationísque flagrans, mónachus Cisterciénsis Pontiníaci et demum abbas Cadulíaci factus, tandem Ecclésiæ Bituricénsi præpósitus, monásticæ vitæ austeritátem numquam relaxávit et caritáte erga clerum, captívos miserósque enítuit.

14*. Amarántii in Lusitánia, beáti Gundisálvi, presbýteri Bracarénsis, qui post longam in Terram Sanctam peregrinatiónem Ordinem Prædicatórum ingréssus est, deínde in erémum secédens, pontem ædificándum curávit et oratióne prædicationéque áccolis prófuit.

15*. Arétii in Etrúria, tránsitus beáti Gregórii papæ Décimi, qui, ex archidiácono Leodiénsi ad Petri sedem eléctus, communiónem cum Græcis omnímodo fovit et ad christianórum discídia componénda necnon ad Terram Sanctam recuperándam Concílium Euménicum Lugdunénse Secúndum convocávit.

16*. Laurentánæ in Lucánia, beáti Ægídii (Bernardíni) Di Bello, religiósi ex Ordine Fratrum Minórum, qui reclúsus in spelúnca vixit.

17*. Arequípæ in Perúvia, beátæ Annæ ab Angelis Monteagudo, vírginis ex Ordine Prædicatórum, quæ consílii dono et prophétia in bonum totíus civitátis cómiter se cóntulit.

18. Perúsiæ in Itália, sanctæ Francíscæ Salésiæ (Leóniæ) Aviat, vírginis, quæ matérna cum dilectióne indústriaque ad óperam iuvénibus præbéndam se devóvit et Oblátas a Sancto Francísco de Salès instítuit.

19*. Matríti in Hispánia, beátæ Maríæ a Dolóribus Rodríguez Sopeña, vírginis, quæ, summum christiánæ caritátis práebens testimónium, ad ínfimos Societátis témporis suis, præsértim in subúrbiis maiórum civitátum, própius accéssit et pro evangélio nuntiándo et paupéribus óperariisque in re sociáli provehéndis Institútum Dominárum Catechistárum et Opus Doctrinárum excitávit.

Die 11 ianuárii
Tértio Idus ianuárii. Luna:
 

1. Romæ, sancti Hýgini, papæ, qui octávus beáti Petri cáthedram ténuit.

2. In Africa, sancti Salvíi, mártyris, in cuius natáli sanctus Augustínus sermónem hábuit ad pópulum Cartháginensem.

3. Tígavæ in Mauretánia, sancti Typásii veteráni, mártyris, qui, ad milítiam ævocátus, quia diis sacrificáre nóluit, decollátus est.

4. Cæsaréæ in Palæstína, sancti Petri, cognoménto Apselámi seu Bálsami, mártyris, qui, sub Maximíno imperatóre, sæpe a práeside omnibúsque adstántibus rogátus, ut iuventúti suæ párceret, eórum exhortatiónibus negléctis, per ignem, velut aurum purissímum, fídem in Christum forti ánimo testátus est.

5. Brúndusii in Apúlia, sancti Léucii, qui primus eiúsdem civitátis epíscopus cólitur.

6. Pápiæ in Ligúria, translátio sanctæ Honorátæ, vírginis Deo dicátæ, soróris sancti Epiphánii epíscopi.

7. In erémo Iudáeæ, sancti Theodósii, coenobiárchæ, qui, sancto Sabæ amícus, post longam solitáriam vitam multos discípulos sibi sócios ascívit et in monastériis a seípso exstrúctis vitam commúnem excóluit, donec multa pro fíde Cathólica passus centenárius tandem in pace Christi quiévit.

8*. Foroiúlii in Venétia, sancti Paulíni, epíscopi Aquileiénsis, qui ad fídem Avaros et Slovénos convertére conátus est et ad Cárolum Magnum regem carmen de régula fídei præclárum óbtulit.

9*. Cátanæ in Sicília, beáti Bernárdi Scammacca, presbýteri ex Ordine Prædicatórum, qui in egénos præsértim et ægrótos misericórdia enítuit.

10*. Londínii in Anglia, beáti Guliélmi Carter, mártyris, qui, vir nuptus, sub Elísabeth regína Prima ob tractátum de schísmate typis éditum Tybúrni láqueo suspénsus est et dire disséctus.

11. In vico Bellegra in Látio Itáliæ, sancti Thomæ de Cora (Francísci Antónii) Placidi, presbýteri ex Ordine Fratrum Minórum, vitæ austeritáte et prædicatióne præclári ac recéssuum conditóris exímii.

12*. Prope Gedánum in Polónia, beáti Francísci Rogaczewski, presbýteri et mártyris, qui, témpore occupatiónis Polóniæ sub regímine in Deum hostíli, ob fídem plumbis interféctus est.

Die 12 ianuárii
Prídie Idus ianuárii. Luna:

1. Cæsaréæ in Mauretánia, sancti Arcádii, mártyris, qui, témpore persecutiónis látitans, cum propínquus eius vicem captus esset, sponte iúdici se trádidit ac diis sacrificáre rénuit, quaprópter acerbíssima supplícia passus martýrium consummávit.

2. Constantinópoli, Sanctórum mártyrum Tígrii, presbýteri, et Eutrópii, lectóris, qui, témpore Arcádii imperatóris, cum de incéndio, quo Ecclésia prínceps et senátus cúria conflagráverant, tamquam per eos ad exsílium sancti Ioánnis Chrysóstomi ulciscéndum excitáto, per calúmniam accusáti essent, sub præfécto urbi Optáto, inánium deórum superstitióne implícito et christiánæ religiónis osóre, passi sunt.

3*. Areláte in Província Gálliæ, sanctæ Cæsáriæ, abbátissæ, soróris sancti Cæsárii epíscopi, qui pro eádem eiúsque Soróribus Régulam sanctárum vírginum scripsit.

4*. Gratianópoli in Burgúndia, sancti Ferréoli, epíscopi et mártyris, quem ad plebem prædicántem ímpii sicárii íctibus interfecérunt.

5. Viremúdæ in Northúmbria, sancti Benedícti Biscop, abbátis, qui, quínquies Romam peregrinátus, secum in pátriam magístros et líbros multos détulit, ut intra monastérii clausúram mónachi sub Régula sancti Benedícti congregáti proféctu sciéntiæ suæ eminéntem revéra Christi caritátem pro Ecclésia lucraréntur.

6*. In monastério Rievallénsi item in Northúmbria, sancti Ælrédi, abbátis, qui, in regis Scótiæ aula educátus, in Ordinem Cisterciénsem ingréssus est et, convérsatiónis monásticæ magíster exímius, vitam spiritálem et amicítiam in Christo gestis scriptísque instánter ac suáviter promóvit.

7*. Legióne in Hispánia, sancti Martíni de Sancta Cruce, presbýteri et canónici Régularis, Sacrárum Scripturárum viri vere períti.

8. Panórmi in Sicília, sancti Bernárdi de Corileóne, ex Ordine Fratrum Minórum Capuccinórum, mirábili caritáte et pæniténtia præclári.

9. Maríanópoli in Província Quebecénsi Cánadæ, sanctæ Margarítæ Bourgeoys, vírginis, quæ colónis militibúsque levámen omnímodo áttulit et pro puéllis christiána institutióne erudiéndis máximas impéndit curas, quaprópter Congregatiónem Sorórum a Nostra Dómina fundávit.

10*. Apríliaci apud Andégavum in Gállia, beáti Antónii Fournier, mártyris, qui, ártifex, témpore gállicæ perturbatiónis, propter fidelitátem Ecclésiæ servátam plumbis cæsus est.

11*. Cadómi in Gállia, beáti Petri Francísci Jamet, presbýteri, qui, in religiosás Fílias Boni Salvatóris adiuvándas sive magnæ perturbatiónis témpore sive post pacem Ecclésiæ restitútam omni stúdio incúbuit.

12. Viarégii in Itália, sancti Antónii Maríæ Pucci, presbýteri ex Ordine Servórum Maríæ, qui, fere quinquagínta annos paróchus, ad púeros curándos enísus est egestáte vel morbo circumvéntos.

13*. In vico Tomhom prope Bangkókium in Thailándia, beáti Nicolái Bunkerd Kitbamrung, presbýteri et mártyris, qui, Evangélii præco exímius, témpore persecutiónis contra Ecclésiam in cárcerem trusus, in ægrótis adiuvándis ipse phthisi corréptus glorióse occúbuit.

Die 13 ianuárii

Idibus ianuárii. Luna:

2. Singidúni in Móesia, Sanctórum Hermýlii et Stratoníci, mártyrum, qui post sæva torménta sub Licínio imperatóre in Istrum flumen demérsi sunt.

3. Tréviris in Gállia Bélgica, sancti Agrícii, epíscopi, qui palátium a sancta Hélena dona datum in ecclésiam convértit.

4. Remis item in Bélgica, deposítio sancti Remígii, epíscopi, qui, post Clodovéum regem sacro baptísmatis fonti et fídei sacraméntis initiátum, Francórum gentem ad Christum convértit et, annis ultra sexagínta in episcopátu exáctis, sanctitáte conspícuus e vita decéssit.

5*. Glasguæ in Scótia, sancti Kentigérni, epíscopi et abbátis, qui ibídem sedem suam constítuit et magnam monachórum Congregatiónem secúndum formam primáevæ Ecclésiæ instituísse narrátur.

6. Capitolíadi in Batánea, sancti Petri, presbýteri et mártyris, qui, Coram Walid Saracenórum príncipe accusátus quod fídem Christi per vias palam docéret, lingua manibúsque et pédibus amputátus et cruci affíxus martýrium, quod ardénter appetíerat, consummávit.

7. Córdubæ in Vandalícia Hispániæ regióne, Sanctórum mártyrum Gumesíndi, presbýteri, et Servidéi, mónachi, qui, cum ante Mauras príncipes iudicésque se christiános proféssi essent, ob Christi fídem occubuérunt.

8*. In monastério Ilbenstadénsi in Germánia, sancti Godefrídi, qui, comes Capenbergénsis, bonis invítis, ipsum castrum suum in monastérium mutári vóluit et, hábitu canonicáli assúmpto, egénis et infírmis strénuam navávit óperam.

9*. Prope Hóium in pago Leodiénsi, sanctæ Iuttæ, quæ, vídua, ad leprósos curándos se cóntulit, tandem prope eos reclúsa vitam degit.

10*. Medioláni in Langobárdia, beátæ Verónicæ de Binásco Negroni, vírginis, quæ monastérium Sanctæ Marthæ sub Régula sancti Augustíni ingréssa, ad altissímam se cóntulit contemplátionem.

11. In urbe Nam Dinh in Tunquíno, Sanctórum mártyrum Domínici Pham Trong (Án) Kham, Lucæ (Cai) Thín, eiúsdem fílii, et Ioséphi Pham Trong (Cai) Ta, qui sub imperatóre Tu Đức, torménta mortémque subíre maluérunt quam crucem calcáre.

12*. Intra castra deténtiónis Dacháni prope Monáchium Bavariáe in Germánia, beáti Æmílii Szramek, presbýteri et mártyris, qui, polónus natióne, in tempestáte belli hunc in campum inhumáne ob Christi fídem coram persecutóribus defénsam deportátus est et torméntis excruciátus occúbuit.

Die 14 ianuárii
Décimo nano Kalendas februárii. Luna:

1. Commemorátio sancti Potíti, mártyris, qui Sárdicæ in Dácia multa passus, demum gládio martýrium consecútus esse narrátur.

2. Antiochíæ in Sýria, sancti Glycérii, diáconi et mártyris.

3. Nolæ in Campánia, sancti Felícis, presbýteri, qui, ut sanctus Paulínus refert, persecutionibus furentihus, in cárcerem coniéctus acerbíssima sustínuit torménta et, pace tandem conciliata, inter suos rédiit in paupertáte secédens ad senéctam usque, conféssor fídei invíctus.

4. Commemorátio Sanctórum monachórum, qui Raíthi et in monte Sina ob Christi fídem interfécti sunt.

5. Apud Hibéros ultra Pontum Euxínum, sanctæ Ninónis, quæ, capta christiána, ob vitæ suæ sanctimóniam tantam adépta est reveréntiam et admiratiónem ómnium, ut regínam ipsam, cuius filíolum suis précibus sanáverat, regem et univérsam gentem suam ad Christi fídem allíceret.

6*. Apud Gábalos in Gállia, sancti Firmíni, epíscopi.

7*. Arvérnæ in Aquitánia, sancti Euphrasii, epíscopi, cuius sanctus Gregórius Turonénsis laudat hospitalitátem.

8. Medioláni in Ligúria, deposítio sancti Dátii, epíscopi, qui in controvérsia de Tribus Capítulis Vigílii papæ senténtiam deféndit, quem Constantinópolim comitátus est, ubi de vita decéssit.

9*. Astígi in Báetica, sancti Fulgéntii, epíscopi, cui, fratri sanctórum Leándri, Isidóri et Florentínæ, Isidórus tractátum «De offíciis ecclésiasticis » dicávit.

10*. Taliacótii in Aprútio, beáti Odónis Novariénsis, presbýteri ex Ordine Cartusianórum.

11*. Utini in Venétia, beáti Odoríci de Portu Naónis Mattiuzzi, presbýteri ex Ordine Minórum, qui, per quas Tartarórum, Indórum Sinensiúmque regiónes progréssus est usque ad Sinárum príncipem urbem Kambalik, eásdem Evangélii prædicatióne longe latéque perlústrans multos ad Christi fídem perdúxit.

12*. Batáviæ in Surinámia, beáti Petri Donders, presbýteri e Congregatióne Sanctíssimi Redemptóris, qui indeféssa caritáte leprosórum tam córporum quam animárum curam egit.

Die 15 ianuárii

Décimo Octávo Kalendas februárii. Luna:

1. Anágniæ in Látio, sanctæ Secundínæ, vírginis et mártyris.

2. Constantinópoli, sancti Ioánnis Calybítæ, qui, ut fertur, aliquámdiu in patérnæ domus recéssu, dein in «kalýba», scílicet tugúrio, habitávit, totus contemplátioni déditus et e conspéctu ipsórum paréntum ábditus, a quibus post mortem tantum ágnitus est ex códice aureo, quem fílio déderant.

3*. In monastério Cluain Credal in Hibérnia, sanctæ Itæ, vírginis eiúsdem monastérii fundatrícis.

4. Reáte in Sabína, commemorátio sancti Probi, epíscopi, cuius elógium sanctus Gregórius papa Magnus fecit.

5. Glannafólii ad Lígerim in território Gálliæ Andegavénsi, sancti Mauri, abbátis.

6*. In pago Ruthenénsi item in Gállia, sanctæ Tarsíciæ, vírginis et mártyris.

7*. Haméti m Brabántia, sancti Ablebérti seu Eméberti, epíscopi Cameracénsis.

8*. Carnúti in Néustria, sancti Malárdi, epíscopi.

9*. In valle Anauniénsi in agro Tridentíno, sancti Romédii, anachorétæ, qui, bonis suis Ecclésiæ allátis, vitam pæniténtem duxit in erémo adhuc nómine suo appelláto.

10. Lugdúni in Gállia, tránsitus sancti Boníti, epíscopi Arvernórum, qui, præféctus Massíliæ ad episcopátum in locum sancti Avíti fratris sui evéctus, decem post annis múnere abdicáto, in Magnilocénsi coenóbio degit et, Roma peregrínus rédiens é, Lugdúni óbiit.

11*. Armi prope Rhégium Iúlii in Calábria, sancti Arsénii, eremítæ, qui oratióne et austeritáte enítuit.

12*. Apud Fanum Sancti Ægídii in Província, beáti Petri de Castronóvo, presbýteri et mártyris, qui, in monastérium Cisterciénse Fontis Frígidæ ingréssus, ab Innocéntio papa Tértio ad pacem evangelizándam et ad fídem in Província instruéndam deputátus, ab hæréticis láncea transfóssus occúbuit.

13*. Plebe in Umbria, beáti Iacóbi, cognoménto Eleemosynárii, qui, iuris perítus, advocátum Páuperum et oppressórum se práebuit.

14*. In território Gualdénsi item in Umbria, beáti Angeli, eremítæ.

15. In urbe Fuan Provínciæ Fujian in Sinis, sancti Francísci Fernández de Capillas, presbýteri ex Ordine Prædicatórum et mártyris, qui, cum nomen Christi in ínsulas Philippínas et in Fujian portásset, ibídem in persecutióne Tartarórum diu in custódiam coniéctus est et tandem cápite obtruncátus.

16. In vico Steyl in Nederlándia, sancti Arnóldi Janssen, presbýteri, qui ad fídem in missiónibus propagándam Societátem Verbi Divíni fundávit.

17*. Berolíni in Germánia, beáti Nicolái Gross, patrisfamílias et mártyris, qui, ad rem sociálem pénitus inténtus, nefário regímini humánæ dignitáti ac religióni infénso omnímodo óbstitit, ut nihil contra Dei mandáta ágeret, quaprópter in cárcerem coniéctus per suspéndii cruciátum victóriæ Christi párticeps factus est.

Die 16 ianuárii

Décimo séptimo Kalendas februárii. Luna:  

1. Romæ in coemetério Priscíllæ via Salária Nova, deposítio sancti Marcélli Primi, papæ, qui, ut sanctus Dámasus refert, verídicus pastor, a lapsis dire vexátus pæniténtiam ab ipso statútam spernéntibus et tyránno flagitióse delátus, e pátria pulsus exsul óbiit.

2*. Aulóne in Illýrico, sancti Danáctis, mártyris.

3. Rhinocorúræ in Ægýpto, sancti Melæ, epíscopi, qui, sub Valénte imperatóre ariáno exsílium pro fíde orthódoxa passus, in pace quiévit.

4. Areláte in Província Gálliæ, sancti Honoráti, epíscopi, qui in ínsula Lirinénsi monastérium celebérrimum instítuit et Arelaténsis Ecclésiæ régimen suscépit.

5*. Tarantásiáe in Gállia Viennénsi, sancti Iacóbi, epíscopi, discípuli sancti Honoráti Lirinénsis.

6. Opitérgii in Venétia, sancti Titiáni, epíscopi.

7*. In agro Turonénsi Gálliæ Lugdunénsis, commemorátio sancti Leobátii, abbátis, qui, a magístro suo sancto Urso coenóbio Senapáriæ nuper cóndito præpósitus, in summa sanctitáte et senectúte perdurávit.

8*. In pago Dumbénsi territórii Lugdunénsis in Gállia, sancti Triviéri, presbýteri, mónachi tandémque eremítæ.

9. Macerácii ad Althéiam flúvium in Gállia, sancti Fúrsei, abbátis primum in Hibérnia, exínde in Anglia, dein in Gállia, ubi monastérium Latiniacénse cóndidit.

10*. Bálnei in Flamínia, sanctæ Ioánnæ, vírginis, quæ, in Ordinem Camaldulénsium recépta, oboediéntia máxime ac humilitáte refúlsit.

11. Apud urbem Maróchium in Mauretánia, pássio Sanctórum mártyrum Berárdi, Othónis, Petri, presbýterorum, Accúrsii et Adiúti, religiosórum, ex Ordine Minórum, qui a sancto Francísco ad Christi Evangélium musulmánis nuntiándum missi, Híspali comprehénsi, mox Maróchium dedúcti, Maurórum príncipis iussu gládio cæsi sunt.

12*. Cándii in Taprobáne ínsula Océani Indici, beáti Ioséphi Vaz, presbýteri e Congregatióne Oratórii, qui admirábili ardóre in laboriósis per campos itinéribus cathólicos disseminátos et ábditos indefésse in fíde confirmávit atque Evangélium salútis sédulo prædicávit.

13*. Bríxiæ in Itália, beáti Ioséphi Antónii Tovini, qui, magíster, plures instítuit scholas christiánas et ópera pública ædificánda curávit, semper, in quæ gessit negótia, documénta oratiónis ac virtútum áfferens.

14*. Valéntiæ in Hispánia, beátæ Ioánnæ Maríæ Condesa Lluch, vírginis, quæ sollérti caritátis ac sacrifícii amóre ad inopes, púeros et iúvenes óperarias adiuvándos húmili labóris stúdio se trádidit, pro quorum tutéla atque institutióne Congregatiónem Ancillárum ab Immaculáta Conceptióne Protectrícum Óperariarum fundávit.


 

Die 17 ianuárii

Sexto décimo Kalendas fehruarii. Luna:

2. In Cappadócia, Sanctórum Speusíppi, Elasíppi, Melasíppi, fratrum, et eórum áviæ Leoníllæ, mártyrum.

3. In Osrhoéne, commemorátio sancti Iuliáni, ascétæ, a vernáculis Sabæ, id est senis, cognomináti, qui, licet civitátis strépitus detestátus sit, diléctam solitúdinem ad tempus relíquit, ut Antiochíæ ariánæ háeresis sectatóres sédulo confúnderet.

4. Dere Vocontiórum in Gállia Lugdunénsi, sancti Marcélli, epíscopi, qui, defénsor civitátis, ob Cathólicam fídem servátam ab Eurico rege ariáno in exsílium pulsus est.

5. Apud Biturígas in Aquitánia, sancti Sulpícii, cognoménto Pii, epíscopi, qui, ex aula régia ad episcopátum promótus, nihil cárius hábuit quam curam gérere páuperum.

6*. In Bavária, beáti Gamelbérti, presbýteri, qui bona sua Uthóni, quem de sacra fonte suscéperat, trádidit, ut monastérium Metheménse fundarétur.

7*. Apud Forum Iúlii in Província Gálliæ, sanctæ Rosselínæ, prioríssæ Cellæ Robáudi Ordinis Cartusiénsis, quæ abnegatióne sui, cibi somníque ieiúnio et austeritáte enítuit.

8. In civitáte Tocolatlán in México, sancti Ianuárii Sánchez Delgadillo, presbýteri et mártyris in persecutióne mexicána.

Die 18 ianuárii

Quinto décimo Kalendas februárii. Luna:

1. Carthágine, Sanctórum mártyrum Successi, Pauli et Lúcii, episcopórum, qui Concílio in hac civitáte hábito interfuérunt et sub Décio imperatóre passi sunt.

2. Nicáeæ in Bithýnia, Sanctórum Coscónii, Zenónis et Melaníppi, mártyrum.

3. Apud Fuxum in Gállia Narbonénsi, tránsitus sancti Volusiáni, epíscopi Turonénsis, qui, a Gothis captus, in exsílio Deo spíritum réddidit.

4. Romæ, commemorátio sanctæ Priscæ, sub cuius nómine basílica in colle Aventíno Deo dedicáta est.

5. In monastério Lutrénsi in Burgúndia, sancti Deícoli, abbátis, qui, natióne hibérnus et sancti Columbáni discípulus, coenóbium illud condidísse fertur.

6*. Ferriáræ in Æmilía, beátæ Beatrícis Esténsis, moniális, quæ, cóniuge defúncto et principátu sáeculi abdicáto, Deo in monastério ab ipsa sub Régula sancti Benedícti fundáto se dicávit.

7. Apud Budam in Hungária, sanctæ Margarítæ, vírginis, quæ, fília Belæ regis Quarti, a paréntibus pro pátriæ liberatióne a Tártaris Deo vota et infans moniálibus Ordinis Prædicatórum trádita, adhuc duodénnis professióne religiósa ita Dómino totam se cóntulit, ut Christo Crucifíxo impigre studúerit assimilári.

8*. Cremónæ in Langobárdia, beáti Fácii, qui, áurifex, ex pátria Veronénsi huc migrávit, pæniténtiæ, peregrínatiónibus et ægrotórum solámini magnópere déditus.

9*. Morbínii in Alpibus, beáti Andréæ de Piscária Grego, presbýteri ex Ordine Prædicatórum, qui pédibus totam regiónem diu peragrávit, parce vivens iuxta páuperes et ómnium ánimos fratérne sibi concílians.

10*. Aquilæ in Aprútio, beátæ Christínæ (Matthíæ) Ciccarelli, Vírginis ex Ordine Sancti Augustíni.

11*. Braunsbérgre in Borússia, beátæ Regínæ Protmann, vírginis, quæ, amóre páuperum capta, in egenórum servítium magnópere incúbuit et Congregatiónem Sorórum Sanctæ Catharínæ fundávit.

12*. Apríliaci apud Andégavum in Gállia, beatárum Felicitátis Pricet, Mónicæ Pichery, Cárolæ Lucas et Victóriæ Gusteau, mártyrum, quæ, gállica perturbatióne sæviénte, in ódium Christiánæ religiónis plumbis cæsæ sunt.

13*. Cássiæ in Itália, beátæ Maríæ Terésiæ (Maríæ Ioánnæ) Fasce, abbátissæ monastérii Ordinis Sancti Augustíni, quæ ascésim ac contemplátionem cum opéribus summópere coniúnxit erga peregrínos et indigéntes conficiéndis.

Die 19 ianuárii
Quarto décimo Kalendas februárii. Luna:

1. Smyrnæ in Asia, pássio sancti Germánici, mártyris Philadelphíæ, qui, témpore Marci Antoníni et Lúcii Aurelíi imperatórum, sancti Polycárpi discípulus fuit, quem in martýrio præcéssit, cum, primáevæ ætátis venustáte florénte a iúdice damnátus, Dei virtúte metum corpóreæ suæ fragilitátis exclúdens béstiam ipsi parátam sponte provocávit.

2. Apud Spolétum in Umbria, sancti Pontiáni, mártyris, qui, témpore Antoníni imperatóris, pro Christo vehementíssime virgis cæsus esse tráditur, tandem gládio transfóssus.

3. Via Cornélia miliário Tértio décimo ab urbe Roma in coemetério ad Nymphas, Sanctórum Márii, Marthæ, Audífacis et Abaci, mártyrum.

4. Commemorátio sancti Marcárii Magni, presbýteri et abbátis monastérii Scetis in Ægýpto, qui, mundo sibíque mortuus, Deo soli vivebat, quod étiam suos docébat.

5. Commemorátio sancti Marcárii, cognoménto Alexandríni, presbýteri et abbátis apud montem Scetim in Ægýpto.

6. Laude Pompéia in Ligúria, commemorátio sancti Bassiáni, epíscopi, qui, ut gregem suum ab ariánorum hǽresi ibídem adhuc vigénte defénderet, una cum sancto Ambrósio Mediolanénsi strénue decertávit.

7. Comi in Langobárdia, sanctárum Liberátæ et Faustínæ, Sorórum et vírginum, quæ monastérium Sanctæ Margarítæ condidérunt.          

8*. In pago Dorcasíno apud Carnútum in Néustria, sancti Launomári, abbátis monastérii Corbionénsis, quod in Pértici solitúdine fundávit.

9. Ravénnæ in Flamínia, sancti Ioánnis, epíscopi, qui dum bello langobárdico tota quatiebátur Itália, Ecclésiæ necessitátibus óptime provídit, sancto Gregório papa Magno teste, qui ad eum librum Régulæ pastorális misit.

10*. Róthomagi in Néustria, sancti Remígii, epíscopi, Pippíni regis fratris, qui sollérti indústria psalmódiáe cantum more románo modulári curávit.

11*. Corcýræ in Gráecia, sancti Arsénii, epíscopi, qui pastor fuit ovíli inténtus et oratióni noctúrnæ assíduus.

12*. Híspali in Hispánia, beáti Marcélli Spínola y Mæstre, epíscopi, qui ad societátem humánam provehéndam círculos operariórum cóndidit, pro veritáte et æquitáte propugnávit et domum suam egénis apéruit.

Die 20 ianuárii
Idibus ianuárii. Luna:

3. Apud Antínoen in Thebáide, sancti Asclæ, mártyris, qui coram práeside minas non tímuit, cum maior ei formído Christum contémnere esset, et post vária torménta in flumen præcipitátus est.

4. Nicáeæ in Bithýnia, sancti Neóphyti, mártyris.

5. In Palæstína, sancti Euthýmii, abbátis, qui, natióne arménus et ab infántia Deo consecrátus, Hierosólymam pétiit et, plúrimis annis in solitúdine exáctis, ad extrémum vitæ usque firmus et álacer in humilitáte et caritáte, observántia disciplínæ clarus óbiit.

6. Vigórniæ in Anglia, sancti Wulfstáni, epíscopi, qui, e claustro hanc ad sedem episcopálem evéctus, monásticos mores cum zelo pastoráli coniúnxit, summam impéndens curam in parcóecias visitándas, in ecclésiarum erectiónem incitándam, in lítteras fovéndas, necnon in venalícia exprobránda.

7*. Coltibóni in Etrúria, beáti Benedícti Ricasoli, eremítæ e Congregatióne Vallis Umbrósæ.

8*. In Fínnia, sancti Henríci, epíscopi et mártyris, qui, in Anglia natus, Upsaliénsem Ecclésiam suscépit regéndam omni stúdio in Finnos evangelizándos incúmbens; crudéliter tandem ab homicída trucidátus est, quem iuxta ecclésiasticam disciplínam corrígere conátus erat.

9. Messánæ in Sicília, sanctæ Eustóchii Calafato, vírginis, abbátissæ ex Ordine Sanctæ Claræ, quæ ad prístinam vitæ régularis disciplínam restaurándam et Christi sequélam e sancti Francísci more fovéndam omni stúdio se cóntulit.

10. Seuli in Coréa, sancti Stéphani Min Kǔk-ka, mártyris, qui, catechísta, in cárcere pro fíde christiána iugulátus est.

11*. Casáureæ prope Neápolim in Campánia Itáliæ, beátæ Maríæ Christínæ ab Immaculáta (Adalhéidis) Brando, vírginis, quæ vitam suam in puerórum christiánam institutiónem cóntulit et Congregatiónem Sorórum Víctimarum Expiatrícum a Iesu Sacraménto fundávit, qua adorátiónem sanctæ Eucharístiæ valde suscitávit.

12*. In monastério Montis Sancti Bernárdi apud Licéstriam in Anglia, beáti Cypriáni (Michaélis) Iwene Tansi, presbýteri ex Ordine Cisterciénsi, qui, in território Onitsháno Nigériæ natus, adhuc puer, invíta família, christiánam fídem proféssus est et sacérdos ordinátus magna cum sedulitáte pastoráli curæ se cóntulit, donec mónachus efféctus sancta morte sanctam vitam consummáre méruit.

Die 21 ianuárii
Duodécimo Kalendas februárii. Luna:

2. Commemorátio sancti Públii, epíscopi Athenárum, qui Christo martýrii testimónium dedit.

3. Tarracóne in Hispánia Citerióre, pássio Sanctórum mártyrum Fructuósi, epíscopi, Augúrii et Eulógii, eius diaconórum, qui, sub Valeriáno et Galliéno imperatóribus, post fídei confessiónem coram Æmilíano procuratóre in amphitheátrum addúcti sunt, ubi, prece ab epíscopo fidélibus adstántibus clara voce pro pace Ecclésiæ adhíbita, flammis iniécti et génibus nixi deprecántes martýrium complevérunt.

4. Trecis in Gállia Lugdunénsi, sancti Pátrocli, mártyris.

5. Pápiæ in Ligúria, sancti Epiphánii, epíscopi, qui, témpore incursiónum barbarórum, de pópulorum reconcliatióne, de captívis rediméndis necnon de civitáte ipsa evérsa reficiénda summópere laborávit.

6. In móntibus circa lacum Turicénsem apud Helvétios, sancti Meginrádi, presbýteri, qui, coenobíticæ primum, dein eremíticæ vitæ inténtus, a latrónibus interféctus est.

7*. In monte Mercúrio in Lucánia, sancti Zacharíæ, Angélici nuncupáti, magístri coenobíticæ convérsatiónis.

8*. Londínii in Anglia, beatórum Eduárdi Stransham et Nicolái Wheeler, presbýterorum et mártyrum, qui, sub Elísabeth regína Prima propter sacerdótium cápite damnáti, Tybúrni martýrium subiérunt.

9. Londínii in Anglia, sancti Albáni Roe, ex Ordine Sancti Benedícti, et beáti Thomæ Green, presbýterorum et mártyrum, qui, sub Cárolo rege Primo, alter post septem et decem annos in cárcere peráctos, alter post quattuórdecim, iam senectúte confécti simul pro Christo Tybúrni patíbulo suspénsi sunt.

10*. In monastério Beniganiménsi in pago Valentíno Hispániæ, beátæ Ioséphæ Maríæ a Sancta Agnéte, vírginis ex Ordine Discalceatárum Sancti Augustíni.

11*. Valle Guidónis in Gállia, beatórum presbýterorum Ioánnis Baptístæ Turpin du Cormier et tredècim sociórum,¹ mártyrum, qui ob strénuam Ecclésiæ Cathólicæ fidelitátem in gállica perturbatióne cápite truncáti sunt.
 

12. In pago Dægu in Coréa, sancti mártyris Ioánnis Yi Yun-il qui, paterfamílias, agrícola et catechísta, superátis verbéribus membrorúmque luxatióne, constans in christiána fíde permánsit et æquo ánimo cápitis abscissióne martýrium adéptus est, última magnæ persecutiónis in hac natióne patrátæ víctima.

Die 22 ianuárii
Undécimo Kalendas februárii. Luna:

2. Item commemorátio sancti Valérii, epíscopi Cæsaraugustáni in Hispánia Tarraconénsi, qui Concílio Ilíiberitáno Primo intérfuit et, una cum sancto Vincéntio Valéntiam dedúctus, in exsílium pulsus est.

3. Nováriæ in Ligúria, sancti Gaudéntii, qui primus illíus sedis epíscopus habétur.

4. Sergiópoli in Pérside, pássio sancti Anastásii, mónachi et mártyris, qui post plúrima torménta, quæ in Cæsaréa Palæstínæ perpéssus erat, a Chósroe Persárum rege multis poenis afféctus, post septuagínta sócios, prope flumen suffocátus et cápite truncátus est.

5*. In monastério Romanénsi ad Isaram flumen in Alpibus, deposítio sancti Barnárdi, epíscopi Viennénsis, qui, cum e Cároli Magni imperatóris milítia ad milítiam Christi se contulísset, opes a patre accéptas in páuperes erogávit et duo exstrúxit coenóbia, Ambroniacénse et Romanénse, ubi vitæ cursum exégit.

6. Soræ in Látio, sancti Domínici, abbátis, qui monastéria váriis in Itáliæ regiónibus cóndidit aliáque suo reformatiónis spíritu ad régularem vitam réddidit.

7*. Pisis in Etrúria, beátæ Maríæ Mancini, quæ, bis víduata omnique orbáta prole, adhortánte sancta Catharína Senénsi, vitam commúnem in monastério Sancti Domínici instítuit, cui decem annos práefuit.

8*. Comi in Langobárdia, beáti Antónii della Chiesa, presbýteri ex Ordine Prædicatórum, qui in nonnúllis Ordinis convéntibus vitam régularem restítuit, humánam fragilitátem indulgéntia prósequens et firmitáte eméndans.

9*. Londínii in Anglia, beáti Guliélmi Patenson, presbýteri et mártyris, qui, sub Elísabeth regína Prima propter sacerdótium cápite damnátus, étiam in cárcere sex secum deténtos Ecclésiæ reconciliávit et postrémo Tybúrni ferro disséctus martýrium complévit.

10. In Tunquíno, Sanctórum Francísci Gil de Federich et Mattháei Alonso de Leziniana, presbýterorum ex Ordine Prædicatórum et mártyrum, qui, regnánte Trinh Doanh, post constántem et in vínculis ipsis peráctam Evangélii prædicatiónem, gládio percússi gloriósam pro Christo mortem obiérunt.

11. Romæ, sancti Vincéntii Pallotti, presbýteri, fundatóris Societátis Apostolátus Cathólici, qui scriptis operibúsque ómnium in Christo baptizatórum vocátionem ad óperam pro Ecclésia náviter erogándam incitávit.

12*. Burdígalæ in Gállia, beáti Guliélmi Ioséphi Chaminade, presbýteri, qui, zelo pastoráli in occúlto diu audácter exército, fidéles láicos pro beátæ Maríæ Vírginis cultu et missiónibus éxteris promovéndis congregáre stúduit, quaprópter et Institútum Filiárum a María Immaculáta et Societátem Maríæ fundávit.

13*. In pago Junin Andárum in Argentína, beátæ Lauræ Vicũna, vírginis, quæ, in urbe Sancti Iacóbi in Chília nata, alúmna in Institúto Maríæ Auxiliatrícis, pro matris convérsióne Tértio décimo ætátis anno vitam Deo óbtulit.

14*. In Parvo Castéllo Gardæ in Itália, beáti Ioséphi Nascimbeni, presbýteri, fundatóris Institúti Parvárum Sorórum a Sacra Família.

15*. Vindobónæ in Austria, beáti Ladislái Batthyány-Strattmann, qui, paterfamílias, tum in família cum in civíli societáte vitæ et óperum sanctitáte Evangélium testíficans, médici nomen et dignitátem vero christiáno more cóluit et magna cum caritáte óperam ægrótis assidéndo navávit, pro quibus valetudinária fundávit, ubi, omni vanitáte neglécta, páuperes inopésque tantum excipiébat.

Die 23 ianuárii
Décimo Kalendas februárii. Luna:
 

1. Cæsaréæ in Mauretánia, Sanctórum mártyrum Sevériani et Aquilæ, cóniugum, qui igne combústi sunt.

2. Romæ via Nomentána in coemetério Maióre, sanctæ Emerentiánæ, mártyris.

3. Ancýræ in Galátia, Sanctórum Cleméntis, epíscopi, et Agathángeli, mártyrum.

4*. Theáni in Campánia, commemorátio sancti Amásii, epíscopi.

5. Toléti in Hispánia, sancti Hildephónsi, epíscopi, qui, mónachus et coenóbii rector, antístes eléctus est atque plúrimos luculentióre sermóne scripsit libros, preces litúrgicas insígnes exarávit et miro devótiónis zelo beátam Maríam Dei Genetrícem et semper Vírginem excóluit.

6*. Domnipétræ in território Bisuntíno in Burgúndia, sancti Maimbódi, qui, natióne hibérnus, peregrínus efféctus et eremíta, a latrónibus occísus esse tráditur.

7. Seuli in Coréa, sancti Andréæ Chong (Tyong) Hwa-gyŏng, catechístæ et mártyris, qui, sancto epíscopo Lauréntio Imbert auxílium præstans, domum suam refúgium christianórum fecit, quaprópter íctibus sæve cæsus est ac tandem in cárcere láqueo interémptus.

Die 24 ianuárii
Nono Kalendas februárii. Luna:
 

2. Fulgínii in Umbria, sancti Feliciáni, qui primus epíscopus huius regiónis habétur.
 

3. In pago Trecénsi in Gállia Lugdunénsi, sancti Sabíniáni, mártyris.

4. Antiochíæ in Sýria, pássio sancti Bábylæ, epíscopi, qui, in persecutióne Décii imperatóris, postquam frequénter pássionibus suis ac cruciátibus glorificáverat Deum, gloriósum vitæ finem sortítus est in férreis vínculis, quibúscum corpus suum et sepelíri mandávit. Cum eo étiam passi referúntur púeri tres, scílicet Urbánus, Prilidánus et Epolónus, quos ille in Christi fíde instrúxerat.

5. Cinguli in Picéno Itáliæ, sancti Exsuperántii, epíscopi.

6*. Bináci prope Mediolánum in Langobárdia, beátæ Paulæ Gambara Costa, víduæ, quæ, Tértio Ordini Sancti Francísci adscrípta, violéntum cóniugem patiénter tolerávit et ad convérsiónem duxit atque caritátem in páuperes semper insígniter exércuit.

7*. Londínii in Anglia, beatórum mártyrum Guliélmi Ireland, presbýteri e Societáte Iesu, et Ioánnis Grove, eius fámuli, qui, sub Cárolo rege Secúndo proditiónis crímine falso insimuláti, Tybúrni pro Christo martýrium subiérunt.

8*. In vico Sainville in pago Gálliæ Carnuténsi, beátæ Maríæ Poussepin, vírginis, quæ ad pastóres animárum adiuvándos, ad puéllas erudiéndas necnon ad egénos ægrotósque iuvándos Institútum Sorórum Dóminicarum a Caritáte a Præsentatióne Beátæ Maríæ Vírginis fundávit.

9*. In vico Pratulin in pago Siedlecénsi Polóniæ, beatórum Vincéntii Lewoniuk et duódecim sociórum,² mártyrum, qui, nec minis nec illecébris commóti, ab Ecclésia Cathólica discédere noluérunt ac dénique paroeciæ suæ claves trádere respuéntes inérmes occísi sunt vel ad mortem vulneráti.

10*. Romæ, beáti Timóthei (Ioséphi) Giaccardo, presbýteri, qui in Pia Societáte a Sancto Paulo plúrimos instítuit discípulos ad mundo Evangélium nuntiándum, opportúnis adhíbitis communicatiónis sociális instruméntis.

Die 25 ianuárii
Octávo Kalendas februárii. Luna:

2. Commemorátio sancti Anániæ, qui, discípulus Dómini, Damásci Paulum conversum baptizávit.       

3*. Putéolis in Campánia, sancti Arthématis, mártyris.

4. Carthágine, sancti Agiléi, mártyris, in cuius die natáli in ipsíus basílica sanctus Augustínus tractátum de eo ipso ad pópulum hábuit.

5. Naziánzi in Cappadócia, natális sancti Gregórii, epíscopi, cuius memória die secunda ianuárii ágitur.

6. Commemorátio sancti Bretanniónis, epíscopi Tomitáni in Scýthia, qui sub Valénte imperatóre ariáno, cui fórtiter réstitit, mira sanctitáte et zelo Cathólicæ fídei flóruit.

7. Tabennési in Thebáide Ægýpti, sancti Paláemonis, anachorétæ, qui, oratióni austeritatibúsque assíduis déditus, magíster fuit sancti Pachómii.

8. Arvérnæ in Aquitánia, Sanctórum Præiécti, epíscopi, et Amaríni, viri Dei, qui ambo a procéribus eiúsdem urbis trucidáti sunt.

9. Marciánæ in Flándria, sancti Poppónis, abbátis Stabulénsis et Malmundariénsis, qui in multis monastériis Lotharíngiæ observántiam Cluniacénsem diffúdit.

10*. Ulmæ in Suévia Germániæ, beáti Henríci Susa, presbýteri ex Ordine Prædicatórum, qui moléstias et ægritúdines innúmeras patiénter tolerávit, tractátum de ætérna sapiéntia compósuit et suavíssimum nomen Iesu assídue prædicávit.

11*. Amándulæ in Picéno Itáliæ, beáti Antónii Migliorati, presbýteri ex Ordine Eremitárum Sancti Augustíni.

12*. Mántuæ in Langobárdia, beátæ Archángelæ (Eleonóræ) Girlani, vírginis ex Ordine Carmelitárum, prioríssæ convéntus Parménsis et coenóbii Mantuáni fundatrícis.

13*. Dertósæ in Hispánia, beáti Emmanuélis Domingo y Sol, presbýteri, qui Societátem Sacerdótum Operariórum ad vocátiones sacerdotáles fovéndas instítuit.

 

14*. Alexandríæ in Itália, beátæ Maríæ Antóniæ (Terésiæ) Grillo, religiósæ, quæ, vídua effécta, necessitátes Páuperum miséricors suscépit et, ómnibus, quæ habébat, vénditis, Congregatiónem Parvárum Sorórum a Divína Providéntia instítuit.

15*. Intra castra deténtiónis Dacháni prope Monáchium Bavariáe in Germánia, beáti Antónii Świadek, presbýteri et mártyris, qui, belli témpore, in fíde defendénda coram sectatóribus doctrínarum humánam omnem et christiánam dignitátem denegántium immarcescíbilem accépit corónam.

Die 26 ianuárii
Séptimo Kalendas februárii. Luna:  

2. Hippóne Régio in Numídia, sancti Theógenis, mártyris, de quo sanctus Augustínus sermónem hábuit.

3. Apud Béthlehem Iudæ, dormítio sanctæ Paulæ, víduæ, quæ, e nobilíssimo senatórum génere, sáeculo renuntiávit et, ópibus paupéribus distribútis, cum beáta vírgine Eustóchio, fília sua, ad præsépe Dómini se recépit.

4*. Hierosólymæ, Sanctórum Xenofóntis et Maríæ eórumque filiórum Ioánnis atque Arcádii, qui, senatória dignitáte amplissimísque possessiónibus abdicátis, monásticam vitam in Civitáte Sancta pari animórum ardóre proféssi esse narrántur.

5*. Cistércii in Burgúndia, sancti Alberíci, abbátis, qui inter primos mónachos Molisménses ad Novum Monastérium venit, quod dein abbas eléctus rexit, omni stúdio et cura ad institúta monachórum énitens tamquam verus Régulæ et fratrum amátor.

6*. Nidarósiæ in Norvégia, sancti Augustíni (Eystein) Erlandssön, epíscopi, qui Ecclésiam ipsi commíssam, quam valde contra príncipes deféndit, summa cum sedulitáte auxit.

7*. Andégavi in Gállia, beátæ Maríæ de la Dive, mártyris, quæ, vídua effécta, in gállica perturbatióne propter fidelitátem Ecclésiæ servátam decolláta est.

8*. Prope Monáchium Bavariáe in Germánia, beáti Michaélis Kozal, epíscopi auxiliaris Vladislaviénsis et mártyris, qui pro fídei defensióne et Ecclésiæ libertáte sub nefário regímine nazistárum tres annos invícta patiéntia in campo exitíi intra castra deténtiónis Dacháni relegátús est, donec martýrium consummávit.

Die 27 ianuárii
Sexto Kalendas februárii. Luna:

2. Soræ in Látio, commemorátio sancti Iuliáni, mártyris, qui témpore Antoníni imperatóris passus esse narrátur.

 

3. Apud Cenomanum in Gállia Lugdunénsi, sancti Iuliáni, qui eiúsdem urbis primus epíscopus habétur.

4*. Mariánæ in ínsula Córsica, commemorátio sanctæ Devótæ, vírginis et mártyris.

5. In monastério Bodacénsi in agro Gálliæ Sistariénsi, sancti Márii, abbátis.

6. Romæ apud sanctum Petrum, deposítio sancti Vitaliáni, papæ, qui salúti Anglórum peculiári stúdio consúluit.

7*. Ternodóri in Burgúndia, tránsitus sancti Theodórici, epíscopi Aurelianénsis, qui ad límina Apostolórum iter agens e vita decéssit.

8*. Apud Carnútum in Gállia, tránsitus sancti Gilduíni, diáconi Dolénsis in Británnia Minóre, qui, adhuc aduléscens epíscopus eléctus, tantum honórem coram sancto Gregório papa Séptimo útpote indígnus réspuit et, Roma dein revértens, in fínibus huius regiónis fébribus corréptus terrénam perfécit peregrínatiónem.

9*. Taruánnæ item in Gállia, beáti Ioánnis, epíscopi, qui, canónicus Régularis, sedem Morinénsem suscépit, in qua trigínta ámplius annos simoníacis óbstitit et octo monastéria tam Canonicórum quam monachórum fundávit.

10*. Ripæ Sancti Vitális prope Cómum in Langobárdia, beáti Manfrédi Settala, presbýteri et eremítæ.

11*. Andégavi in Gállia, beátæ Rosáliæ du Verdier de la Soriniére, vírginis in monastério Calvárii eiúsdem civitátis et mártyris, quæ, gállica perturbatióne sæviénte, in ódium Christiánæ religiónis cápitis damnáta est.

12. Prope Mengo in Ugánda, pássio sancti Ioánnis Maríæ, propter ánimi maturitátem Muzei seu Senis cognomináti, qui, regis fámulus, christiánus factus e persecutióne effúgere nóluit, sed sponte coram primo regis Mwenga adminístro Christi fídem proféssus est, quare cápite obtruncátus occúbuit, última huius persecutiónis víctima.

13. In óppido Gilet in Valéntia Hispániæ Província, sancti Henríci de Ossó y Cervelló, presbýteri, qui, ad puéllarum institutiónem provehéndam Societátem Sanctæ Terésiæ fundávit, ex qua póstea amótus, in convéntu Fratrum Minórum réliquos vitæ annos exégit.

14*. Káunæ in Lithuánia, beáti Geórgii Matulaitis, epíscopi Vilnénsis ac dein missi apóstolici in Lithuánia, qui Congregatiónem Clericórum Maríanorum atque Congregatiónem Sorórum Páuperum ab Immaculáta Conceptióne Beátæ Maríæ Vírginis fundávit.

Die 28 ianuárii
Quinto Kalendas februárii. Luna:

2. In monastério Reomáensi apud Língones in Néustria, sancti Ioánnis, presbýteri, viri Deo devóti, qui mónachos sub Régula sancti Marcárii congregávit.
 

3. Commemorátio sancti Iacóbi, eremítæ in Palæstína, qui pæniténtiæ causa diu in sepúlcro latuit.

4. Conchæ Valériæ in Nova Castélla Hispániæ, sancti Iuliáni, epíscopi, qui, secúndus antístes post recuperátam a Mauris civitátem Ecclésiam illustrávit, in páuperes bona Ecclésiæ érogans et ópera mánuum victum cotidiánum sibi cómparans.

5*. Apud Sanctum Frediánum prope Pisas in Etrúria, beáti Bartholomáei Aiutamicristo, religiósi ex Ordine Camaldulénsium.

6*. In vico Plevin in Británnia Minóre Gálliæ regióne, beáti Iuliáni Maunoir, presbýteri e Societáte Iesu, qui tam in pagis et vicis quam in úrbibus huius Provínciæ quadragínta duos annos missiónibus totum se devóvit.   

 

7. In urbe Maokou Provínciæ Guizhou in Sinis, sanctórum Agathæ Lin Zhao, vírginis, Hierónymi Lu Tingmei et Lauréntíi Wang Bing, mártyrum, qui, catechístæ, sub imperatóre Wenzongxian ut christiáni deláti sunt et demum cápite truncáti.
 

8. In urbe Daijiazhuang in Província Shandong meridionáli Sinárum, sancti Ioséphi Freinademetz, presbýteri e Societáte a Verbo Divíno, qui ad opus evangelizatiónis in hac regióne indefésse adlaborávit.

9*. In civitáte Picassent in pago Valentíno Hispániæ, beátæ Maríæ Aloýsiæ Montesinos Ordũna, vírginis et mártyris, quæ, persecutióne erga fídem sæviénte, per martýrium victóriæ Christi párticeps facta est.

10*. In campo deténtiónis óppidi Kharsk prope Tomíscum in Sibiriána Rússiæ Província, beátæ Olýmpiæ (Olgæ) Bída, vírginis e Congregatióne Sorórum Sancti Ioseph et mártyris, quæ in regímine persecutiónis erga fídem pro Christi amóre ómnia tolerávit advérsa.

Die 29 ianuárii
Quarto Kalendas februárii. Luna:
 

1. Edéssæ in Osrhoéne, Sanctórum mártyrum Sarbélii, presbýteri, et Bebáiæ, soróris eius, qui a sancto Barsimáeo epíscopo ad baptísmum ducti et pro Christo passi esse ferúntur.

2. Romæ via Nomentána in coemetério Maióre, Sanctórum mártyrum Pápiæ et Mauri, mílitum.

3. Perúsiæ in Umbria, sancti Constántii, epíscopi.

4. Antiochíæ in Sýria, Sanctórum Iuventíni et Máximini, mártyrum, qui sub Iuliáno imperatóre Apóstata martýrio coronáti sunt.

5. Tréviris in Gállia Bélgica, sancti Valérii, epíscopi, qui secúndus hanc sedem ténuit.

6. Prope Antíochiam in Sýria, sancti Aphraátis, anachorétæ, qui, apud Persas natus atque institútus, magórum vestígia pérsequens in Béthlehem ad Dóminum se convértit et Edéssam petens in domúnculam extra moenia se recépit, Antiochíæ demum Cathólicam fídem advérsus ariános prædicatióne et scriptis deféndit.

7*. In Británnia Minóre, sancti Gildæ, cognoménto Sapiéntis, abbátis, qui de excídio Británnia e scripsit, pópuli sui calamitátes plorans ac príncipum cleríque pravitátem íncrepans, et Rhuvigiénse monastérium in prospéctu maris condidísse et in ínsula Horáta obiísse fertur.

8. Apud Biturígas in Aquitánia, sancti Sulpícii Sevéri, epíscopi, e senatóribus Gálliarum, cuius sapiéntiam, pastorálem curam et instaurándæ disciplínæ stúdium sanctus Gregórius Turonénsis laudávit.

9*. Floréntiæ in Etrúria, beátæ Villánæ de Bottis, matrisfamílias, quæ, a vita mundána descíscens, hábitum Sorórum de Pæniténtia Sancti Domínici impetrávit atque Christi crucifíxi meditatióne et austéra vivéndi ratióne enítuit, stipem pro paupéribus étiam in viis mendícans.

10*. In urbe Bialostocénsi in Polónia, beátæ Boleslávæ Maríæ Lament, vírginis, quæ inter rerum publicárum mutatiónes Congregatiónem Sorórum Missionariárum a Sacra Família cóndidit pro unitáte christianórum fovénda, derelíctis adiuvándis, necnon puéllis christiáne instituéndis.

Die 30 ianuárii
Tértio Kalendas februárii. Luna:

1. Hierosólymæ, sancti Matthíæ, epíscopi, qui, multa pro Christo perpéssus, demum in pace quiévit.

2. Edéssæ in Osrhoéne, sancti Barsimáei, epíscopi, qui pro Christi fíde sub Décio imperatóre verbéribus afféctus esse refértur, sed, exácta persecutióne, e cárcere dimíssus réliquum vitæ tempus in Ecclésiæ ipsi commíssæ régimen summam impendisse óperam.

3. Romæ, commemorátio sanctæ Martínæ, sub cuius título Donus papa basílicam in foro románo dedicávit.

4. Calæ ad Mátronam in pago Gálliæ Parisiénsi, sanctæ Bathíldis, quæ, regína, coenóbia sub Régula sancti Benedícti ex more Luxoviénsi fundávit, post cóniugis Clodovéi Secúndi mortem Francórum regni gubernácula suscépit et, fílio regnánte, novíssimos annos sub íntegra religiónis régula convérsata est.

5. Malbódii in Néustria, sanctæ Aldegúndis, abbátissæ, témpore Dagobérti regis.

6. Pápiæ in Langobárdia, sancti Armentárii, epíscopi, qui corpus sancti Augustíni, a rege Liutprándo translátum, sollémniter in basílica Sancti Petri in Cælo Aureo repósuit.

7. Pássio sancti Theóphili, cognoménto Iúvenis, mártyris, qui præféctus classis christianórum, ab hóstibus apud Cyprum captus et ad ‘Arun suprémum Saracenórum príncipem perdúctus, cum nec donis nec minis ut Christum negáret flecti posset, gládio cæsus est.

8*. Burgis in Vétere Castélla Hispániæ regióne, sancti Adelélmi, abbátis, qui sacéllum Sancti Ioánnis una cum xenodochío in formam monastérii convértit.
 

9*. Eblánæ in Hibérnia, tránsitus beáti Francísci Taylor, mártyris, qui, paterfamílias, septem annos cárcerem propter fídem cathólicam perpéssus, tribulátionibus et senectúte corréptus sub Iacóbo rege Primo martýrium complévit.

10. Vitérbii in Túscia, sanctæ Hyacínthæ Mariscotti, vírginis e Tértio Ordine Régulari Sancti Francísci, quæ, quindécim annos in inánibus delectamentis versata, aspérrimam ampléxa est convérsatiónem et confraternitátes excitávit ad senes consolándos et ad sanctam Eucharístiam adorándam.

11*. Augústæ Taurinórum in Subalpínis, beáti Sebastiáni Valfré, presbýteri e Congregatióne Oratórii, qui in páuperes, infírmos et deténtos in carcéribus adiuvándos se totum impéndit et amicítia enixáque caritáte multos ad Christum perdúxit.
 

12. Seuli in Coréa, sancti mártyris Pauli Hŏ Hyŏb, qui, miles, propter fídei professiónem comprehénsus et cruciátibus afféctus, víribus defíciéntibus, labi visus est, sed cum pænituisset, statim coram iúdice fídem Christi confirmávit, quare post diutúrnum cárcerem íctibus fractus occúbuit.

13. In Tunquíno, sancti Thomæ Khuong, presbýteri et mártyris, qui, in persecutióne Tu Dúc imperatóris christiánum se esse invícto ánimo proféssus, in custódiam tráditus est et ante crucem génibus nixus secúri interféctus.

14. Guadalaxáræ in México, sancti Dávidis Galvan, presbýteri et mártyris, qui in persecutióne mexicána, quod sanctitátem matrimónii vindicavísset, a mílite sine iudício plumbis cæsus gloriósam corónam adéptus est.

15*. Malónnæ in Bélgio, sancti Muciáni Maríæ (Aloýsii) Wiaux, fratris Scholárum Christianárum, qui totam fere vitam summa constántia ac perpétua alacritáte in educándos iúvenes incúbuit.

16*. In monastério Sancti Benedícti de Maretíolo item in Bélgio, beáti Colúmbæ (Ioséphi) Marmion, qui, in Hibérnia natus, sacerdótio auctus et abbas in Ordine Sancti Benedícti dein efféctus, ut coenóbii pater et animárum ductor sanctitáte vitæ, spiritáli doctrína et eloquéntia enítuit.

17*. In vico Torrent in Hispánia, beátæ Carmélæ García Moyón, mártyris, quæ, férvida doctrínæ Christiánæ præcéptrix, in persecutióne religiósa ob Christi fídem violáta et adhuc viva concremáta est.

18*. In civitáte Gdeszyn in Polónia, beáti Sigismúndi Pisarski, presbýteri et mártyris, qui in bello ob fídem ante persecutóres mínime abdicátam apud paroeciam loci plumbis occísus est.

Die 31 ianuárii
Prídie Kalendas februárii. Luna:
 

2. Corínthi in Acháia, Sanctórum mártyrum Victoríni, Victóris, Nicéphori, Cláudii, Diodóri, Serapiónis et Pápiæ, qui sub Décio imperatóre váriis supplíciis martýrium complevísse narrántur.

3. Commemorátio sancti Metráni, mártyris Alexandríæ in Ægýpto, quem adstántes sub Décio imperatóre, cum, pagánis iubéntibus, ímpia verba proférre noluísset, ferociter collisérunt et extra urbem lapídibus oppréssum interemérunt.

4. Item Alexandríæ, sanctórum mártyrum Cyri et Ioánnis, qui pro conféssióne Christi, post multa torménta, cápite truncáti sunt.

5. Mútinæ in Æmilía, sancti Geminiáni, epíscopi, qui Ecclésiam suam ab ariánorum erróre ad orthodóxam fídem duxit.

6. In Pérside, pássio sancti Abrahæ, epíscopi Arbelénsis, qui sub Sápore rege Persárum, cum solem adoráre iussus renuísset, decollátus est.

7. Nováriæ in Ligúria, sancti Iúlii, presbýteri.

8. Romæ, commemorátio sanctæ Marcéllæ, víduæ, quæ, ut sanctus Hierónymus tradit, ópibus et nobilitáte contémptis, paupertáte et humilitáte nobílior facta est.

9*. Fernæ in Hibérnia, sancti Mædhoc seu Aidáni, epíscopi, qui Ibídem coenóbium fundávit et máxima cláruit austeritáte.

10*. In território Constantiénsi in Néustria, sancti Waldi, epíscopi Ebroicénsis.

11 *. Monte Sancti Victóris prope Rangvílam in Bavária meridionáli, sancti Eusébii, qui, in Hibérnia natus, pro Christo peregrinátus est et, mónachus in coenóbio Sancti Galli efféctus, dénique eremíta evásit.

12*. Romæ, beátæ Ludovícæ Albertoni, quæ, fíliis christiánis móribus pie institútis, post viri óbitum, Tértio Ordini Sancti Francísci adscrípta, paupéribus auxílium áttulit, ex dívite paupérrima facta.

13. Neápoli in Campánia, sancti Francísci Xavérii Maríæ Bianchi, presbýteri ex Ordine Clericórum Regulárium Sancti Pauli, qui, donis mýsticis práeditus, multos secum addúxit ad vitam sub Evangélii grátia agéndam.

14. In Coréa, Sanctórum mártyrum Augustíni Pak Chŏng-wŏn, catechístæ, et quinque sociórum,³ qui, plúribus tolerátis suppíciis, impávida fortitúdine christiánam fídem proféssi sunt et cápitis abscissióne Deum glorificavérunt.

____________________

² Quorum nomina: beáti Daniel Karmasz, Lucas Bojko, Bartholomæus Osypiuk, Onuphrius Wasiluk, Philíppus Kiryluk, Constantínus Bojko, Míchæl Nicephorus Hryciuk, Ignatius Franczuk, Ioánnes Andrzejuk, Constantínus Lubaszuk, Maximus Hawryluk, Míchæl Wawrzyszuk.

³ Quorum nomina: sancti Petrus Hong Pyŏng-ju, catechísta; María Yi In-dŏg, virgo; Magdaléna Son So-byŏg, Agatha Yi Kyŏng-i, Agatha Kwŏn Chin-i.

FEBRUARIUS

Die 1 februárii
Kaléndis februárii. Luna:  

1. In Phrýgia, commemorátio sancti Tryphónis, mártyris.

2. Ravénnæ in Flamínia, sancti Sevéri, epíscopi.

3. Augústæ Tricastinórum in pago Gálliæ Viennénsi, sancti Pauli, epíscopi, a quo cívitas dein nomen sumpsit.

4. Kildáriæ in Hibérnia, sanctæ Brígidæ, abbátissæ, quæ unum ex primis monastériis huius ínsulæ fundávit et opus evangelizatiónis a sancto Patrício inchoátum prosecúta esse fertur.

5*. Augústæ Prætóriæ in Alpibus Graiis, sancti Ursi, presbýteri.

6*. Anícii in Aquitánia, sancti Agrippáni, epíscopi et mártyris, qui Roma ad fines Velacórum revértens ab idolórum sectatóribus interféctus esse fertur.

7*. Metis in Austrásia, sancti Sigisbérti regis Tértii, qui monastéria Stabulénse, Malmundariénse ac multa alia constrúxit et in Ecclésias páuperesque liberáliter eleemósynas erogávit.

8*. In urbe Ciruelos in Nova Castélla Hispániæ regióne, sancti Raymúndi, abbátis Fiteriénsis, qui Ordinis de Calatráva institútor et rei christiánæ propugnátor insígnis éxstitit.

9*. In civitáte Sancto Maclóvio in Británnia Minóre, sancti Ioánnis, epíscopi, qui, vir miræ austeritátis et iustítiæ, sedem episcopálem Alethénsem eódem tránstulit et a sancto Bernárdo commendátus est, ut epíscopum páuperem, paupéribus amícum et paupertátis amatórem se præbéret.

10*. Parísiis in Gállia, beáti Regínaldi Aurelianénsis, presbýteri, qui, Romam tránsiens, sancti Domínici verbis ánimo captus, Ordinem Prædicatórum ingréssus est, ad quem virtútum exémplo et igníto elóquio plúrimos attráxit.

11*. Apud Castrum Florentínum in Etrúria, sanctæ Viridiánæ, vírginis, quæ a púerili ætáte ad senéctam usque reclúsa vixit.

12*. Pílei in Látio, beáti Andréæ de Comítibus Sígniæ, presbýteri ex Ordine Minórum, qui, ómnibus recusátis altióribus dignitátibus, in humilitáte et simplicitáte Christo famulári máluit.

13*. Eblánæ in Hibérnia, beatórum mártyrum Conori O’Devany, epíscopi Dunénsis et Connorénsis, ex Ordine Fratrum Minórum, et Patrícii O’Lougham, presbýteri, qui, sub Iacóbo rege Primo propter fídem Cathólicam damnáti, suspéndii poenam passi sunt.

14. Londínii in Anglia, sancti Henríci Morse, presbýteri e Societáte Iesu et mártyris, qui, plúries captus et bis in exsílium pulsus, demum sub Cárolo rege Primo propter sacerdótium in cárcerem trusus, post Missam ibídem celebrátam Tybúrni láqueo Deo spíritum réddidit.

15*. Apríliaci apud Andégavum in Gállia, pássio beatárum Maríæ Annæ Vaillot et quadragínta sex sociárum,¹ mártyrum, quæ, cum terror in gállica perturbatióne sævíret, corónam martýrii consecútæ sunt.

16. Seuli in Coréa, Sanctórum mártyrum Pauli Hong Yŏng-ju, catechístæ, Ioánnis Yi Mun-u, qui paupéribus ministrábat mártyrumque córpora sepeliébat, atque Bárbaræ Ch’oe Yong-i, quæ exémpla paréntum et cóniugis pro christiáno nómine interfectórum sequens cum áliis decolláta est.

17*. Augústæ Taurinórum in Itália, beátæ Ioánnæ Francíscæ a Visitatióne (Annæ) Michelotti, vírginis, quæ Institútum Sorórum Parvárum a Sacro Corde fundávit, ut infírmis paupéribus gratuíto in Dómino servírent.

18*. In civitáte Cúcuta in Colúmbia, beáti Aloýsii Variara, presbýteri e Societáte Sancti Francísci Salèsii, qui leprósis omni ope et cura assédit et Sorores Fílias Sacrórum Córdium Iesu et Maríæ instítuit.

Die 2 februárii
Quarto Nonas februárii. Luna:

2. Aureliáni in Gállia Lugdunénsi, sancti Flósculi, epíscopi.

3. Cantuáriæ in Anglia, sancti Lauréntii, epíscopi, qui post sanctum Augustínum hanc gubernávit Ecclésiam et regem Ædbáldum ad fídem convértens valde auxit.

4. Herbípoli in Austrásia, sancti Burchárdi, epíscopi, qui, ex Anglia oriúndus, a sancto Bonifátio primus epíscopus huius civitátis ordinátus est.

5*. Floréntiæ in Etrúria, beáti Simónis de Cássia Fidati, presbýteri ex Ordine Eremitárum Sancti Augustíni, qui verbis ac scriptis complúres ad meliórem vitam christiánam addúxit.

6*. Segúsíi in Subalpínis, beáti Petri Cambiáni de Ruffia, presbýteri ex Ordine Prædicatórum et mártyris, qui a dissidéntibus in ódium Ecclésiæ in claustro trucidátus est.

7. Prati in Etrúria, sanctæ Catharínæ de’ Ricci, vírginis e Tértio Ordine Regulári Sancti Domínici, quæ religiósæ instauratiónis óperæ ánimun inténdit atque Iesu Christi pássionis mystéria iúgiter cólere stúduit necnon experíri méruit.

8. Burdígalæ in Gállia, sanctæ Ioánnæ de Lestonnac, quæ, puélla, invitaménta ac conátus matris, ut ab Ecclésia Cathólica divérteret, répulit et post cóniugis mortem quinque puerórum institutióni sapiénter provídit, dein Societátem Filiárum Dóminæ Nostræ cóndidit, exémplo Societátis Iesu, ad puellárum christiánam institutiónem fovéndam.

9*. Romæ, beáti Nicolái Saggio de Langobárdis, religiósi ex Ordine Minimórum, qui ianitóris offício humíliter sanctéque functus est.

10*. Genestáni in Látio, beáti Stéphani Bellesini, presbýteri ex Ordine Sancti Augustíni, qui tempóribus calamitósis Ordini turbáto fidélis permánsit, puerórum institutióni, prædicatióni atque pastoráli curæ déditus.

11. Hanóii in Tunquíno, sancti Ioánnis Theóphanis Vénard, presbýteri e Societáte Parisiénsi Missiónum ad éxteras gentes et mártyris, qui, post sex annos clandestíni ministérei labóribus et angústiis afféctos, in cávea inclúsus læto ánimo sub imperatóre Tu Dúc cápitis damnátus martýrio obviávit.

12*. Dernáchi in Rhenánia Germániæ, beátæ Maríæ Catharínæ Kasper, vírginis, quæ Institútum Páuperum Ancillárum Iesu Christi fundávit, ut Dómino in paupéribus servírent.

13*. Medioláni in Itália, beáti Andréæ Cároli Ferrari, epíscopi, qui tradítionem religiósam gentis suæ excóluit et novas apéruit vias, quibus in mundo Christus et Ecclésiæ cáritas cognosceréntur.

14*. Verónæ in Itália, beátæ Maríæ Domínicæ Mantovani, vírginis, quæ Institúto Parvárum Sorórum a Sacráta Família, quod una cum beáto Iosépho Nascimbeni, presbýtero, fundávit, uti prima antístita práefuit, paupéribus, órphanis ægrotísque in humilitáte vitæ pro Christi dilectióne insérviens.  

 

Die 3 februárii
Tértio Nonas februárii. Luna:

3. Hierosólymæ, commemorátio Sanctórum Simeónis et Annæ, qui, alter senex iustus ac timorátus, áltera vídua ac prophetíssa, Iesum infántem, cum in templum indúctus esset, ut secúndum consuetúdinem legis præsentarétur, Messíam et Salvatórem, beátam spem et redemptiónem Isræl salutáre meruérunt.

4. Carthágine, sancti Celeríni, lectóris et mártyris, qui in cárcere nervo, ferro variísque poenis invícte Christum conféssus est, vestígia sequens Celerínæ áviæ suæ iamprídem martýrio coronátæ, Lauréntíi pátrui Ignatiíque avúnculi, qui, quondam in castris militántes, sed póstea veri Dei mílites, palmas et corónas Dómini gloriósa passióne impetravérunt.

5*. Pictávii in Aquitánia, sancti Leónii, presbýteri, qui sancti Hilárii discípulus fuísse tráditur.

6. Vapínci in Província Gálliæ, Sanctórum Terídii et Remédii, episcopórum.

7. Lugdúni in Gállia, sancti Lupicíni, epíscopi, témpore vandálicæ persecutiónis.

8*. In monastério Cellénsi in Hannónia, sancti Adelíni, presbýteri et abbátis.

9*. Céstriæ in Mércia Angliæ, sanctæ Werebúrgæ, abbátissæ Eliénsis, quæ plura fundávit ascetéria.

10*. Merbécæ in Brabántia, sanctæ Berlíndis, vírginis, quæ religiósam vitam paupertátis et caritátis hac in civitáte duxit.

11*. In monastério Cisterciénsi Frigidimóntis in pago Gálliæ Bellovacénsi, commemorátio beáti Helinándi, mónachi, qui, olim céleber citharóedus vagans, dein vitam húmilem et abscónditam in claustro elégit.

12*. Londínii in Anglia, beáti Ioánnis Nelson, presbýteri e Societáte Iesu et mártyris, qui Elísabeth regínæ Primæ suprémam potestátem in spiritálibus negávit ideóque cápite damnátus Tybúrni suspéndio occúbuit.

13. Lugdúni in Gállia, sanctæ Maríæ a Sancto lgnátio (Claudínæ) Thévenet, vírginis, quæ caritáte permóta et forti ánimo Congregatiónem Sorórum Iesu et Maríæ fundávit ad iúvenes, præsértim páuperes, christiáne instituéndas.

14*. Burgi Andéoli in pago Vivariénsi Gálliæ, beátæ Maríæ Annæ Rivier, vírginis, quæ, eo ipso témpore gállicæ perturbatiónis, quo omnes religiósi Ordines ac Congregatiónes extinguebántur, Congregatiónem Sorórum a Præsentatióne Maríæ instítuit ad Christi plebem in fíde erudiéndam.

15*. In vico Steyl in Nederlándia, beátæ Maríæ Hélenæ Stollenwerk, vírginis, quæ párticeps fuit beáto Arnóldo Janssen in Congregatióne Missionariárum Servárum Sancti Spíritus fundánda atque, offício antístitæ depósito, in adorátiónem perpétuam ánimun inténdit.

Die 4 februárii 
Prídie Nonas februárii. Luna:  

1. Romæ ad Catacúmbas via Appia, sancti Eutýchii, mártyris, qui, insómniis et fame diu multátus demúmque in bárathrum proiéctus, pro Christi fíde ómnia vicit crudélia iussa tyránni.

2. Perge in Pamphýlia, sanctórum Pápiæ, Diodóri et Claudiáni, mártyrum.

3. Alexandríæ in Ægýpto, pássio sanctórum mártyrum Philéæ, epíscopi, et Philorómi, tribúni mílitum, qui, témpore persecutiónis Diocletiáni imperatóris, cum a cognátis et amícis movéri non possent, ut sibi párcerent, ambo, datis cervícibus, palmas a Dómino meruérunt.

4. Pelúsii item in Ægýpto, sancti Isidóri, presbýteri, qui, doctrína conspícuus, mundum et divítias spernens, vitam Ioánnis Baptístæ in desérto hábitu monástico indúto imitári máluit.

5*. Castellodúni prope Carnútum in Gállia, tránsitus sancti Aventíni, epíscopi, qui ántea sedem Carnuténsem ténuit.

6. Trecis in Gállia Lugdunénsi, sancti Aventíni, qui fámulus sancti Lupi epíscopi habétur.

7. Moguntiáe in Francónia Germániæ, sancti Rabáni, cognoménto Mauri, epíscopi, qui, e mónacho Fuldénsi ad sedem Moguntínam eléctus, quidquid ad honórem Dei fácere posset numquam prætermísit, sciéntia vere perítus, elóquio disértus et accéptus Deo póntifex.

8*. Constantinópoli, sancti Nicolái Studítæ, mónachi, qui, ob cultum sacrárum Imáginum sæpe in exsílium eiéctus, tandem hegúmenus monastérii Studítæ efféctus in pace quiévit.

9. Sempringhámiæ in Anglia, sancti Gilbérti, presbýteri, qui, Eugénio papa Tértio confirmánte, Ordinem monásticum fundávit, in qua dúplicem impósuit vitæ disciplínam, nempe moniálibus Régulam sancti Benedícti, cléricis vero Régulam sancti Augustíni.

10. Biturígis in Aquitánia, sanctæ Ioánnæ de Valois, quæ, Gálliæ regína, vínculo matrimónii cum Ludovíco rege Duodécimo nullo declaráto, ad Deum confúgit, singulári pietáte Crucem excóluit et Ordinem Sanctíssimæ Annuntiatiónis beátæ Maríæ Vírginis fundávit.

11*. Dunélmi in Anglia, beáti Ioánnis Speed, mártyris, qui, sub Elísabeth regína Prima propter auxílium sacerdótibus práestitum cápite damnátus, martýrii corónam méruit.

12. Amatríce in Aprútio, sancti Ioséphi de Leonéssa, presbýteri ex Ordine Fratrum Minórum Capuccinórum, qui Constantinópoli christiános captívos sustentávit et, dire perpéssus quad Evangélium usque in palátium sultáni prædicáverat, in pátriam revérsus cura páuperum enítuit.

13. In loco Oriur in regno Maravénsi in India, sancti Ioánnis de Brito, presbýteri e Societáte Iesu et mártyris, qui, cum vitam et consuetúdinem ascetárum illárum pártium effíngens multos ad fídem convertísset, glorióso martýrio coronátus est.

Die 5 februárii 
Nonis februárii. Luna:    

2. In Ponto, commemorátio plurimórum sanctórum mártyrum in persecutióne Maximiáni imperatóris, qui, álii plumbo liquénti perfúsi, álii acútis arundínibus in únguibus cruciáti ac multis vexáti iterátis torméntis, palmas a Dómino et corónas illústri pássione meruérunt.

3. Viénnæ in Gállia Lugdunénsi, sancti Avíti, epíscopi, cuius fíde et indústria, témpore Gundobáldi regis, ab infestatióne ariánæ háeresis Gálliæ defénsæ sunt.

4. Sebanáe in Ráetia, sancti Ingenuíni, qui primus huius sedis fuit epíscopus.

5*. In Lucánia, sancti Lucæ, abbátis sub institútis sanctórum orientálium, qui actuósam vitam monásticam primum in Sicília, pátria sua, dein Saracenórum irruptiónum causa váriis in locis duxit, demum in monastério Carbonénsi Sanctórum Elíæ et Anastásii prope Arméntum ab ipso cóndito óbiit.

6*. Romæ in monastério Sancti Cæsárii, sancti Sabæ, Iunióris nuncupáti, mónachi, qui cum fratre sancto Macário per Calábriam et Lucániam témpore vastatiónum Saracenórum vitam cænobíticam indefésse diffúdit.

7. Brixínæ in pago Tridentíno, commemorátio sancti Albuíni, epíscopi, qui e Sebána hanc in civitátem episcopálem cáthedram tránstulit.

8*. Colóniæ Agrippínæ in Lotharíngia, sanctæ Adalhéidis, primæ monastérii Vilicénsis abbátissæ, in quod Régulam sancti Benedícti introdúxit, dein étiam monastérii Sanctæ Maríæ Coloniénsis, ubi decéssit.

9. Nagasákii in Iapónia, pássio sanctórum Pauli Miki et vigínti quinque sociórum, mártyrum, quorum memória eras ágitur.

10*. Valle Guidónis in Gállia, beátæ Francíscæ Mézière, vírginis et mártyris, quæ púeris instituéndis et ægrótis curándis se trádidit et témpore gállicæ perturbatiónis in ódium fídei interémpta est.

11*. Romæ, beátæ Elísabeth Canori Mora, matrisfamílias, quæ diu infídelitáte cóniugis, angústias economicas et crudéles propinquórum moléstias perpéssa, ómnia invícta cum caritáte ac patiéntia sústulit, pro peccatórum convérsióne, salúte, pace ac sanctitáte Dómino vitam ófferens et in Tértium Ordinem Sanctíssimæ Trinitátis se ággregans.

12. In loco Valtiervílla in México, sancti Iesu Méndez, presbýteri et mártyris, qui pro Christi regno occúbuit in persecutióne mexicána.

Die 6 februárii 
Octávo Idus februárii. Luna:  

2. Arvérnæ in Aquitánia, sancti Antoliáni, mártyris.

3. Emesæ in Sýria, commemorátio sancti Silváni, epíscopi, qui, cum eídem Ecclésiæ annos quadragínta præfuísset, tandem, sub Maximíno imperatóre, una cum Luca diácono et Mócio lectóre feris obiéctus martýrii palmam accépit.

4. Cæsaréæ in Cappadócia, Sanctórum Dorothéæ, vírginis, et Theóphili, scholástici, mártyrum.    

 

5*. Ardáchæ in Hibérnia, sancti Melis, epíscopi.

6. Atrébati in Gállia Bélgica, sancti Vedásti, epíscopi, qui a sancto Remigío, Reménsi epíscopo, in urbem vastátam missus, Clodovéum regem catechizávit, Ecclésiam restitútam annos círciter quadragínta rexit et apud pópulos adhuc pagános huius regiónis evangelizatiónis opus perfécit.

7. Elnóne item in Gállia Bélgica, deposítio sancti Amándi, epíscopi Traiecténsis ad Mosam, qui multas per Províncias seu gentes ad Slavos usque verbum Dei annuntiávit tandémque in monastério, quod exstrúxerat, mortálem vitam absólvit.

8*. In pago Tungrénsi in Brabántia Austrasiáe, sanctæ Renuláe seu Reiníldis, abbátissæ monastérii Eikénsis.

9. Prænéste in Látio, sancti Guaríni, epíscopi, vitæ austeritáte et amóre Páuperum præclári.

10*. Scaræ in Suécia, sancti Brinólfi Algotsson, epíscopi, navitáte pro Ecclésia et sciéntia conspícui.

11*. Angris prope Salérnum in Campánia Itáliæ, beáti Alphónsi Maríæ Fusco, presbýteri, qui, ministério inter agrícolas déditus, institutióni iúvenum, præsértim Páuperum orphanorúmque, semper consúluit et Congregatiónem Sorórum a Sancto Ioánne Baptísta fundávit.

12*. Neápoli in Campánia, beáti Ángeli de Fúrcio, presbýteri ex Ordine Sancti Augustíni, zelo regni Dei insígnis.

13*. In loco Rivolta d’Adda pagi Creménsis in Itália, beáti Francísci Spinelli, presbýteri, qui inter vexatiónes et diutúrnas difficultátes patiénter tolerátas Congregatiónem Sorórum ad adorándum Sanctíssimum Sacraméntum fundávit et rexit.

14. In civitáte Durángo in México, sancti Mattháei Correa, presbýteri et mártyris, qui, persecutióne contra Ecclésiam sæviénte, secréta in confessiónibus audíta reveláre iussus recusávit, quaprópter martýrii corónam suscépit.

Die 7 februárii
Séptimo Idus februárii. Luna:   

1. Nolæ in Campánia, sancti Máximi, epíscopi, qui témpore persecutiónis Ecclésiam huius civitátis rexit et longo perfunúctus ævo in pace óbiit.

2. Lámpsaci in Hellespónto, sancti Parthénii, epíscopi, qui, témpore Constantíni imperatóris, prædicatióne et exémplo vitæ fídem propagavísse tráditur.

3. In iugis montis Sina, sancti Móysis, qui primum in erémo vitam solitáriam duxit, deínde, Máuvia Saracenórum regína peténte epíscopus ordinátus, gentes ferocíssimas in pace compósuit et vitam christianórum illáesam custodívit.

4. Floréntiæ in Etrúria, sanctæ Iuliánæ, víduæ.

5*. Sipónti in Apúlia, sancti Lauréntii, epíscopi.

6. Lucæ in Etrúria, deposítio sancti Richárdi, patris sanctórum Willibáldi et Waldbúrgis, qui ab Anglia cum fíliis Romam peregrínans in itínere óbiit.

7. Soterióne in Phócide, sancti Lucæ Iunióris, eremítæ.

8*. Múciæ in Picéno Itáliæ, beáti Riccérii, qui inter sancti Francísci primáevos et caríssimos discípulos fuit.

9*. Asísii in Umbria, beáti Antónii de Stroncónio, religiósi ex Ordine Fratrum Minórum.

10*. Londínii in Anglia, beáti Thomæ Sherwood, mártyris, qui, vestiárii negotiátor, ad sacerdótium Duáci se iam destináverat, cum ad ægrotánti et seni patri assidéndum Londínium pétiit, ubi apprehénsus, dum in via deambulábat, ad martýrium ductus est, sub Elísabeth regína Prima.

11*. Albenáci in Vivariénsi Gálliæ Província, beatórum mártyrum Iacóbi Salès, presbýteri, et Guliélmi Saultemouche, religiósi, e Societáte Iesu, qui, prædicatióne sua pópulum Cathólica fíde corroborántes, post urbem a dissidéntibus captam, die domínica pro eádem fíde Coram pópulo trucidáti sunt.

12. Neápoli in Campánia, sancti Ægídii Maríæ a Sancto Ioseph (Francísci) Pontillo, religiósi ex Ordine Fratrum Minórum, qui cotídie per vias civitátis humíllime stipem a pópulo emendicábat, ínvicem verba consolatiónis réddens.

13. In civitáte Ciamscianénsi Provínciæ Sinárum Hunanénsis, sancti Ioánnis de Trióra (Francísci Maríæ) Lantrua, presbýteri ex Ordine Fratrum Minórum et mártyris, qui, post diutúrnos sævi cárceris cruciátus, láqueo suffocátus est.

14*. Parísiis in Gállia, beátæ Rosáliæ (Ioánnæ Maríæ) Rendu, vírginis e Puéllis a Caritáte, quæ, in domo quadam in paupérrima illíus urbis regióne constitúta, quam refúgium fecit egenórum, omni stúdio enísa est, ut páuperes in ipsis eórum domicíliis visitáret, pacem témpore bellórum civílium conciliáret et multos, máxime iúvenes et dívites, ad exercítium caritátis suscitáret.

15*. Ibídem, beátæ Maríæ a Providéntia (Eugéniæ) Suæt, vírginis, quæ Institútum Sorórum ad auxiliándas ánimas in Purgatório degéntes fundávit.

16*. Romæ, beáti Pii papæ Noni, qui, veritátem Christi, cui ab imo adháesit, plane proclámans, multas instítuit sedes episcopáles, cultum beátæ Maríæ Vírginis promóvit et Concílium Ecuménicum Vaticánum Primum ascívit.

17*. In loco Pont de Molins prope Gerúndam in Hispánia, beatórum mártyrum Ansélmi Polanco, epíscopi Terulénsis, et Philíppi Ripoll, presbýteri, qui, blandítiis ac minis contémptis, a fídelitáte erga Ecclésiam mínime lapsi sunt.

18*. Prope Cracóviam in Polónia, beáti Adalbérti Nierychlewski, presbýteri e Congregatióne Sancti Michaélis et mártyris, qui, e Polónia sub militáre régimen humánæ dignitáti ac religióni infénsum redácta in campum exitíi Oświęcim seu Auschwitz propter Christi fídem deportátus, torméntis excruciátus occúbuit.

19*. In campo deténtiónis óppidi Angarsk in Sibiriána Rússiæ Província, beáti Petri Verhun, presbýteri et mártyris, qui, témpore persecutiónis erga religiónem, morte fídeli vitam ætérnam consecútus est.

Die 8 februárii
Sexto Idus februárii. Luna:       
 

3. Alexandríæ in Ægýpto, commemorátio sanctæ Coínthæ, mártyris, quam pagáni sub Décio imperatóre ad idóla perducéntes adoráre cogébant; quod cum illa éxsecrans recusáret, pedes eius vínculis innexuérunt eámque trahéntes sic vinctam per platéas civitátis horréndo supplício discerpsérunt.

4. Pápiæ in Ligúria, sancti Iuvéntii, epíscopi, qui strénue pro Evangélio laborávit.

5. Commemorátio Sanctórum mártyrum monachórum monastérii Dii Constantinópolitani, qui, ob fídei Cathólicæ defensiónem, cum lítteras sancti Felícis papæ Tértii advérsus Acácium tulíssent, diríssime cæsi sunt.

6*. In Británnia Minóre, sancti Iacúti, abbátis, qui, frater sanctórum Winwalóei et Guethnóci hábitus, monastérium prope mare cóndidit, ipsíus nómine póstea vocátum.

7. Medioláni in Langobárdia, deposítio sancti Honoráti, epíscopi, qui, Langobardórum ímpetu imminénte, pópuli magnam partem Génuam confúgiens servávit.

8*. Vesontióne in Burgúndia, sancti Nicétii, epíscopi.

9. Virodúni in Gállia, sancti Pauli, epíscopi, qui, mónachus efféctus, dein ad Ecclésiam Virodunénsem evéctus, divíni cultus decus et canonicórum vitam regulárem promóvit.

10*. Albáni in Látio, beáti Petri, cognoménto Ignei quia per ignem illáesus transívit, mónachi Vallis Umbrósæ et mox epíscopi Albanénsis, qui ad disciplínam Ecclésiasticam restituéndam indesinénter incúbuit.

11. Apud Murétum in pago Aquitániæ Lemovicénsi, sancti Stéphani, abbátis, qui, Ordinis Grandimonténsis institútor, divínas laudes et contemplátionem cléricis, temporálem vero curam solis frátribus láicis caritáte commísit geréndam.

 

12*. Savóne in Subalpínis Itáliæ, beátæ Ioséphínæ Gabriélæ Bonino, vírginis, quæ sub lúminæ Sanctæ Famíliæ Nazarethánæ Congregatiónem religiósam fundávit ad órphanos educándos necnon paupéribus infírmis assidéndum.

Die 9 februárii
Quinto Idus februárii. Luna:     

1. Alexandríæ in Ægýpto, commemorátio sanctæ Apollóniæ, vírginis et mártyris, quæ post multa ac crudélia persecutórum torménta, cum ímpia verba proférre recusavísset, flammis se dari máluit quam a fíde defícere.

2. Item Alexandríæ, pássio  plurimórum Sanctórum mártyrum, qui ab ariánis, dum in ecclésia synáxim agébant, divérso mortis génere interémpti sunt.

3. Lemelléfæ in Africa, commemorátio Sanctórum Primi et Donáti, diaconórum et mártyrum, qui in tutándo altári in Ecclésia item ab hæréticis occísi sunt.

4. In monte prope Apaméam in Sýria, sancti Marónis, eremítæ, veheménti pæniténtiæ et interióri vitæ magnópere déditi, apud cuius sepúlcrum célebre eréctum est monastérium, unde nátio póstea ipsíus nómini ascrípta oríginem duxit.

5*. In monastério Landaviénsi Cámbriæ, sancti Teliávi, epíscopi et abbátis, cuius exímios labóres multæ Ecclésiæ tam in Cámbria et Cornúbia quam in Armórica célebrant.

6. Canúsii in Apúlia, sancti Sabíni, epíscopi, qui amícus fuit sancto Benedícto et Constantinópolim Románæ sedis legátús missus est, ut rectam fídem ab hǽresi monophysíta defénderet.

7. Altomónte super Sambram in Hannónia, tránsitus sancti Ansbérti, qui fuit abbas Fontanellénsis et póstea epíscopus Rothomagénsis, in exsílium a Pippíno príncipe relegátus.

8*. In Bavária, commemorátio sancti Altónis, abbátis, qui, ex Hibérnia oriúndus, in silva huius regiónis monastérium exstrúxit, ipsíus nómine póstea vocátum.

9*. Nucériæ in Umbria, sancti Raináldi, epíscopi, iam mónachi Camaldulénsis Fontis Avellánæ, qui, episcopále munus exércens, monásticæ vitæ hábitum tenáciter retínuit.

10*. Primiliáni ad Mare prope Barcinónem in Hispánia, sancti Michaélis (Francísci Aloýsii) Febres Cordero, religiósi e Frátribus Scholárum Christianárum, qui in urbe Concha in Æquatória quadragínta fere annos litterárum stúdia promóvit, deínde in Hispánia símplici ánimo ad perféctam observántiam régulæ se cóntulit.

Die 10 februárii        
Quarto Idus februárii. Luna:

2. Magnésiæ in Província Asiæ, Sanctórum Chalarámpi, Porphýrii, Daucti et trium mulíerum, mártyrum sub Septímio Sevéro imperatóre.

3. Romæ via Labicána miliário décimo ab Urbe, Sanctórum Zótici et Amántii, mártyrum.

4. Iuxta Tarracínam in Campánia, sancti Silváni, epíscopi.

5. Apud Sántonas in Aquitánia, sancti Troiáni, epíscopi.

6*. Vesontióne in Burgúndia, sancti Prothádii, epíscopi.

7. In pago Rothomagénsi Néustriæ, sanctæ Austrebértæ, vírginis et abbátissæ, quæ monastério Pauliacénsi nuper a sancto Audóeno epíscopo fundáto pie práefuit.

8. In spelúnca Stábulo Rhodis apud Rosétum in Etrúria, sancti Guliélmi, eremítæ Malavallénsis, e cuius exémplo plures oríginem dúxerunt eremitárum congregatiónes.

9*. In monastério Præmonstraténsi Fossárum apud Namúrcum in Lotharíngia, beáti Hugónis, abbátis, cui magíster sanctus Norbértus, epíscopus Magdeburgénsis factus, novi Ordinis institutiónem concrédidit, quem trigínta quinque annos sapientíssime rexit.

10*. Arímini in Flamínia, beátæ Claræ, víduæ, quæ vitam ántea lascívam pæniténtia, carnis maceratióne ac ieiúniis expiávit et, sócias in monastério coadúnans, Dómino in humilitátis spíritu deservívit.

11*. Apríliaci apud Andégavum in Gállia, beatórum Petri Fremond et quinque sociárum,³ mártyrum, qui in gállica perturbatióne propter fidelitátem Ecclésiæ Cathólicæ servátam plumbis interfécti sunt.

12*. Valle Víridi de Itínere prope Onobam in Báetica regióne Hispániæ, beátæ Eusébiæ Palomino Yenes, vírginis ex Institúto Filiárum Maríæ Auxiliatrícis, quæ, humilitátis egrégium práebens exémplum, nulla pétita ostentatióne, spíritu abnegatiónis in imis munéribus suis cúlmina grátiæ accépit.

13*. In óppido Kraŝić prope Zagábriam in Croátia, beáti Aloýsii Stepinac, epíscopi Zagrebiénsis, qui doctrínis tam fídem quam humánam dignitátem denegántibus audácter óbstitit, donec, propter fidelitátem erga Ecclésiam diu in vínculis cónditus, morbo corréptus atque inédia consúmptus, egrégium consummávit episcopátum.

Die 11 februárii        
Tértio Idus februárii. Luna:

2. Romæ via Appia in coemetério eius nómine dicáto, sanctæ Sotéris, vírginis et mártyris, quæ, ut sanctus Ambrósius refert, nobilitáte paréntum honoribúsque fídei posthábitis, nec immoláre iussa acquiévit, nec servílibus cæsa contuméliis vultum infléxit, nec gládiis damnáta mortem abhórruit.

3. Commemorátio plurimórum Sanctórum mártyrum, qui in Numídia in persecutióne Diocletiáni imperatóris comprehénsi sunt et, cum divínas Scriptúras contra imperatóris edíctum trádere noluíssent, crudélibus supplíciis excruciáti occubuérunt.

4. Voltúrni in Campánia, sancti Castrénsis, mártyris.

5*. In Apúlia, sancti Secúndini, epíscopi.

6. In Castro Laudónis in Gállia, sancti Severíni, abbátis Agaunénsis.

7. Romæ apud sanctum Petrum, deposítio sancti Gregórii papæ Secúndi, qui, calamitósis tempóribus Leónis imperatóris Isáurici, Ecclésiam cultúmque sacrárum Imáginum deféndit et sanctum Bonifátium ad Evangélium in Germániam prædicándum misit.

8. Ibídem, deposítio sancti Paschális papæ Primi, qui plúrima Sanctórum mártyrum e cryptis levávit córpora, quæ véneratiónis afféctu transférre vóluit et in divérsis Urbis ecclésiis honorífice collocávit.

9*. In Burgúndia, sancti Ardáni, abbátis Trenorchiénsis.

10. Chihuábure in México, sancti Petri Maldonado, presbýteri et mártyris, qui, sæviénte persecutióne, mystérium Eucharístiæ usque ad últimum colens, cápite percússus triúmphum obtinére méruit.

11*. In loco Vinaroz in Castélla Hispániæ regióne, beáti Tobíæ (Francísci) Borras Romeu, religiósi ex Ordine Hospitalário Sancti Ioánnis a Deo et mártyris, qui persecutiónis témpore in ódium fídei gloriósum certámen consummávit.

Die 12 februárii        
Prídie Idus februárii. Luna:       

1. Carthágine, commemorátio Sanctórum mártyrum Abitinensium,⁴ qui, in persecutióne Diocletiáni imperatóris, cum contra interdíctum príncipis ad domínicum ex more celebrándum conveníssent, a magistrátibus colóniæ et stationário mílite apprehénsi sunt et, Cartháginem deláti atque ab Anulíno procónsule interrogáti, se omnes étiam per torménta christiános conféssi sunt, sacrifícium Dómini intermítti non posse declarántes; quaprópter váriis in locis tempóribusque beátissimum sánguinem profudérunt.

2. Commemorátio sancti Melétii, epíscopi Antiochéni, qui ob fídem nicáenam sæpe exsílio afféctus est et mox Concílio Ecuménico Constantinopolitáno Primo práesidens ad Dóminum migrávit; cuius ⁴ virtútes sancti Gregórius Nyssénus et Ioánnes Chrysóstomus summis láudibus celebrárunt.

3. In monastério Sancti Cornélii ad Indam in Germánia, tránsitus sancti Benedícti, abbátis Anianénsis, qui Régulam sancti Benedícti propagávit, mónachis consuetúdines observándas trádidit et in litúrgia romána instauránda multum laborávit.

4. Constantinópoli, sancti Antónii, cognoménto Cauléæ, epíscopi, qui, Leónis imperatóris Sexti témpore, eníxe conténdit, ut pax et únitas in Ecclésia firmaréntur.

5*. In monastério Iuliacénsi in agro Gálliæ Trecénsis, beátæ Humbelínæ, eiúsdem coenóbii prioríssæ, quæ, a fratre germáno sancto Bernárdo abbáte Claravallénsi felíciter a mundánis delíciis convérsa, cóniuge consentiénte, ad monásticam vitam se cóntulit.

6*. In vico Northeim in Alsátia ad ripam Illæ, sancti Luciáni, qui, ex Scótia oriúndus, ad límina Apostolórum iter agens ad Dóminum transívit.

7*. Londínii in Anglia, beatórum mártyrum Thomæ Hemmerford, Iacóbi Fenn, Ioánnis Nutter, Ioánnis Munden et Geórgii Haydock, presbýterorum, qui, Elísabeth regína Prima primátum in spiritálibus sibi afféctante, ob fidelitátem erga Románam Ecclésiam servátam cápite damnáti, Tybúrni adhuc spirántes evisceráti sunt.

Die 13 februárii         
Idibus februárii. Luna:    

1. Athénis in Gráecia, sancti Martíniani, qui ántea vitam eremíticam dúxerat prope Cæsaréam Palæstínæ.

2*. Cardóne ad Moséllam in território Trevirórum, sancti Cástoris Aquitáni, presbýteri et eremítæ.

3. Tudérti in Umbria, sancti Benígni, presbýteri et mártyris.

4. Lugdúni in Gállia, sancti Stéphani, epíscopi.

5. Reáte in Sabína, commemorátio sancti Stéphani, abbátis, miræ patiéntiæ viri, sicut sanctus Gregórius papa Magnus scripsit.

6*. Osnabrúgi in Saxónia Germániæ, sancti Gosbérti, epíscopi Suebórum, qui, persecutióne Paganórum e sede pulsus, Osnabrugénsem Ecclésiam suscépit regéndam.

7*. Carcassóne in Gállia Narbonénsi, sancti Guiméræ, epíscopi.

8*. Ludévræ item in Narbonénsi, sancti Fulcráni, epíscopi, misericórdia in páuperes ac divíni cultus zelo insígnis.

9*. Meldis in pago Briénsi Gálliæ, sancti Gilbérti, epíscopi.

10*. Prope Ptolemáidem in Palæstína, tránsitus beáti Iordáni de Saxónia, presbýteri ex Ordine Prædicatórum, qui sancti Domínici succéssor et imitátor, summo stúdio Ordinem dilatávit et in naufrágio óbiit.

11*. Spoléti in Umbria, beátæ Christínæ (Augustínæ) Camozzi, quæ, post cóniugis mortem, concupiscéntiæ carnis aliquándo indúlsit, sed mox in Ordine sæculári Sancti Augustíni pæniténtem vitam elégit oratióni et ægrotórum pauperúmque servítio déditam.

12*. Patávii in Venétia, beátæ Eustóchii (Lucrétiæ) Bellini, vírginis ex Ordine Sancti Benedícti.

13. In loco Dongjiaochang apud urbem Lezhi in Província Sichuan Sinárum, sancti Pauli Liu Hanzuo, presbýteri et mártyris, ob christiánum nomen stranguláti.

14. In civitáte Thi-Nghé in Cocincína, sancti Pauli Lê-Vǎn-Lôk, presbýteri et mártyris, qui sub imperatóre Tu Đức ad portam civitátis pro Christo decollátus est.

Die 14 februárii        
Sexto décimo Kalendas mártii. Luna:

2. Romæ via Flamínia iuxta pontem Mílvium, sancti Valentíni, mártyris.

3. Apud Spolétum in Umbria, sancti Vitális, mártyris, quem serváta fídes et imitátio Christi sacravérunt.

4. Romæ in coemetério Prætextáti via Appia, sancti Zenónis, mártyris.

5. Alexandríæ in Ægýpto, commemorátio sanctórum mártyrum Bassiáni, Tonióni, Proti, Lúcii, qui in mare missi sunt, Cyriónis presbýteri, Agathónis exorcístæ, Móysis, qui igne combústi sunt, Dionýsii et Ammónii, qui gládio cæsi ad ætérnam adivérunt glóriam.

6. Ravénnæ in Flamínia, sancti Eleuchádii, epíscopi.

7. In monte Scopa in Bithýnia, sancti Auxéntii, presbýteri et archimandrítæ, qui in prominénti loco tamquam supra cáthedram collocátus fídem chalcedonénsem voce virtútis propugnávit.

8*. Commemorátio sancti Nostriáni, epíscopi Neapolitáni.

9. Apud Surréntum in Campánia, sancti Antoníni, abbátis, qui, monastério a Langobárdis vastáto, in solitúdinem secéssit.

10. Córdubæ in Hispánia, sancti Ioánnis Baptístæ a Conceptióne García, presbýteri ex Ordine Sanctíssimæ Trinitátis, qui Ordinis renovatiónem aggréssus est, quam summa cum navitáte inter graves labóres ac sævas ærúmnas sustínuit.

11*. Valéntiæ in Hispánia, beáti Vincéntii Vilar David, mártyris, qui in persecutióne religiósa sacerdótes ac religiosás domo sua recépit et mori máluit quam fídem negáre.

Die 15 februárii         
Quinto décimo Kalendas mártii. Luna:

1. Commemorátio beáti Onésimi, quem sanctus Paulus Apóstolus servum fugítivum excépit et in vínculis útpote Christi in fíde Fílium génuit, sicut ipse Dómino eius Philémoni scripsit.

2. Bríxiæ in Venétia, sanctórum Faustíni et Iovítæ, mártyrum, qui, post multa certámina ob Christi fídem suscépta, victrícem martýrii corónam accepérunt.

3. Antiochíæ in Sýria, sanctórum mártyrum Isici, presbýteri, Iosíppi diáconi Románi, Zósimi, Baráli et Agápis, vírginis.

4. Arvérnæ in Aquitánia, sanctæ Geórgiæ, vírginis.

5. Vasióne in Gállia Lugdunénsi, sancti Quinídii, epíscopi.

6. In valle Interocrína Provínciæ Valériæ in Itália, sancti Sevéri, presbýteri, cuius sanctus Gregórius papa Magnus Memóriam tenet.

7. Cápuæ in Campánia, sancti Decorósi, epíscopi.

8*. Palátioli in Etrúria, sancti Walfrídi, abbátis, qui, líberis génitis quinque, cum cóniuge státuit vitam monásticam dúcere.

9*. Véxsiæ in Suécia, sancti Sigfrídi, epíscopi, qui, ex Anglia oriúndus, gentes huius regiónis summa cum sedulitáte evangelizávit et regem ipsum Olavum in Christo baptizávit.

10*. Burgi Sancti Sepúlcri in Umbria, beáti Angeli Scarpetti, presbýteri ex Ordine Eremitárum Sancti Augustíni.

11. Parédii Monachórum in Burgúndia Gálliæ, sancti Cláudii La Colombière, presbýteri e Societáte Iesu, qui, vir oratióni magnópere déditus, multos ad dilectiónem Dei firmo rectóque consílio suo diréxit.

Die 16 februárii        
Quarto décimo Kalendas mártii. Luna:         

1. In Campánia, sanctæ Iuliánæ, vírginis et mártyris.

2. Cæsaréæ in Palæstína, sanctórum mártyrum Elíæ, Ieremíæ, Isaíæ, Samuélis atque Daniélis, qui, christiáni ægýptii, cum sponte ministrássent fídei confessóribus in Cilícia ad metálla damnátis, comprehénsi et a Firmiliáno práeside, sub Galério Máximiano imperatóre, sævíssime torti, gládio demum percússi sunt. Post eos corónam martýrii accepérunt quoque Pámphilus présbyter, Valens diáconus Hierosolymitánus, et Paulus, ex Iámnia civitáte oriúndus, qui biénnium égerant in cárcere, sed et Porphýrius, Pámphili fámulus, Seléucus cáppadox, promótus in milítia, Theodúlus, senex ex família práesidis Firmiliani, tandem Iuliánus cáppadox, qui ipsa hora péregre advéniens, cum mártyrum córpora osculátus esset, ut christiánus delátus est et a práeside lento igne combúri iussus.

3. In regno Pérsico, sancti Marúthæ, epíscopi, qui, pace Ecclésiæ réddita, Concílio Seleuciénsi práefuit, Dei Ecclésias in persecutióne Sáporis regis collápsas reparávit ac relíquias mártyrum Pérsidis in civitáte episcopáli, deínceps Martyrópoli nuncupáta, cóllocans.

4*. Apud Burgum Sancti Petri in Aprútio, beátæ Philíppæ Mareri, vírginis, quæ, divítiis et sáeculi fástibus spretis, sanctæ Claræ vitæ formam nuper incéptam in pátrio loco ampléxa est.

5*. Perúsiæ in Umbria, commemorátio beáti Nicolái Paglia, presbýteri ex Ordine Prædicatórum, qui a sancto Dóminico hábitum et munus prædicatiónis accépit.

6*. AugústæTaurinórum in Itália, beáti Ioséphi Allamano, presbýteri, qui, indefésso zelo ardens, ad fídem propagándam binas suscitávit Congregatiónes Missiónum a Consoláta, virórum nempe et mulíerum.

Die 17 februárii        
Tértiodécimo Kalendas mártii. Luna:

2. Amaséæ in Hellespónto, pássio sancti Theodóri Tirónis, qui, Maximiáni imperatóris témpore, pro Christiánæ fídei  conféssióne fórtiter cæsus est et in cárcerem missus, dein ígnibus comburéndus tráditus. Ipsíus laudes sanctus Gregórius Nyssénus præcláro encómio celebrávit.

3*. Tréviris in Gállia Bélgica, sancti Bonósi, epíscopi, qui, una cum sancto Hilário Pictaviénsi, zelo ac doctrína laborávit, ut in regiónibus Gálliarum fídei  intégritas servarétur.

4. In Arménia, sancti Mesróbi, doctóris Armenórum, qui, discípulus sancti Narsétis et scriba in palátio regáli, mónachus factus, litterárum notas fínxit, ut pópulus sanctis Scriptúris instituerétur, utrúmque Testaméntum interpretátus est et hymnos aliáque cántica arména lingua compósuit.

5. In monastério Cluain Ednech vocáto in Hibérnia, sancti Fintáni, abbátis, eiúsdem coenóbii fundátoris, austeritáte célebris.

6. Commemorátio sancti Flaviáni, epíscopi Constantinópolitani, qui, cum fídem Cathólicam Ephesi defendísset, ab ímpii Dióscori factióne pugnis et cálcibus percússus est et, exsílio afféctus, brevi póstea vitam finívit.

7*. Lindisfárræ in Northúmbria, sancti Fináni, epíscopi et abbátis, doctrína atque evangelizatiónis zelo mirífice práediti.

8. Alcíaci apud Mórinos, deposítio sancti Silvíni, epíscopi.

9*. In monastério Cavénsi in Campánia, sancti Constábilis, abbátis, qui ob exímiam mansuetúdinem et caritátem in omnes operiméntum fratrum vulgo appellátus est.

10*. Racebúrgi in Holsátia Germániæ, sancti Evermódi, epíscopi, qui, discípulus sancti Norbérti in Ordine Præmonstraténsium, in convérsiónem gentis Venedórum óperam impéndit.

11*. Patávii in Venétia, beáti Lucæ Belludi, presbýteri ex Ordine Minórum, qui sancti Antónii discípulus et sócius fuit.

12. Pyeongyángre in Coréa, sancti Petri Yu Chŏng-nyul, mártyris, qui, paterfamílias, dum noctu Evangélium fidélibus congregátis in domo catechístæ perlégebat, apprehénsus est et, virgis usque ad mortem cæsus, pro Christo occúbuit.

13*. Rosícæ in Polónia, beáti Antónii Leszczewicz, presbýteri e Congregatióne Clericórum Maríanorum et mártyris, qui, témpore militáris occupatiónis illíus térræ in bello, ab Ecclésiæ persecutóribus propter Christi fídem arsus est.

Die 18 februárii        
Duodécimo Kalendas mártii. Luna:

1. In loco Bēth Lāpiit in regno Persárum, pássio  Sanctórum Sadoth, epíscopi Seleucíæ Pérsidis, atque centum vigínti et octo sociórum, mártyrum, qui, presbýteri, clérici et sacrátæ vírgines, cum solem adoráre renuíssent, in víncula coniécti sunt et, diris torméntis diutíssime perlátis, tandem ex senténtia regis trucidáti sunt.

2. Toléti in Hispánia, sancti Helládii, qui, primum aulæ régiæ publicarúmque rerum rector, abbas Agaliénsis factus est, demum ad episcopátum Toletánum evéctus caritátis suæ exémpla summópere exhíbuit.

3. Constantinópoli, sancti Tarásii, epíscopi, eruditióne et pietáte insígnis, qui Concílium Nicáenum Secúndum apéruit, in quo Patres sacrárum Imáginum cultum vindicavérunt.

4*. In monastério Céntulæ in pago Gálliæ Ambianénsi, sancti Angilbérti, abbátis, qui, offícis palatínis et militáribus postpósitis, Bertha uxóre consentiénte, quæ ipsa sacro amícta est velo, ad vitam monásticam se cóntulit et Céntulæ coenóbium felíciter rexit.

5*. Conímbriæ in Lusitánia, sancti Theotónii, qui bis Hierosólymam peregrinátus est et, custódia Sancti Sepúlcri recusáta, in pátriam revérsus Congregatiónem Canonicórum Regulárium Sanctæ Crucis instítuit.

6*. Romæ, beáti Ioánnis Fæsuláni, cognoménto Angélici, presbýteri ex Ordine Prædicatórum, qui, Christo semper adháerens, quod intus contemplabátur ita in pictúris expréssit, ut ad supérna hóminum extólleret mentes.

7*. Londínii in Anglia, beáti Guliélmi Harrington, presbýteri et mártyris, qui, e comitátu Eboracénsi oriúndus, sub Elísabeth regína Prima ob sacerdótium accéptum atque in Anglia proféssum cápite damnátus, Tybúrni corónam martýrii consecútus est.

8*. Apud Londínium item in Anglia, beáti Ioánnis Pibush, presbýteri et mártyris, qui plúries ac diu in cárcere cónditus, dein sub eádem regína propter sacerdótium cápite damnátus, Southvárci láqueo suspénsus est ferróque exenterátus.

9. In urbe Uciaménsi Provínciæ Hubei in Sinis, sancti Francísci Régis Clet, presbýteri e Congregatióne Missiónis et mártyris, qui trigínta annos inter máximas ærúmnas Evangélium nuntiávit, quaprópter post acérbam captivitátem, ab apóstata decéptus, ob christiánum nomen strangulátus est.

10. In civitáte Guizhou item in Sinis, sancti mártyris Ioánnis Petri Neel, presbýteri e Societáte Missiónum Parisiénsi ad éxteras gentes, qui, eo quod fídem prædicavísset accusátus, ad equi caudam alligátus et veheménti cursu tractus, omni génere ludibriórum poenísque afféctus, tandem abscísso cápite occúbuit. Cum eo supplícium passi sunt et sancti mártyres Martínus Wu Xuesheng, catechísta, Ioánnes Zhang Tianshen, neóphytus, et Ioánnes Chen Xianheng.

11*. Bérgomi in Itália, beátæ Gertrúdis (Catharínæ) Comensoli, vírginis, quæ ad adorándum Sanctíssimum Sacraméntum et iuventútem instituéndam Religiosárum Congregatiónem fundávit.

12*. Rosícæ in Polónia, beáti Geórgii Kaszyra, presbýteri e Congregatióne Clericórum Maríanorum et mártyris, qui, bello sæviénte, a fídei persecutóribus flammis interémptus pro Christo Dómino occúbuit.

Die 19 februárii        
Undécimo Kalendas mártii. Luna:      
 

1. Neápoli in Campánia, deposítio sancti Quodvultdéus, epíscopi Cartháginensis, qui una cum clero a Genseríco rege ariáno in exsílium eiéctus et obsolétis in návibus sine velis nec Remígiis impósitus, præter spem Neápolim áppulit ibíque conféssor fídei  occúbuit.

2. Commemorátio Sanctórum monachórum et aliórum mártyrum, qui in Palæstína a Saracénis, Alamundúro duce, ob Christi fídem sævíssime cæsi sunt.

3. Medioláni in Langobárdia, sancti Mansuéti, epíscopi, qui advérsus monothelitárum heáresim strénue pugnávit.                 

4. Apud Benevéntum in Campánia, sancti Barbáti, epíscopi, qui Langobárdos eórumque ducem ad Christum convertísse fertur.

5*. In monastério Vabrénsi in pago Ruthenénsi Aquitániæ, sancti Geórgii, mónachi.

6*. Bisiniáni prope Conséntiam in Calábria, sancti Procli, mónachi, qui, exímia práeditus doctrína, aráldus fuit monásticæ convérsatiónis.

7*. Cámeræ iuxta Bruxéllas in Brabántia, deposítio beáti Bonifátii, quondam epíscopi Lausannénsis, qui apud moniáles Cisterciénses loci ascéticam vitam exégit.

8*. Neti in Sicília, beáti Conrádi de Placéntia Confalonieri, eremítæ e Tértio Ordine Sancti Francísci, qui, sæculáribus ludis abiéctis, aspérrimum vitæ genus quadragínta prope annos in assídua oratióne et pæniténtia prosecútus est.

9*. Córdubæ in Vandalícia Hispániæ regióne, commemorátio beáti Alvári, presbýteri ex Ordine Prædicatórum, prædicatióne et Passiónis Domínicæ contemplatióne conspícui.

10*. Mántuæ in Langobárdia, beátæ Elísabeth Picenardi, vírginis, quæ sub hábitu Ordinis Servórum Maríæ in patérna domo vitam Deo sacrátam egit, ad sacram communiónem assídue accédens atque in Litúrgiam Horárum Scripturarúmque meditatiónem eníxe incúmbens, Virgini Maríæ devótissima.

11. In loco Kaiyang apud Mianyang in Sinárum Sichuan província, sanctæ Lúciæ Yi Zhenmei, vírginis et mártyris, quæ ob cathólicæ fídei confessiónem ad decollátiónem damnáta est.

12*. Intra castra deténtiónis Dacháni prope Monáchium Bavariáe in Germánia, beáti Ioséphi Zaplata, religiósi e Congregatióne Sacratíssimi Cordis Iesu et mártyris, qui, e Polónia pátria vi in atrócem propter fídem datus custódiam, morbo corréptus martýrium consummávit.   

Die 20 februárii        
Décimo Kalendas mártii. Luna:

1. Alexandríæ, commemorátio sancti Serapiónis, mártyris, qui, sub Décio imperatóre, ita crudelíssimis afféctus est suppíciis, ut cunctæ ei iunctúræ membrórum prius frangeréntur, póstea ipse de superióribus domus suæ locis præcipitarétur.

2. Commemorátio beatórum quinque mártyrum, qui, sub Diocletiáno imperatóre, Tyri in Phoenícia occísi sunt; primo quidem flagris toto córpore dilaniáti, inde denudáti et in arena pósiti ac divérsis bestiárum genéribus tradíti, firmam atque immóbilem in iuvenílibus corpóribus constántiam præbuérunt; ex his unus præsertim, nondum vigínti annos natus, nullis constríctusvínculis, brachiis in crucis modum expánsis, preces ad Deum fundébat; omnes vero a béstiis ante irritátis incólumes, gládio tandem occísi sunt.

3. Antiochíæ in Sýria, commemorátio sancti Tyranniónis, epíscopi Tyri et mártyris, qui, inde a prima ætáte fíde christiána erudítus, únguibus férreis lacerátus cum presbýtero Zenóbio, láuream adéptus est.

4. Tornáci in Gállia Bélgica, sancti Eleuthérii, epíscopi.

5. Sancti Trudónis Fani in Brabántia Austrasiáe, tránsitus sancti Euchérii, epíscopi Aurelianénsis, qui, a Cárolo Martéllo duce propter invidórum calúmnias ad exsílium coáctus, pium refúgium inter mónachos invénit.

6. Cátanæ in Sicília, sancti Leónis, epíscopi, qui Páuperum curæ summópere cavit.

7*. In loco Aljustrel prope Fátimam in Lusitánia, beátæ Hyacínthæ Marto, quæ, quamvis puélla adhuc esset téneræ ætátis, perníciem morbi, quo affécta erat, patiénter pértulit et devótiónem in beátam Maríam Vírginem omni stúdio testata est.

8*. In loco Stutthof prope Gedánum in Polónia, beátæ Iúliæ Rodzínska, vírginis e Congregatióne Sorórum Sancti Domínici et mártyris, quæ, pátria in bello vastáta, in campum deténtiónis trusa est, ubi letáli morbo affécta ad glóriam cæléstem pervénit.

Die 21 februárii        
Nono Kalendas mártii. Luna:    

2. Commemorátio sancti Eustátii, epíscopi Antiochéni, qui, doctrína célebris, sub Constántio imperatóre ariáno ob Cathólicæ fídei defensiónem Traianópolim Thráciæ in exsílium pulsus, ibídem in Dómino requiévit.

3*. In monastério Grandivallénsi apud Helvétios, sancti Germáni, abbátis, qui, cum áccolas monastérii a manípulo prædatórum laniátos pacíficis verbis defendére voluísset, vestiméntis spoliátus et láncea perfóssus una cum sancto Randoáldo mónacho occúbuit.

4*. Londínii in Anglia, beáti Thomæ Pormort, presbýteri et mártyris, qui, sub Elísabeth regína Prima propter sacerdótium in cárcere dire tortus, dein apud Sanctum Paulum suspéndii cruciátu martýrium complévit.

5. Ibídem, sancti Robérti Southwell, presbýteri e Societáte Iesu et mártyris, qui plures annos in hac civitáte et in regióne finítima ministérium implévit et cármina spiritália compósuit, usque dum, propter sacerdótium captus, eiúsdem regínæ iussu diríssime tortus est et Tybúrni láqueo martýrium consummávit.

6*. Andégavi in Gállia, beáti Natális Pinot, presbýteri et mártyris, qui, paróchus, témpore gállicæ perturbatiónis, dum ad Missam celebrándam parabátur, apprehénsus est et sacris paraméntis ludíbrii causa indútus ad patíbulum quasi ad sacrifícii altáre dedúctus est.

7*. Augústæ Taurinórum in Subalpínis, beátæ Maríæ Henricre (Annæ Catharínæ) Domínici, e Soróribus a Sancta Anna et a Providéntia, quæ Institútum trigínta annos usque ad óbitum sapiénter gessit et dilatávit.

Die 22 februárii        
Octávo Kalendas mártii. Luna:

2. Hierápoli in Phrýgia, sancti Pápiæ, epíscopi, qui, Ioánnis Senióris audítor et Polycárpi sodális, sermónes Dómini explanávit.

3. Viénnæ in Gállia Lugdunénsi, sancti Paschásii, epíscopi, eruditióne et morum sanctitáte præclári.

4. Ravénnæ in Flamínia, sancti Maximiáni, epíscopi, qui pastorále offícium fidéliter adimplévit et contra hæréticos unitátem Ecclésiæ propugnávit.

5. Favéntiæ in Flamínia, natális sancti Petri Damiáni, cuius Memória prídie huius diéi ágitur.

6*. Apud Longum Campum in subúrbia Parisiénsi in Gállia, beátæ Isabéllæ, vírginis, quæ, soror sancti Ludovíci regis Noni, regálibus núptiis ac mundi delíciis spretis, ascéterium Sorórum Minórum fundávit, quibúscum in humilitáte et paupertáte Deo famuláta est.

7. Cortónæ in Etrúria, sanctæ Margarítæ, quæ, morte Amásii veheménter commóta, iunióris ætátis máculas salutári pæniténtia detérsit et, in Tértium Ordinem Sancti Francísci excépta, ad miram rerum cæléstium contemplátionem recéssit, supérnis charismátibus a Deo exornáta.

8*. In urbe Sendaiénsi in Iapónia, beáti Dídaci Carvalho, presbýteri e Societáte Iesu et mártyris, qui, post iniúrias, cárceres et dura itínera híeme perácta, tandem in supplício aquæ gelu concrétæ intrépida fíde plúribus cum sóciis Christum conféssus est.

9*. Floréntiæ  in Etrúria, beátæ Maríæ a Iesu (Æmíliæ) d’Oultremont, quæ in Bélgio, mater quáttuor filiórum , vídua facta, mínime offícis maternis negléctis, Societati Sorórum a María Reparatrice constituendre ac regendre se trádidit et auxílio divíno confísa, non paucis superátis regritudinibus, terrénam peregrinatiónem iter ad pátriam fáciens pie conclúsit.

Die 23 februárii        
Séptimo Kalendas mártii. Luna:  

2. Apud Sirmíum in Pannónia, sancti Siréni seu Siréni, mártyris, qui, hortulánus, a mulíere quadam delátus, quam lascíviæ causa ipse increpáverat, et a iúdice reténtus, se christiánum conféssus est et, cum diis sacrificáre noluísset, abscísso cápite occúbuit.

3. Wenlóchii in Anglia, sanctæ Milbúrgæ, vírginis et monastérii loci abbátissæ, e stirpe régia Merciórum.

4*. Moguntiáe in Francónia Germániæ, sancti Willigísi, epíscopi, pastoráli zelo exímii.

5. Apud Stylum in Calábria, sancti Ioánnis, qui, mónachus factus sub orientálium Patrum institútis, Therístes seu Messor appellári méruit, quia summa erga egénos caritáte  motus messóribus adiuméntum præbére assuéverat.

6*. Flaviobrígæ in Vascónia Hispániæ, beátæ Raphaélæ de Villalónga Ybarra, quæ mater septem filiórum, cóniuge consentiénte, vota religiósa emísit et Institútum Sorórum Angelórum Custódum fundávit ad puéllas tuéndas et in viam præceptórum Dómini dirigéndas.

7*. Ad Gálliæ litus ante Rupifórtium, in navi servitútis, beáti Nicolái Tabouillot, presbýteri et mártyris, qui, paróchus, gállica perturbatióne sæviénte, propter sacerdótium deténtus est, demum in valetudinário civitátis  morbo consúmptus.

8*. Romæ, beátæ Ioséphínæ (Iudíttæ Adelhéidis) Vannini, vírginis, quæ Congregatiónem Filiárum Sancti Camílli ad infirmórum servítium fundávit.

9*. Posnániæ in Polónia, beáti Ludovíci Mzyk, presbýteri Societátis Verbi Divíni et mártyris, qui, pátria more militári a sectatóribus nefáriæ doctrínæ homínibus et fídei  infénsæ invása, a vigílibus castri trucidátus Christum ad mortem usque testátus est.

10*. In campo deténtiónis Dacháni prope Monáchium Bavariáe in Germánia, beáti Vincéntii Frelichowski, presbýteri, qui, in eádem tempestáte belli, vários in cárceres deportátus numquam a fíde vel a pastoráli múnere flexit et, in ægrótis assidéndo morbo corréptus, post longas ærúmnas ad ætérnæ pacis visiónem pervénit.

Die 24 februárii         
Sexto Kalendas mártii. Luna:    

1. Nicomedíæ in Bithýnia, pássio sancti Evétii, qui, sub Diocletiáno imperatóre, simul ac edícta advérsum cultóres Dei in faro pendére vidit, fídei  ardóre ignítus, pópulo inspectánte, iníquæ legis libéllum públice discérpsit, quaprópter omne crudelitátis genus passus est.

2. Tréviris in Gállia Bélgica, sancti Modésti, epíscopi.

3. Cantuáriæ in Anglia, sancti Ethelbérti, quem, regem Cantiórum, sanctus Augustínus epíscopus ad Christi fídem convértit, primum ex princípibus gentis Anglórum.

4*. Asculi in Picéno Itáliæ, beáti Constántii de Fabriáno Servoli, presbýteri ex Ordine Prædicatórum, qui austeritáte vitæ et stúdio promovéndæ pacis enítuit.

5*. Mántuæ in Langobárdia, beáti Marci de Marconi, religiósi ex Ordine Eremitárum Sancti Hierónymi.

6*. In civitáte Algemesi in pago Valentíno Hispániæ, beátæ Ioséphæ Naval Girbés, vírginis, Deo sacrátæ in sáeculo, catechizándis púeris addíctæ.

7*. Nucériæ Paganórum in Campánia Itáliæ, beáti Thomæ Maríæ Fusco, presbýteri, qui páuperes ægrotósque summa dilectióne curávit et Fílias a Caritáte Pretiosíssimi Sánguinis instítuit, quas ad várias óperas sociáles navándas, præsértim inter iúvenes et ægrótos, destinávit.

Die 25 februárii         
Quinto Kalendas mártii; vel in anno bissextili: Sexto Kalendas mártii. Luna:   

1. Perge in Pamphýlia, pássio sancti Néstoris, epíscopi Magydénsis et mártyris, qui, témpore Décii imperatóris persecutiónis comprehénsus, a práeside provínciæ ad crucem damnátus est, ut qui Crucifíxum confiterétur, eiúsdem subíret poenam.

2. Naziánzi in Cappadócia, sancti Cæsárii, médici, sancti Gregórii Nazianzéni fratris.

3*. Malbódii in Gállia Bélgica, sanctæ Aldetrúdis, vírginis et abbátissæ.

4. In monastério Heidenheiménsi in Francónia Germániæ, sanctæ Waldbúrgis, abbátissæ, quæ, sancto Bonifátio sanctísque eius frátribus Willibáldo et Willibáldo rogántibus, ex Anglia in Germániam venit, ubi duplex monastérium monachórum et sanctimoniálium óptime rexit.

5*. Agrigénti in Sicília, sancti Gerlándi, epíscopi, qui Ecclésiam suam, a potestáte Saracenórum liberátam, ordinávit.

6*. In priorátu Ursáni in pago Bituricénsi Aquitániæ, tránsitus beáti Robérti de Arbriséllo, presbýteri, qui, convérsiónem morum per vias práedicans, mulíeres et viros in dúplici monastério Fontis Ebráldi sub abbátissæ regímine congregávit.

7. Lucæ in Etrúria, beáti Avertáni, peregríni et religiósi ex Ordine Carmelitárum.

8*. Angelópoli in México, beáti Sebastiáni Aparicio, qui, custos óvium, ex Hispánia in Méxicum migrávit, ubi magnis divítiis, quas labóre suo cumuláverat, míseros locupletávit; dein, bis víduatus, frater in Ordinem Fratrum Minórum recéptus est et prope centenárius óbiit.

9*. Lauríæ in Lucánia, beáti Domínici Lentini, presbýteri, qui in loco pátrio usque ad mortem fructuósum ac múltiplex explicávit ministérium humilitátis, oratiónis et pæniténtiæ vita fecundátum.

10*. In vico Mdina ínsulæ Meliténsis, beátæ Maríæ Adeódatæ (Maríæ Terésiæ) Pisani, vírginis ex Ordine sancti Benedícti, quæ, abbátissa monastérii Sancti Petri, miscens tempóribus témpora, offício suo sapiénter functa est, curam ádhibens de paupéribus derelictísque consuléndo pro ipso bono spiritáli communitátis.

11. In urbe Xilinxian in Guangxi província Sinárum, sancti Lauréntíi Bai Xiaoman, mártyris, qui, ópifex et neóphytus, vérbera et decollátiónem pati máluit quam Christum denegáre.

12. In loco Tequila territórii Guadalaiarénsis in México, sancti Turíbii Romo, presbýteri et mártyris, qui persecutióne sæviénte in ódium sacerdótii enecátus est.

13. Ad ripas flúminis Beijiang prope urbem Sciaoceuvénsem provínciæ Guandong in Sinis, Sanctórum mártyrum Aloýsii Versiglia, epíscopi, et Callísti Caravario, presbýteri e Societáte Salesiána, qui ob christiánam animárum iísdem commissárum curam actam martýrium subiérunt.

Die 26 februárii         
Quarto Kalendas mártii; vel in anno bissextili: Quinto Kalendas mártii. Luna:  

1. Commemorátio sancti Alexándri, epíscopi, qui, senex gloriósus ac fídei  zelo succénsus, post sanctum Petrum alexandrínæ Ecclésiæ factus antístes, Aríum presbýterum suum hærética impietáte depravátum et divína veritáte infirmátum de communióne Ecclésiæ eiécit, quem mox inter trecéntos decem et octo Patres annumerátus in Concílio Nicáeno Primo damnávit.

2. Bonóniæ in Æmília, sancti Faustiniáni, epíscopi, qui Ecclésiam persecutióne vexátam verbo prædicatiónis firmávit et auxit.

3. Gazæ in Palæstína, sancti Porphýrii, epíscopi, qui, Thessalónicæ natus, anachoréta quinque annos degit in Scetim ac tótidem trans Iordánem, benignitáte in páuperes conspícuus; póstea epíscopus Gazénsis ordinátus, multa evértit templa idolórum, quorum sectatórum moléstiis diu afféctus est, donec in pace cum sanctis venerábilis quiévit.

4*. Nivérni in Néustria, sancti Agrícolæ, epíscopi.

5. Archíaci in Campánia Gálliæ, sancti Victóris, eremítæ, cuius laudes sanctus Bernárdus conscrípsit.

6. Floréntiæ in Etrúria, sancti Andréæ, epíscopi.

7*. Londínii in Anglia, beáti Robérti Drury, presbýteri et mártyris, qui, coniuratiónis contra Iacóbum regem Primum falso insimulátus, Tybúrni, hábitu Ecclésiastico indútus ad sacerdotálem dignitátem probándam, patíbuli supplícium pro Christo passus est.

8. Olésæ Montis Serráti in pago Barcinonénsi Hispániæ, sanctæ Paulæ a Sancto Iosépho de Calasanz Montal Fornés, vírginis, quæ Institútum Filiárum Maríæ Scholárum Piárum fundávit.

9*. Alcantaríola prope Múrtiam in Hispánia, beátæ Pietátis a Cruce (Thomasínæ) Ortiz Real, vírginis, quæ pro amóre Dei ad institutiónem et catechésim páuperum sédulo inténdit et Congregatiónem Sorórum Salèsianarum a Sacra Corde Iesu fundávit.

Die 27 februárii         
Tértio Kalendas mártii; vel in anno bissextili: Quarto Kalendas mártii. Luna:
 

1. Alexandríæ in Ægýpto, commemorátio Sanctórum Iuliáni et Euni, mártyrum. Iuliánus, cum podágra ita constríctus esset, ut neque incédere neque stare posset, una cum duóbus fámulis, qui eum in sella gestábant, iúdici offértur; quorum alter fídem negávit, alter, nómine Eunus, cum dómino suo in conféssióne Christi perdurávit. Ipsi porro, camélis impósiti, per totam urbem circumdúci iussi sunt et, spectánte pópulo, flagris ad mortem laniári, sub Décio imperatóre.

2. Item, sancti Besáe, mártyris, qui, miles, cum insultántes in prædíctos mártyres cohibéret, ad iúdicem delátus est et, pro fíde constánter agens, cápite truncátus.

3*. In agro Rothomagénsi in Gállia, sanctæ Honorínæ, vírginis et mártyris.

4. Lugdúni in Gállia, sancti Baldoméri, subdiáconi, viri Deo devóti.

5. Constantinópoli, Sanctórum Basílii et Procópii Decapolítæ, monachórum, qui, témpore Leónis Tértii Isáurii imperatóris, pro cultu sacrárum Imáginum strénue decertárunt.

6. In monastério Narecénsi in Arménia, sancti Gregórii, mónachi, doctóris Armenórum, doctrína, scriptis ac mýstica sciéntia illústris.

7*. Messánæ in Sicília, sancti Lucæ, abbátis monastérii Sanctíssimi Salvatóris, sub orientálium monachórum præcéptis.

8. Londínii in Anglia, sanctæ Annæ Line, víduæ et mártyris, quæ, cóniuge in exsílio propter Cathólicam fídem defúncto, hac in civitáte domum sacerdótibus provídit, quam ob rem sub Elísabeth regína Prima Tybúrni láqueo suspénsa est. Cum ea passi sunt étiam beáti presbýteri et mártyres Marcus Barkworth, ex Ordine Sancti Benedícti, et Rogerius Filcock, e Societáte Iesu, adhuc spirántes ferro laniáti.

9*. Londínii in Anglia, beáti Guliélmi Richardson, presbýteri et mártyris, qui, Híspali in Hispánia ordinátus, últimus sub Elísabeth regína Prima martyr, propter sacerdótium Tybúrni patíbulo suspénsus est.

10*. In óppido Sencelles ínsulæ Maióricæ, beátæ Francíscæ Annæ a Vírgine Perdolénti Cirer Carbonell, vírginis, quæ, nec légere nec scríbere sciens, divíno tamen zelo mota, ad apostolátus caritatísque ópera se devóvit et communitátem Sorórum a Caritáte instítuit.

11*. Insulæ in Aprútio Itáliæ, sancti Gabriélis a Vírgine Perdolénti (Francísci) Possenti, acólythi, qui, sáeculi vanitáte relícta, aduléscens Congregatiónem Passiónis ingréssus est, ubi brevem vitæ cursum complévit.

12*. Massíliæ in Gállia, beátæ Maríæ a Iesu Deluil Martiny, vírginis, quæ Congregatiónem Filiárum Cordis Iesu fundávit et, a seditióso viro ad mortem vulneráta, vitam íntime Passióni Christi coniúnctam effúso sánguine conclúsit.

13*. Pasti in Colúmbia, beátæ Maríæ a Caritáte Spíritus Sancti (Carolínæ) Brader, vírginis, quæ vitam contemplatívam cum missionária navitáte omni stúdio conciliávit et ad pópulum per christiánam institutiónem provehéndum Sorores Franciscánas Maríæ lmmaculátæ instítuit.

Die 28 februarii

Prídie Kalendas mártii; vel in anno bissextili: Tértio Kalendas mártii. Luna:

1. Commemorátio Sanctórum presbýterorum, diaconórum et aliórum plurimórum, qui Alexándriæ, témpore Galliéni imperatóris, cum pestis sævíssima grassarétur, morbo laborántibus ministrántes libentíssime mortem oppetiérunt; quos religiósa piórum fídes mártyres venerári consuévit.

2. Ad montem Iuram in território Lugdunénsi, deposítio sancti Románi, abbátis, qui, antiquórum monachórum exémpla sequens, primus illic vitam duxit eremíticam et póstea plurimórum pater éxstitit monachórum.

3. Commemorátio sanctárum Maránæ et Cyræ, vírginum, quæ apud Beroeam in Sýria in loco exíguo et consáepto sub dio vitam duxérunt, ne tuguriúm quidem habéntes, siléntium observántes et victum necessaríum per fenestéllam accipiéntes.

Anno bissextili pnetermittantur:

4. Romævia Tiburtína, deposítio sancti Hilárii, papæ, qui epístulas de fíde Cathólica scripsit, quibus Concília Nicáenum, Ephesínum et Chalcedonénse confirmávit, primátum illústrans Románæ sedis.

5. Vigórniæ in Anglia, sancti Oswáldi, epíscopi, qui, primum canónicus, dein mónachus efféctus, Eboracénsi demum ac simul Vigorniénsi Ecclésiæ práefuit atque Régulam sancti Benedícti multis in monastériis instítuit, comis, lætus ac doctus magíster.

6*. Aquilæ in Aprútio, beátæ Antóniæ de Floréntia, víduæ, póstea fundatrícis et primæ abbátissæ  monastérii Córporis Christi sub prima sanctæ Claræ Régula.

7. In urbe Xilinxian in Sinárum Guangxi Província, sancti Augústi Chapdelaine, presbýteri e Societáte Parisiénsi Missiónum ad éxteras gentes et mártyris, qui, a milítibus plúribus cum neóphytis apprehénsus quod christiánam fídem in hac regióne primus seminavísset, trecéntis verbéribus cæsus et in cávea exígua constíictus, tandem cápite obtruncátus occúbuit.

Quolibet anno:

8*. Apud Parísios in Gállia, beáti Daniélis Brottier, presbýteri e Congregatióne Sancti Spíritus, qui in opus pro órphanis condéndum se impéndit.

9*. In campo exitíi Oświęcim seu Auschwitz prope Cracóviam in Polónia, beáti Timóthei Trojanowski, presbýteri ex Ordine Fratrum Minórum Conventuálium et mártyris, qui, pátria império in hómines ac religiónem hostíli subíecta, propter christiánam confessiónem supplíciis fractus martýrium consummávit.

ANNO BISSEXTILI

Die 29 februárii        
Prídie Kalendas mártii. Luna:   
 

1. Romæ via Tiburtína, deposítio sancti Hilárii, papæ, qui epístulas de fíde Cathólica scripsit, quibus Concília Nicáenum, Ephesínum et Chalcedonénse confirmávit, primátum illústrans Románæ sedis.

2. Vigórniæ in Anglia, sancti Oswáldi, epíscopi, qui, primum canónicus, dein mónachus efféctus, Eboracénsi demum ac simul Vigorniénsi Ecclésiæ práefuit atque Régulam sancti Benedícti multis in monastériis instítuit, comis, lætus ac doctus magíster.

3*. Aquilæ in Aprútio, beátæ Antóniæ de Floréntia, víduæ, póstea fundatrícis et Primæ abbátissæ monastérii Córporis Christi sub prima sanctæ Claræ Régula.

4. In urbe Xilinxian in Sinárum Guangxi província, sancti Augústi Chapdelaine, presbýteri e Societáte Parisiénsi Missiónum ad éxteras gentes et mártyris, qui, a milítibus plúribus cum neóphytis apprehénsus quod christiánam fídem in hac regióne primus seminavísset, trecéntis verbéribus cæsus et in cávea exígua constíictus, tandem cápite obtruncátus occúbuit.

____________________

⁴ Quorum nomina: sancti Saturninus, présbyter, cum quáttuor fíliis, id est Saturnino iuniore et Felice, lectoribus, María et Hilarione, infante; Dativus, qui et Sanator, Felix; álius Felix, Eméritus et Ampelius, lectores; Rogatianus, Quintus, Máximianus seu Maximus, Telica vel Tazelita, álius Rogatianus, Rogatus, Ianuarius, Cassianus, Victorianus, Vincentius, Cibcilianus, Restitúta, Prima, Eva, adhuc Rogatianus álius, Giválius, Rogatus, Pomponia, Secunda, Ianuaria, Saturnina, Martinus, Clautus, Felix iunior, Margarita, Maior, Honorata, Regiola, Victorínus, Pelusius, Faustus, Dacianus, Matrona, Cecilia, Victoria, virgo Cartháginensis, Berectina, Secunda, Matrona, lanuaria.

MARTIUS

Die 1 mártii
Kaléndis mártii. Luna:
 

1. Romæ apud Sanctum Paulum via Ostiénsi, sancti Felícis papæ Tértii, qui sancti Gregórii papæ Magni átavus fuit.

2. Andégavi in Gállia Lugdunénsi, sancti Albíni, epíscopi, qui supérbos poténtium mores veheménter reprehéndit atque ad Ecclésiam renovándam Concílium Aurelianénse Tértium strénue promóvit.

3. Menéviæ in Cámbria, sancti Dávidis, epíscopi, qui, exémpla et mores Patrum orientálium ímitans, monastérium cóndidit, unde permúlti profécti sunt mónachi, qui Cámbriam, Hibérniam, Cornúbiam et Armóricam evangelizárunt.

4. Apud Cenómanum in Néustria, sancti Siviárdi, abbátis Anninsulénsis.

5. In Werda Rheni ínsula in Saxónia, sancti Suitbérti, epíscopi, qui, primum mónachus in Northúmbria, sancti Willibrórdi sócius efféctus et a sancto Wilfrído epíscopus ordinátus, apud Bátavos, Frísios aliósque Germániæ pópulos Evangélium prædicávit et in coenóbio, quod iam senex fundáverat, pie decéssit.

6. In Vascónia, sancti Leónis, epíscopi et mártyris.

7*. In monastério Venæ in abrúptis montis Mercúrii in Calábria, sancti Leónis Lucæ, abbátis Mulénsis, qui, iuxta orientálium monachórum institúta, eremítica ac coenobítica convérsatióne cláruit.

8*. Cellæ Novæ in Galláecia Hispániæ, sancti Rudesíndi, ántea epíscopi Dumiénsis, qui vitam monásticam in eádem Província promovéndam vel instaurándam curávit et, múnere episcopáli depósito, monásticum hábitum in monastério Cellæ Novæ índuit, cui dein abbas práefuit.

9*. Tábiæ in Ligúria, commemorátio beáti Christophóri de Mediolano, presbýteri ex Ordine Prædicatórum, in Dei cultum et in sacram doctrínam inténti.

10*. Passáni in Venétia, beátæ Ioánnæ Maríæ Bonomo, abbátissæ ex Ordine Sancti Benedícti, quæ, donis mýsticis práedita, dolóres Domínicæ Passiónis in córpore et ánima communicávit.

11. In urbe Xilinxian in Guangxi Sinárum Província, sanctæ Agnétis Cao Kuiying, mártyris, quæ, violénto viro iam nupta, post eius mortem ad christiánam doctrínam docéndam de epíscopi mandáto se cóntulit, quaprópter in cárcerem cóndita et crudelíssimos cruciátus passa, semper Deo confídens ad dapes ætérnas migrávit.

Die 2 mártii
Sexto Nonas mártii. Luna:

1. Neocæsaréæ in Ponto, sancti Troádii, mártyris in persecutióne Décii imperatóris, cuius certámen sanctus Gregórius Thaumatúrgus testificátus est.

2. Lichféldiæ in Anglia, sancti Ceáddæ, epíscopi, qui in angústis témporis sui provínciis Merciórum, Lindíssi et Mediterraneórum Anglórum episcopátus offício práefuit, quod iuxta antiquórum patrum exémpla in magnæ vitæ perfectióne administráre curávit.

3*. Agýrii in Sicília, sancti Lucæ Casali de Nicósia, mónachi, humilitáte virtutibúsque repléti.

4. Pragæ in Bohémia, sanctæ Agnétis, abbátissæ, quæ, fília regis Ottokári, regálibus núptiis spretis, Iesu Christo modo desponsári cúpiens, sanctæ Claræ Régulam ampléxa est in monastério ab ipsa ædificáto, ubi paupertátem ad amússim observáre vóluit.

5*. Brugis in Flándria, beáti Cároli Boni, mártyris, qui, prínceps Dániæ ac deínde comes Flándriæ, iustítiæ custos et páuperum defénsor éxstitit, donec a milítibus, quos ad pacem invítos compéllebat, occísus est.

6. Híspali in Hispánia, sanctæ Angelæ a Cruce Guerrero González, quæ, Institúti Sorórum a Cruce fundátrix, nihil iuris magis sibi quam paupéribus sepósuit, quos dóminos suos nuncupáre sólita erat et vere deservíre.

Die 3 mártii
Quinto Nonas mártii. Luna:  

 

1. Cæsaréæ in Palæstína, Sanctórum Maríni, mílitis, et Astérii, senatóris, mártyrum sub Galliéno imperatóre; quorum prior, ab ínvido commilitóne quod christiánus delátus, coram iúdice fídem suam voce claríssima proféssus est et corónam martýrii cápitis abscissióne suscépit; cum Astérius corpus mártyris, qua induebátur veste substráta, excíperet, honórem, quem mártyri détulit, contínuo ipse martyr accepísse narrátur.

2. Calagúrri in Hispánia Tarraconénsi, Sanctórum Emethérii et Cheledónii, qui, cum ambo apud Legiónem in Galláecia in castris militárent, exsurgénte persecutióne, pro Christi Nóminis conféssióne Calagúrrim usque dedúcti sunt ibíque martýrio coronáti.

3. Amaséæ in Ponto, sanctórum Cleoníci et Eutrópii, mártyrum in persecutióne Maximiáni imperatóris sub Asclepiódato práeside.

4. Bríxiæ in Venétia, sancti Titiáni, epíscopi.

5. In Cornúbia Armóricæ, sancti Winwalóei, primi abbátis Landevenecénsis, qui discípulus sancti Budóci in Láurea ínsula fuísse et Régulam monásticam illustrásse tráditur.

6*. Benevénti in Campánia, sanctæ Arthelláidis, vírginis.

7*. Nonántulæ in Æmilía, sancti Ansélmi, fundatóris et primi abbátis monastérii, qui quinquagínta annos monásticam disciplínam tam præcéptis quam virtútum exercítio promóvit.

8. Confúgiæ in Hássia, sanctæ Cunegúndis, quæ plúrima Ecclésiæ cóntulit benefícia una cum cóniuge sancto Henríco imperatóre, post cuius mortem in claustro moniális, quo secésserat, Christum sibi herédem fáciens, ipsa óbiit. Corpus eius honorífice iuxta sancti Henríci ossa Bambérgæ depósitum est.

9*. In Frísia, beáti Frideríci, presbýteri, primum párochi in óppido Hallum, dein abbátis monastérii Hortis Beátæ Maríæ ex Ordine Præmonstraténsi.

10*. Panórmi in Sicília, beáti Petri Geremia, presbýteri ex Ordine Prædicatórum, qui, a sancto Vincéntio Ferrer in ministério verbi Dei confirmátus, salúti animárum totum se dedit.

11*. Vercéllis in Subalpínis, beáti Iacobíni de’ Canepacci, religiósi ex Ordine Carmelitárum, oratiónis et pæniténtiæ stúdio præclári.

12*. Apud Gondar in Ethiópia, beatórum Liberáti Weiss, Samuélis Marzorati et Michaélis Pio Fasoli da Zerbo, presbýterorum ex Ordine Fratrum Minórum et mártyrum, qui ob fídem Cathólicam lapidáti occubuérunt.

13*. Dariórigi in Británnia Minóre Gálliæ, beáti Petri Renáti Rogue, presbýteri e Congregatióne Missiónis et mártyris, qui, témpore gállicæ perturbatiónis, nefárium iusiurándum clero impósitum recúsans, in civitáte permánsit, ut fidélibus secréto ministráret, et, cápite damnátus, in ipsa Ecclésia ubi sacra mystéria celebrábat ad Misericórdiam Dómini migrávit.

14. Bríxiæ in Langobárdia, sanctæ Terésiæ Eustóchii (lgnátiæ) Verzeri, vírginis, Institúti Filiárum a Sacratíssimo Corde Iesu fundatrícis.

15*. Bérgomi item in Langobárdia Itáliæ, beáti Innocéntii de Berzo (Ioánnis) Scalvinoni, presbýteri ex Ordine Fratrum Minórum Capuccinórum, qui exímia caritáte in verbo Dei diffundéndo atque in confessiónibus audiéndis enítuit.

16. Philadelphíæ in Pennsilvánia e Civitátibus Foederátis Américæ Septemtrionális, sanctæ Catharínæ Drexel, vírginis, quæ Congregatiónem Sorórum a Sanctíssimo Sacraménto fundávit et divítias hereditátis suæ lárgiter ac benígne ad Indos Nigritásque educándos et sublevándos impéndit.

Die 4 mártii
Quarto Nonas mártii. Luna:

2. Nicomedíæ in Bithýnia, Sanctórum Phótii, Archelái, Quiríni et aliórum decem et septem, mártyrum.

3*. Tréviris in Rhenánia Austrasiáe, sancti Basíni, epíscopi, qui, e dúcibus Austrasiáe regni ortus, primum mónachus, dein abbas Sancti Maximíni Treviaénsis éxstitit et, ad sedem episcopálem civitátis demum evéctus, fundátióni sanctæ Irmínæ Epternáci consénsit.

4*. Comácli in Flamínia, sancti Appiáni, mónachi, qui, e monastério Papiénsi missus, hac in civitáte vitam exégit eremitícam.

5*. In monastério Cavénsi in Campánia, sancti Petri, qui, monásticam vitam a iuventúte secútus, Policastrénsis epíscopus eléctus est, sed, exterióris vitæ strépitum fastídiens, ad monastérium rédiit, ubi, abbas constitútus, disciplínam mire instaurávit.

6*. Cambérii in Sabáudia, beáti Humbérti, cómitis Sabáudiæ Tértii, qui, claustrum deserére coáctus ad rem públicam geréndam, monásticam vitam, ad quam mox vero rédiit, impénsius cóluit.

7*. Londínii in Anglia, beatórum Christophóri Bales, presbýteri, Alexándri Blake et Nicolái Horner, mártyrum, qui, persecutióne Elísabeth regínæ Primæ sæviénte, simul corónam glóriæ accepérunt.

8*. In coenóbio Sancti Salvatóris Vicecómitis in Normánnia Gálliæ, beátæ Plácidæ (Euláliæ) Viel, vírginis, quæ in Congregatióne Scholárum Christianárum a Misericórdia regénda zelo et humilitáte cláruit.

9*. Vicétiæ in Itália, beáti Ioánnis Antónii Farina, epíscopi, qui, multiplíciter dedit óperam rei pastoráli et Institútum Sorórum Magistrárum a Sancta Dorothéa Filiárum a Sacris Córdibus fundávit, quæ de puéllarum páuperum institutióne ac de ómnibus afflíctis discriminatísque providérent.

10*. In óppido Berezwecz apud civitátem Glebokie in Polónia, beatórum Miecislái Bohatkiewicz, Ladislái Mackowiak et Stanislái Pyrtek, presbýterorum et mártyrum, qui, belli tempestáte, ob Christi fídem in cárcerem coniécti sunt et plumbis interfécti.

Die 5 mártii
Tértio Nonas mártii. Luna:  

1. Commemorátio sancti Theóphili, epíscopi Cæsariénsis in Palæstína, qui sub Septímio Sevéro imperatóre, sapiéntia et vitæ integritáte conspícuus emícuit.

2. In Pamphýlia, sancti Conónis, mártyris, qui, hortulánus, sub Décio imperatóre, pédibus clavis confíxis, ante currum cúrrere iussus in génua procúbuit atque in oratióne spíritum réddidit.

3. Romæ via Appia in coemetério Callísti, deposítio sancti Lúcii, papæ, qui, sancti Cornélii succéssor, pro Christi fíde exsílium passus est et, fídei conféssor exímius, in angústiis témporis sui moderatióne ac prudéntia se gessit.

4. Sinópe in Ponto, sancti Phocæ, mártyris, qui, hortulánus, multas pro Redemptóris nómine passus est iniúrias.

5. Cæsaréæ in Palæstína, sancti Hadriáni, mártyris, qui in persecutióne Diocletiáni imperatóris, iussu Firmiliáni práesidis, die festo, quo natalícia Fortúnæ Cæsarénsium celebrári solébant, ob Christi fídem primum leóni obiéctus est, deínde gládio iugulátus.

6. In Palæstína ad ripam Iordánis, sancti Gerásimi, anachorétæ, qui, témpore Zenónis imperatóris, ad orthodóxam fídem a sancto Euthýmio redúctus, magna pæniténtiæ ópera egit, ómnibus, qui sub ipso vita monástica se exercébant, intégerrimæ disciplínæ et victus ratiónem ófferens.

7*. Sagíriæ in Ossória Hibérniæ regióne, sancti Kieráni, epíscopi et abbátis.

8*. Areláte in Província, sancti Virgílii, epíscopi, qui sanctum Augustínum et mónachos ad Anglos iter agéntes hospítio recépit, sancto Gregório papa Magno commendánte.

9*. Viglébani in Langobárdia, beáti Christophóri Macassoli, presbýteri ex Ordine Minórum, prædicatióne et caritáte in páuperes insígnis.

10*. Neápoli in Campánia, beáti Ieremíæ de Valáchia (Ioánnis) Kostistik, qui, religiósus ex Ordine Fratrum Minórum Capuccinórum, quadragínta annos caritáte et lætítia indesinénter infírmis assédit.

11. Item Neápoli, sancti Ioánnis Ioséphi a Cruce (Cároli Caietáni) Calosirto, presbýteri ex Ordine Fratrum Minórum, qui, sancti Petri de Alcántara vestígia prósequens, multis in Neápolitanæ Provínciæ coenóbiis regulárem disciplínam restítuit.

Die 6 mártii
Prídie Nonas mártii. Luna:

1. Derthóme in Ligúria, sancti Marciáni, qui epíscopus et martyr cólitur.

2. · Nicomedíæ in Bithýnia, sancti Victoríni, mártyris.

3. Tréviris in Gállia Bélgica, sancti Quiríaci, presbýteri.

4. Commemorátio sancti Evágrii, epíscopi Constantinópolitani, qui, a Valénte imperatóre in exsílium missus, fídei conféssor exímius ad Dóminum migrávit.

5. Toléti in Hispánia, sancti Iuliáni, epíscopi, qui tria Concília hac in civitáte coadunávit atque scriptis orthodóxam explanávit doctrínam, iustítiam, caritátem ac zelum animárum sédulo præbens.

6. Sacónii apud Helvétios, sancti Fridolíni, abbátis, qui, ex Hibérnia oriúndus, per Gálliam peregrinátus est, donec Sacónii duplex monastérium fundávit in honórem sancti Hilárii.

7. Metis in Austrásia, sancti Chrodegángi, epíscopi, qui clerum tamquam intra sæpta claustrórum sub íntegra norma vitæ convérsari iussit atque cantum in Ecclésia mirífice promóvit.

8. In Sýria, pássio Sanctórum quadragínta duórum mártyrum, qui, Amórii Phrýgiæ comprehénsi et ad flumen Euphráten perdúcti, egrégio certámine palmam martýrii percepérunt.

9*. Barcinóne in Cataláunia Hispániæ, sancti Ollegárii, epíscopi, qui étiam cáthedram Tarraconénsem ténuit, cum antiquíssima sedes hæc a iugo Maurórum liberáta est.

10*. Vitérbii in Túscia, beátæ Rosæ, vírginis, e Tértio Ordine Sancti Francísci, quæ, in caritátis opéribus assidua, duodevicésimo ætátis anno ante tempus brevem vitæ cursum consummávit.

11. Gandávi in Flándria, sanctæ Colétæ Boylet, vírginis, quæ tres annos aspérrimam vitam duxit in domúncula iuxta Ecclésiam cóndita reclúsa et mox, sancti Francísci Régulam proféssa, plura Clarissárum monastéria ad prístinam vitæ formam redúxit, paupertátis præsértim et pæniténtiæ spíritum indúcens.

Die 7 mártii
Nonis mártii. Luna:

2. Ibídem, pássio Sanctórum Sátyri, Saturníni, Ævocáti et Secúndini, quorum, eádem persecutióne furénte, últimus  in cárcere óbiit, céteri vero, a váriis vexáti béstiis, omnes ínvicem osculántes ferro iuguláti occubuérunt.

3. Cæsaréæ in Palæstína, pássio  sancti Eubúlii, qui, sócius sancti Hadriáni, bíduo post illum a leónibus laniátus est et gládio trucidátus.

4. Apud Chersonésum, Sanctórum episcopórum Basílii, Eugénii, Agathodóri, Elpídii, Æthérii, Capitónis et Ephræm, mártyrum.

5. Apud Thebáidem in Ægýpto, sancti Pauli, cognoménto Símplicis, sancti Antónii discípuli.

6. Bríxiæ in Venétia, sancti Gaudiósi, epíscopi.

7*. In monastério Anianénsi in Septimánia, sancti Ardónis Smarágdi, presbýteri, qui sancto Benedícto Anianénsi sócius fuit in vita coenobítica.

8. Prusae in Bithýnia, sancti Pauli, epíscopi, qui ob cultum sacrárum Imáginum defénsum pátria pulsus exsul e vita decéssit.

9. In monastério Fossrenóvre Ordinis Cisterciénsis in Látio, tránsitus sancti Thomæ de Aquíno, cuius Memória die vigésima octáva ianuárii celebrátur.

10*. Londínii in Anglia, beatórum mártyrum Ioánnis Larke et Ioánnis Ireland, presbýterorum, atque Germáni Gardiner, qui ob fidelitátem Románo Pontífici servátam Tybúrni suspéndio occubuérunt, sub Henríco rege Octávo.

11. Floréntiæ in Etrúria, sanctæ Terésiæ Margarítæ Redi, Vírginis, quæ, Ordinem Carmelitárum Discalceatárum ingréssa, arduam perfectiónis viam calcávit, immatúra morte corrépta.

12. Seuli in Coréa, sancti Ioánnis Baptístæ Nam Chong-sam, mártyris.

13. In loco Sai-Nam-Hte item in Coréa, sanctórum mártyrum Simeónis Berneux, epíscopi, Iusti Ranfer de Bretenières, Ludovíci Beaulieu et Petri Henríci Dorie, presbýterorum e Societáte Parisiénsi Missiónum ad éxteras gentes, qui, cum persecutóribus fidénter respondíssent se in Coréam ad salvándas in Christi nómine ánimas venísse, cápite obtruncáti sunt.

14*. In urbe Kirov in Rússia; beáti Leónidæ Fëdorov, epíscopi et mártyris, qui, munus exércens exárchæ Apóstolici catholicórum Russicórum Ritus byzantíni, ante régimen religióni infénsum Christi discípulus fidélis adúsque mortem méruit esse.

Die 8 mártii
Octávo Idus mártii. Luna:

 

2. Commemorátio sancti Póntii, qui Carthágine diáconus fuit sancti Cypriáni, quem in exsílio ad óbitum usque comitátus est, de vita et passióne eius egrégium volúmen relínquens.

3. Apud Antínoen in Ægýpto, sanctórum Apollónii et Philémonis, mártyrum.

4*. Comi in Ligúria, sancti Províni, epíscopi, qui, sancti Ambrósii fidélis discípulus, Ecclésiam ipsi commíssam ab ariána Hǽresi servávit.

5*. In ínsula Cathénsi in Hibérnia, sancti Senáni, abbátis.

6. Dumnóci in Anglia, sancti Felícis, epíscopi, qui, e Burgúndia oriúndus, Anglos orientáles sub potestáte Sigebérti regis evangelizávit.

7. Nicomedíæ in Bithýnia, sancti Theophilácti, epíscopi, qui, ob cultum sacrárum Imáginum exsílio afféctus, Stróbili in Cária defúnctus est.

8*. Apud Mórinos in Gállia, sancti Humfrídi, epíscopi Taruannénsis, qui, civitáte a Normánnis evérsa, indesinénter gregem suum congregáre et consolári curávit.

9*. Pápiæ in Langobárdia, sancti Litiphridi, epíscopi.

10*. In óppido Tayne in Scótia, deposítio sancti Dutháci, epíscopi Rossénsis.

11*. Apud Stellam in Navarra, sancti Veremúndi, abbátis Hyrachénsis, qui, inde ab infántia mónachus, ob stúdium perfectiónis mónachos ipsi súbditos exémplo incitávit, ieiúniis et vigíliis déditus.

12*. Obazínæ apud Lemóvicum in Aquitánia, sancti Stéphani, primi abbátis monastérii huius loci, qui, Deum quærens, tria monastéria ab ipso condita Ordini Cisterciénsi coniúnxit.

13*. In monastério Androviénsi in Polónia, tránsitus beáti Vincéntii Kadlubek, epíscopi Cracoviénsis, qui, múnere abdicáto, monásticam vitam illic proféssus est.

14*. In civitáte Getafe prope Matrítum in Hispánia, beáti Faustíni Míguez, religiósi ex Ordine Clericórum Regulárium Scholárum Piárum, qui, sacerdótio auctus, in munus docéndi totus se cóntulit, magnam ássequens magístri ac rerum natúræ períti opiniónem pastoráli vero navitáte sédulus, et Congregatiónem Filiárum a Divína Pastóra fundávit.

Die 9 mártii
Séptimo Idus mártii. Luna:
 

2. Apud Sebástem in Arménia, pássio sanctórum quadragínta mílitum Cappádocum, qui, non sánguinis sed fídei et obséquii erga Patris cæléstis voluntátem sócii, témpore Licínii imperatóris, post víncula ac sæva torménta, frigidíssimo híemis témpore supra stagnum rigens pernoctáre nudi sub dio iussi, crurifrágio martýrium consummárunt.

3. Barcinóne in Hispánia Tarraconénsi, sancti Paciáni, epíscopi, qui, fídem expónens, christiánum sibi nomen esse profitebátur, Cathólicum vero cognomen.

4*. In pago Rapóllæ in Lucánia, sancti Vitális de Castronóvo, mónachi.

5. In Morávia orientáli, sancti Brunónis, epíscopi Querfurténsis et mártyris, qui, dum in Itália Othónem imperatórem Tértium comitabátur, sancti Romuáldi auctoritáte permótus, ad monásticam disciplínam se trádidit et, nómine Bonifátio accépto, in Germániam regréssus atque a Ioánne papa Décimo epíscopus creátus, in expeditiónibus apostólicis cum sóciis duodevigínti ab idolólatris trucidátus est.

6. Bonóniæ in Æmília, sanctæ Catharínæ, vírginis ex Ordine Sanctæ Claræ, quæ, ingénuis ártibus clara, sed mýsticis virtútibus atque pæniténtiæ humilitátisque cursu illústrior, sacras vírgines duxit.

7. Mondónii in Subalpínis, sancti Domínici Savio, qui, iam inde a púeritia dulcis et iucúndus ánimo, iter Christiánæ perfectiónis céleri gressu adhuc aduléscens consummávit.

8. In pago Nei-Ko-Ri in Coréa, sanctórum Petri Ch’oe Hyŏng et Ioánnis Baptístæ Chŏn Chang-un, mártyrum, qui, patresfamílias, baptísma contulérunt et líbros christiános typis edidérunt, quaprópter supplíciis dati ádeo constántes in fíde exstitérunt, ut suórum persecutórum admiratiónem effícerent.

Die 10 mártii
Sexto Idus mártii. Luna:

1. Apaméæ ad Meándrum in Phrýgia, commemorátio sanctórum Caii et Alexándri, mártyrum, qui in persecutióne Marci Antoníni et Lúcii Veri imperatórum glorióso martýrio coronáti sunt.

2. In Africa, commemorátio sancti Victóris, mártyris, in cuius festivitáte sanctus Augustínus ad pópulum de eo tractátum hábuit.

3. Item commemorátio sancti Marcárii, epíscopi Hierosolymitáni, cuius hortátu loca sancta a Constantíno Magno et sancta Hélena, eiúsdem matre, repurgáta sunt et sacris illustráta basílicis.

4. Romæ apud sanctum Petrum, sancti Simplícii, papæ, qui, cum bárbari Itáliam et Urbem vastárent, afflíctos confirmávit, unitátem Ecclésiæ fovit et fídem firmávit.

5. Parísiis in Gállia, sancti Droctovéi, abbátis, qui a sancto Germáno Augustodunénsi magístro suo monachórum coenóbio hac in urbe Institúto præpósitus est.

6. In monastério Bobiénsi in Ligúria, sancti Attalæ, abbátis, qui, coenobíticæ vitæ cultor, ad Lirinénse monastérium primum, mox ad Luxoviénse se cóntulit, ubi sancto Columbáno succéssit, zelo ac discretióne magnópere énitens.

7. Glasguæ in Scótia, sancti Ioánnis Ogilvie, presbýteri e Societáte Iesu et mártyris, qui, post multos annos in stúdiis sacræ theológiæ peráctos exsul per regna Európæ, sacérdos ordinátus clam in pátriam rédiit, ubi summa cum sedulitáte omnem pastorálem hábuit curam concívium suórum, donec, sub Iacóbo rege Sexto in cárcerem coniéctus et morte damnátus, in patíbulo gloriósam palmam martýrii accépit.

8*. Parísiis in Gállia, beátæ Maríæ Eugéniæ Milleret de Brou, vírginis, fundatrícis Congregatiónis Sorórum de Assumptióne, ad puéllas christiáne educándas.

9*. Prope civitátem Cortázar in México, beáti Elíæ a Succúrsu (Mattháei Elíæ) Nieves del Castillo, presbýteri ex Ordine Fratrum Sancti Augustíni et mártyris, qui, persecutióne furénte, comprehénsus quad ministérium clam adimpléret, in ódium sacerdótii plumbis cæsus est.

Die 11 mártii
Quinto Idus mártii. Luna:

1. Smyrnæ in Asia, sancti Piónii, presbýteri et mártyris, qui, ut narrátur, ob apológiam pro fíde christiána coram pópulo factam, post squalórem cárceris, ubi multos ad martýrium tolerándum suis exhortatiónibus roborávit fratres, cruciátibus vexátus, beátum pro Christo finem per ignem sortítus est.

2. Laodicéæ in Sýria, sanctórum Tróphimi et Thali, mártyrum, qui in persecutióne Diocletiáni imperatóris post multa sæváque torménta corónas glóriæ assecúti sunt.

3*. In Scótia, sancti Constantíni, regis, sancti Colúmbæ discípuli et mártyris.

4. Hierosólymæ, sancti Sophrónii, epíscopi, qui Ioánnem Moschum magístrum et amícum hábuit, quocum loca monástica visitávit, et post Modéstum huius sedis præsul eléctus, cum Cívitas Sancta in manus incídit Saracenórum, fídem pópuli ac securitátem strénue deféndit.

5*. In Hannónia Néustriæ, sancti Vindiciáni, epíscopi Cameracénsis et Atrebaténsis, qui de sancti Leodegárii morte Theodóricum regem Tértium mónuit, ut pæniténtia crimen expiáret.

6. Medioláni, deposítio sancti Benedícti, epíscopi.

7*. In monastério Tamlachténsi in Hibérnia, sancti Engi, cognoménto Cúldei, mónachi, qui album Sanctórum Hibérniæ sédulo compósuit.

8. Córdubæ in Vandalícia Hispániæ regióne, sancti Eulógii, presbýteri et mártyris, ob præcláram Christi confessiónem gládio decolláti.

9*. In óppido Cupramontana in Picéno Itáliæ, beáti Ioánnis Baptístæ de Fabriáno Righi, presbýteri ex Ordine Fratrum Minórum.

10*. Eboráci in Anglia, beáti Thomæ Atkinson, presbýteri et mártyris, qui sub Iacóbo rege Primo propter solum sacerdótium martýrium passus est.

11*. Clonæ in Hibérnia, beáti Ioánnis Kearney, presbýteri ex Ordine Fratrum Minórum et mártyris, qui, cápite damnátus quod sacérdos per Angliam transíret, fuga senténtiam devitáverat, sed dein sub regímine Olivérii Cromwell de sacerdótio in pátria profésso íterum argútus láquei supplício afféctus est.

12. In urbe Hung Yên in Tunquíno, sancti Domínici Câm, presbýteri et mártyris, qui multos annos clam in discrímiræ vitæ necnon in cárcere ministrávit et tandem, iussu imperatóris Tu Dùc cápite damnátus, crucem Dómini, quam fírmiter calcáre respúerat, ampléxus est.

13. In loco Sai-Nam-Hte in Coréa, Sanctórum mártyrum Marci Chŏng Ui-bæ, catechístæ, et Aléxii U Se-yŏng, qui ob fídem christiánam ab ipsis propínquis contuméliis et verbéribus affécti sunt.

Die 12 mártii
Quarto Idus mártii. Luna:

1. Thevéste in Numídia, sancti Máximiliani, mártyris, qui, Victóris veteráni fílius et ipse conscríptus, Dióni procónsuli respóndit christifídeli militáre non licére; et cum sacraméntum militiáe recusavísset, gládio ánimadverti iussus est.

2. Nicomedíæ in Bithýnia, commemorátio Sanctórum mártyrum Mýgdonis, presbýteri, Eugénii, Máximi, Domnæ, Mardónii, Smarágdi et Hilárii, qui singuli singulis diébus suffocáti sunt, ut céteris metus incuterétur.

3. Ibídem, pássio sancti Petri, mártyris, qui, cum Diocletiáni imperatóris cubiculárius esset et libérius mártyrum supplícia quererétur, eiúsdem Augústi iussu in médium addúcitur ac primo suspénsus diutíssime flagris tortus est, deínde in cratícula igne assátus. Dorothéus et Gorgónius autem, eídem cubículo regis præpósiti, reclamántes, simílibus pæne supplíciis affécti sunt et ad últimum láqueo necáti.

4. Romæ in coemetério Pontiáni ad Ursum pileátum, deposítio sancti Innocéntii papæ Primi, qui sanctum Ioánnem Chrysóstomum deféndit, Hierónymum consolátus est et Augustínum approbávit.

5. In civitáte Leonénsi in Británnia Armórica, sancti Pauli Aureliáni, primi epíscopi huius civitátis.

6. Romæ apud sanctum Petrum, deposítio sancti Gregórii papæ Primi, cognoménto Magni, cuius memória die tértia septémbris, scílicet die ordinatiónis eius, recólitur.

7. Sigriánæ in Bithýnia in monastério Agri Magni, deposítio sancti Theóphanis, cognoménto Chronógraphi, qui, ex ditíssimo pauper mónachus factus, a Leóne Arméno imperatóre ob sacrárum Imáginum cultum biénnio in cárcere deténtus est et inde in Samothráciam deportátus, ubi, ærúmnis conféctus, spíritum réddidit.

8*. Vintóniæ in Anglia, sancti Elphégi, epíscopi, qui, iam mónachus, coenobíticæ vitæ instauratiónem summópere curávit.

9*. In civitáte Sancti Geminiáni in Etrúria, beátæ Finæ, vírginis, quæ inde a téneris annis diutúrnam ac gravem infirmitátem invícta patiéntia soli Deo confísa pértulit.

10*. Arétii in Etrúria, beátæ Iustínæ Francucci Bezzoli, vírginis ex Ordine Sancti Benedícti et reclúsæ.

11*. Recinéti in Picéno Itáliæ, beáti Hierónymi Gherarducci, presbýteri ex Ordine Eremitárum Sancti Augustíni, qui ad pacem et Concórdiam pópulorum procurándam incúbuit.

12. In urbe Guiyang Provínciæ Guangxi Sinárum, sancti Ioséphi Zhang Dapeng, mártyris, qui, lúminæ fídei accépto, vixdum baptizátus missionáriis et catechístis domum apéruit atque paupéribus, ægrótis et púeris omnímodo subvénit, donec ad crucis supplícium ductus est, lácrimas tamen gáudio effúndens, quod pro Christo mori dignus existimátus esset.

13*. Cracóviæ in Polónia, beátæ Angelæ Salawa, vírginis e Tértio Ordine Sancti Francísci, quæ, in doméstico servítio totam vitam dégere éligens, humíliter inter fámulas vixit et in summa paupertáte ad Dóminum migrávit.

14. Matútæ in Ligúria Itáliæ, sancti Aloýsii Orione, presbýteri, qui Parvam Operam a Divína Providéntia instítuit pro bono iúvenum et ómnium derelictórum.

Die 13 mártii
Tértio Idus mártii. Luna:

1. Nicomedíæ in Bithýnia, sanctórum mártyrum Macedónii, presbýteri, Patríciæ, uxóris, et Modéstæ, fíliæ.

2. Hermópoli in Ægýpto, sancti Sabíni, mártyris, qui multa passus est et tandem in flumen proiéctus occúbuit.

3. In Pérside, sanctæ Christínæ, mártyris, quæ, virgis percússa, martýrium consummávit sub Chósroe rege Persárum Primo.

4*. Pictávii in Aquitánia, sancti Piéntii, epíscopi, qui beátæ Radegúndi summo auxílio fuit in coenóbiis condéndis.

5. Híspali in Hispánia, sancti Leándri, epíscopi, qui, frater Sanctórum Isidóri, Fulgéntii ac Florentínæ, prædicatióne et indústria sua gentem Visigothórum, Reccarédo rege eórum adiuvánte, ab ariána impietáte ad Cathólicam fídem convértit.

6*. In monastério Novaliciénsi ad pedes montis Cinísii in valle Segúsina, sancti Eldrádi, abbátis, qui, divíni cultus studiósus, psaltérium emendávit novásque Ecclésias exstruéndas curávit.

7. Córdubæ in Vandalícia Hispániæ regióne, pássio Sanctórum Ruderíci, presbýteri, et Salomónis, mártyrum, quorum prior, cum Mahométum vere prophétam ab Omnipoténte missum credere recusavísset, in cárcerem coniéctus est, ubi in Salomónem incúrrit, qui aliquámdiu ántea mahometánæ religióni adháeserat, et simul cápitis obtruncátióne agónis cursum glorióse perfecérunt.

8. Apud Camerínum in Picéno Itáliæ, sancti Ansovíni, epíscopi.

9*. In monastério Cavénsi in Campánia, beáti Petri Secúndi, abbátis.

10*. Oxónii in Anglia, beáti Agnélli de Pisis, presbýteri, qui, a sancto Francísco in Gálliam, dein in Angliam missus, Ordinem Minórum ibídem instítuit et sacras sciéntias promóvit.

11*. Erenéi in pago Meduáno Gálliæ, beátæ Francíscæ Tréhet, vírginis e Congregatióne a Caritáte et mártyris, quæ ad púeros instituéndos et ægrótos curándos omni stúdio se cóntulit et, témpore gállicæ perturbatiónis, pro Christo martýrium ferro complévit.

Die 14 mártii
Prídie Idus mártii. Luna:

1. Pidnæ in Macedónia, sancti Alexándri, mártyris.

2. Medioláni in Ligúria, sancti Lázari, epíscopi.

3. Carnúti in Gállia, sancti Leobíni, epíscopi.

4. Quedlinbúrgi in Saxónia, sanctæ Mathíldis, quæ, uxor Henríci regis fidélissima, humilitáte et patiéntia conspícua, in sublevándos páuperes et in valetudinária monastériaque condénda benígnas impéndit curas.

5*. In pago Fuldénsi in Germánia, sanctæ Paulínæ, religiósæ.

6*. Leódii in Lotharíngia, beátæ Evæ Montis Cornélii, reclúsæ prope coenóbium Sancti Martíni, quæ una cum sancta Iuliána, eiúsdem coenóbii prioríssa, plúrimum óperam navávit, ut Urbánus papa Quartus sollemnitátem Córporis Christi institúeret.

7*. Panórmi in Sicília Itáliæ, beáti Iacóbi Cusmano, presbýteri, qui Institútum Missionariórum Servórum et Servárum páuperum fundávit, insígni caritáte in egénos et infírmos clarus.

Die 15 mártii

Idibus mártii. Luna:

1. Párii in Hellespónto, sancti Menígni, fullónis, qui sub Décio imperatóre passus esse tráditur.

2. Romæ, sancti Zacharíæ, papæ, qui, ímpetum cóntinens Langobardórum, Francis rectum índicans órdinem, Ecclésias próvidens Germánis et cum Græcis prósequens Societátem, Dei Ecclésiam summa vigilántia ac prudéntia gubernávit.

3. Córdubæ in Vandalícia Hispániæ regióne, sanctæ Leocrítiæ, vírginis et mártyris, quæ, ex Maura Família orta, occúlte fíde Christi enítuit et, cum sancto Eulógio domi capta, quarta die post eius martýrium decolláta ad ætérnam glóriam transívit.

4*. Apud Burgum in Castélla Hispániæ regióne, sancti Sisebúti, abbátis Caradignénsis.

5. Eboráci in Anglia, beáti Guliélmi Hart, presbýteri et mártyris, qui, in Collégio Anglórum Romano ordinátus, sub Elísabeth regína Prima, ex eo quad alíquibus persuasísset ut fídem Cathólicam amplecteréntur, láqueo suspénsus est et exenterátus.

6. Parísiis in Gállia, sanctæ Ludovícæ de Marillac, víduæ, quæ ad egénos sublevándos Institútum Puéllarum a Caritáte exémplo formávit, óperam a sancto Vincéntio de Paul delineátam plene perfíciens.

7. Vindóbonæ in Austria, sancti Cleméntis Maríæ Hofbauer, presbýteri e Congregatióne Sanctíssimi Redemptóris, qui fídei in longínquis regiónibus propagándæ et disciplínæ ecclésiasticæ reformándæ mire adlaborávit et, tam ingénio quam virtútibus clarus, haud paucos sciéntiis artibúsque claros viros ímpulit, ut Ecclésiam adírent.

8*. Premísliæ in Polónia, beáti Ioánnis Adalbérti Balicki, presbýteri, qui múltiplex pro univérso pópulo Dei navávit ministérium, particulári sedulitáte ánimun inténdens ad Evangélium prædicándum et lapsis puéllis assidéndum.

9*. Viédmæ in Argentína, beáti Artémidis Zatti, religiósi e Societáte Sancti Francísci Salèsii, qui zelo missionário emícuit et, in angústias Patagóniæ proféctus, totam vitamin valetudinário huius civitátis summa ánimi magnitúdine patiénter et humíliter necessitátibus egenórum subvénit.

Die 16 mártii
Décimo séptimo Kalendas aprílis. Luna:

1. Aquiléiæ m Venétia, Sanctórum Hilárii, epíscopi, et Tatiáni, mártyrum.

2. Seleucíæ in Pérside, sancti Papæ, qui, ex Lycaónia oriúndus ob Christi fídem, post plúrima torménta, martýrio diem óbiit.

3. Anazárbi in Cilícia, sancti Iuliáni, mártyris, qui, sub Marciáno práeside diutíssime cruciátus, demum in saccum una cum serpéntibus inclúsus in mare præcipitátus est.

4*. In Artésia Néustriæ, sanctæ Eusébiæ, abbátissæ Hammaticénsis, quæ, post mortem patris, cum sancta matre Rictrúde ad vitam monásticam se cóntulit et adhuc aduléscens post áviam sanctam Gertrúdem abbátissa elécta est.

5. Colóniæ Agrippínæ in Germánia, sancti Heribérti, epíscopi, qui, Othónis imperatóris Tértii cancellárius, invítus ad sedem episcopálem eléctus, clerum et pópulum suum virtútum exémplis indesinénter collustrávit, quas étiam prædicatióne commendábat.

6*. Vicétiæ in Venétia, beáti Ioánnis Sordi seu Cacciafronte, epíscopi et mártyris, qui, primum abbas, ob fidelitátem papæ servátam exsílio afféctus est; epíscopus dein Mantuánus eléctus et ad sedem Vicentínam translátus, pro ecclésiastica libertáte a sicário gládio percússus occúbuit.

7*. Eboráci in Anglia, beatórum Ioánnis Amias et Robérti Dalby, presbýterorum et mártyrum, qui, sub Elísabeth regína Prima propter solum sacerdótium cápite damnáti, ad supplícium láquei lætabúndi adiérunt.

8. Apud Hurónes in Canada, pássio sancti Ioánnis de Brébeuf, presbýteri e Societáte Iesu, qui, ex Gállia in Hurónicam missiónem missus, post multos labóres peráctos a pagánis quibúsdam loci sævíssime cruciátus pro Christo occúbuit. Cuius memória cum sóciis die undevicésima octóbris ágitur.

Die 17 mártii    
Sexto décimo Kalendas aprílis. Luna:

2. Commemorátio plurimórum Sanctórum mártyrum Alexandríæ in Ægýpto, qui, témpore Theodósii imperatóris, christianórum número crescénte, a Serápidis cultóribus comprehénsi sunt et, cum idólum constánter adoráre renuíssent, sævíssime cæsi.

3. Cabillóni in Burgúndia Gálliæ, sancti Agrícolæ, epíscopi, qui per decem fere lustra hanc rexit Ecclésiam et váriis Concíliis roborávit.

4. Nivéllæ in Brabántia, sanctæ Gertrúdis, abbátissæ, quæ, clarissímo génere orta, a sancto Amándo epíscopo sacrum velámen vírginum accépit et monastério a matre exstrúcto sapiénter práefuit, in Scripturárum lectióne assídua atque vigiliárum et ieiúnii austeritáte consúmpta.

5. In ínsula Cypro, sancti Pauli, mónachi, qui, cum sanctárum Imáginum cultum defénderet, igne combústus est.

6*. Medúnei prope Baríum in Apúlia, beáti Conradi, qui in Palæstína eremíticam vitam duxit, míseram crýptam usque ad mortem íncolens.

7. Olomúcii in Morávia, sancti Ioánnis Sarkander, presbýteri et mártyris, qui paróchus Holesoviénsis, cum arcána confessiónum trádere renuísset, rotæ supplício datus est et adhuc spirans in cárcerem deiéctus post mensem óbiit.

8. Apud Hurónes in Canada, pássio sancti Gabriélis Lalemant, presbýteri e Societáte Iesu, qui strénuo zelo Dei glóriam ipso populórum loci idiómate diffúdit, ántequam ipse ab inimícis idolórum cultóribus ad crudelíssima traherétur supplícia. Eius memória ágitur cum sóciis die undevicésima octóbris.

9*. Málacæ in Hispánia, beáti Ioánnis Nepomucéni Zegrí y Moreno, presbýteri, qui ministérium suum in servítium Ecclésiæ atque animárum vitam consecrávit et, quo Mélius glóriam Dei Patris in Christo procuráret, Congregatiónem Sorórum a Caritáte Beátæ Maríæ Vírginis a Mercéde fundávit.

Die 18 mártii    
Quinto décimo Kalendas aprílis. Luna:

2. Commemorátio sancti Alexándri, epíscopi et mártyris, qui, de Cappadócia Hierosólymam véniens, Sanctæ Civitátis curam pastorálem suscépit, pretiósam fundávit bibliothécam et scholam apéruit; póstmodum, cum iam longáevæ ætátis veneránda canítie præfulgéret, in persecutióne Décii imperatóris Cæsaréam ductus ob Christi confessiónem martýrium complévit.

3. Lucæ in Etrúria, sancti Frigdiáni, epíscopi, qui, ex Hibérnia oriúndus, cléricos in monastérium collégit et pro bono pópuli Sérculum flumen ad alium cursum defléctit territórium fértile cómparans et Langobárdos, qui in suam diciónem irrupérunt ad fídem Cathólicam convértit.

4. Turónis in Néustria, sancti Leobárdi, qui, in céllula Maióre reclúsus monastério propínqua, mira abstinéntia et humilitáte refúlsit.

5. Cæsaraugústæ in Hispánia Tarraconénsi, sancti Brauliónis, epíscopi, qui sancto Isidóro, cuius íntimus fuit, ad disciplínam ecclésiasticam in tota Hispánia instaurándam auxílium práebuit et eloquéntia sciéntiaque digne succéssit.

6. Apud óppidum Wareham in Anglia, sancti Eduárdi, qui, rex Anglórum, adhuc aduléscens per malum dolum a novércæ fámulis necátus est.

7. Mántuæ in Langobárdia, tránsitus sancti Ansélmi, epíscopi Lucénsis, qui, sedi Románæ fidélissimus, in contentióne de investitúra ánulum et pastorálem báculum, quos ab Henríco imperatóre Quarto ægre accéperat, in manus sancti Gregórii papæ Séptimi repósuit et, a canónicis vitam commúnem renuéntibus sede expúlsus, in Langobárdiam legátús a papa missus est, cui strénuus fuit adiútor.

8. Cálari in Sardínia, sancti Salvatóris de Horta Grionesos, religiósi ex Ordine Fratrum Minórum, qui ad córporum et animárum salútem húmile factus est Christi instruméntum.

9*. Láncastriæ in Anglia, beatórum Ioánnis Thules, presbýteri, et Rogérii Wrenno, mártyrum Christi sub Iacóbo rege Primo, ex eódem comitátu oriundórum.

10*. In coenóbio Sancti Salvatóris Vicecómitis in Normánrnia Gálliæ, beátæ Marthæ (Amátæ) Le Bouteiller, vírginis e Soróribus Scholárum Christianárum a Misericórdia, quæ, Deo summópere inníxa, humíllima offícia semper patiénter implévit.

Die 19 mártii    
Quarto décimo Kalendas aprílis. Luna:         

2. Apud Spolétum in Umbria, sancti Ioánnis, abbátis Parranénsis, qui multórum servórum Dei pater éxstitit.

3*. Pápiæ in Langobárdia, beáti Isnárdi de Chiámpo, presbýteri ex Ordine Prædicatórum, qui in hac civitáte convéntum Ordinis sui fundávit.

4*. Senis in Etrúria, beáti Andréæ Gallerani, qui infírmos et afflíctos diligénter visitávit et consolátus est atque Fratres Misericórdiæ congregávit, qui, láici sine votis, paupéribus et infírmis ministrárent.

5*. Cameríni in Picéno Itáliæ, beáti Ioánnis de Parma Buralli, presbýteri ex Ordine Minórum, quem ad Græcos Ínnocens papa Quartus legátum misit, ut eórum communiónem cum Latínis conciliáret.

6*. Pápiæ in Langobárdia, beátæ Sibyllínæ Biscossi, vírginis, quæ, duodénnis óculis capta, reclúsa apud ecclésiam Ordinis Prædicatórum sexagínta quinque annos degit, multos qui ad eam confugiébant interióre luce illústrans.

7*. Vicétiæ in Venétia, beáti Marci de Marchio de Montegallo, presbýteri ex Ordine Minórum, qui ad Páuperum inópiam sublevándam opus Montem Pietátis nuncupátum creávit.

8*. Prope Monáchium Bavariáe in Germánia, beáti Narcíssi Turchan, presbýteri ex Ordine Fratrum Minórum et mártyris, qui, e Polónia nefário regímine subácta in castra deténtiónis Dacháni propter fídem deportátus, cruciátibus conféctus occúbuit.

9*. In loco Mauthausen in Austria, beáti Marcélli Callo, mártyris, qui, iúvenis e Rhedónibus in Gállia oriúndus, bello grassánte, concaptívos duris labóribus deféssos christiáno ardóre in fíde confortábat, quaprópter in campo excídii enecátus est.

Die 20 mártii    
Tértio décimo Kalendas aprílis. Luna:          

1. Commemorátio sancti Archíppi, commilitónis beáti Pauli Apóstoli, cuius ipse in epístulis ad Philémonen et ad Colossénses méminit.

2. Antiochíæ in Sýria, Sanctórum Pauli, Cyrílli et aliórum, mártyrum.

3*. Metis in Gállia Bélgica, sancti Urbícii, epíscopi.

4*. Brácaræ in Lusitánia, sancti Martíni, epíscopi, qui, e Pannónia oriúndus, primum sedem Dumiénsem, dein Bracarénsem accépit, cuius zelo et prædicatióne Suévi, ariána Hǽresi derelícta, fídem cathólicam ampléxi sunt.

5. In ínsula Farna in Northúmbria, tránsitus sancti Cuthbérti, epíscopi Lindisfarnénsis, qui in pastoráli múnere eádem cláruit diligéntia, qua ántea in monastério et erémo, atque Celtórum austeritátes ac vivéndi genus cum móribus románis pacífice compósuit.

6. In monastério Fontanéllæ in Néustria, deposítio sancti Vulfrámni, qui, ex mónacho epíscopus Senonénsis eléctus, ad gentem Frisiórum evangélico núntio ditándam se cóntulit; tandem in monastérium Fontanéllæ revérsus ibídem in pace quiévit.

7. Commemorátio sancti Nicétæ, epíscopi Apollóniæ in Macedónia, qui pro sanctárum Imáginum cultu ab imperatóre Leóne Arméno in exsílium eiéctus est.

8. In laura Sancti Sabæ in Palæstína, pássio sanctórum vigínti monachórum, qui a Saracénis incursóribus in ecclésia Genetrícis Dei fumo suffocáti sunt.

9*. Senis in Etrúria, beáti Ambrósii Sansedoni, presbýteri ex Ordine Prædicatórum, qui, sancti Albérti Magni discípulus, licet doctrína et prædicatióne sápiens, simul in omnes símplicem se práebuit.

10. Pragæ in Bohémia, sancti Ioánnis Nepomucéni, presbýteri et mártyris, qui in Ecclésia tuénda multas a Vencesláo rege Quarto accépit iniúrias et, torméntis et cruciátibus expositus, tandem adhuc spirans in Moldávam flumen deiéctus est.

11*. Mántuæ in Langobárdia, beáti Baptístæ Spagnoli, presbýteri ex Ordine Carmelitárum, qui inter príncipes pacem conciliávit et Ordinem ipsum reformávit, cui Leónis papæ Décimi iussu invítus præpósitus est.

 

12*. Floréntiæ in Etrúria, beáti Hippólyti Galantini, qui Sodalitátis Doctrínæ Christiánæ fundátor, in catechéticam institutiónem puerórum simpliciorúmque egrégiam impéndit óperam.